Timhaka 3:18 - BIBELE Mahungu Lamanene

¹⁸ kambe hi mukhuva wolowo, Xikwembu xi endlile leswaku ku hetiseka leswi xi nga swi tivisa khale hi milomo ya vaprofeta hinkwavo: Hileswaku Mesiya wa xona a a ta twisiwa ku vaviseka.

Testamente Leyimpsha Xichangana

¹⁸ kambe hi mukhuva wolowo, Xikwembu xiyendlile lesvaku kuhetiseka lesvi xingasvitivisa khale hi milomo ya vaprofeta hinkwavu: Hi lesvaku Mesiya wa xona aata xanisiwa.

Xitsonga (Bibele)

¹⁸ kambe Xikwembu xi hetisisile hi mukhuva wolowo timhaka leti xi nga rhanga xi ti vula hi milomu ya vaprofeta va xona hinkwavo, leswaku Kriste wa xona u ta twisiwa ku vaviseka.

Timhaka 3:18 Referans Kwoze

Timhaka 2:23

hi yena loyi a nga nyiketiwa, hi makungu lama tiyeke ya Xikwembu ni ku tiva ka xona ka khale; kutani mi n'wi dlayile hi mavoko ya vanhu lavo homboloka lava nga n'wi vamba exihambanweni.

Zakariya 12:10

Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.

Esaya 50:6

Ndzi pfumerile ku korhama ndzi biwa hi valala, ni loko va ndzi hlurhulela malebvu, ndzi kangaterile; a ndzi chavanga ku rhuketeriwa ni ku tshwuteriwa marha.

Timhaka 28:23

Va n'wi vekela siku, kutani va ta ka yena va telenyana, endlwini leyi a a tshama ka yona. Pawulo a va hlamusela ta Mfumo wa Xikwembu, a ti tiyisa hi vumbhoni bya yena; a ringeta ni ku va kombisa ta Yesu, hi ku hlaya eNawini wa Muxe, ni ka vaprofeta, a vulavula ku sukela nimixo ku ya fika nimadyambu.

Luka 24:44

Kutani a ku ka vona: “Hi tona timhaka leti ndzi nga mi tivisa tona, loko ndza ha ri na n'wina, loko ndzi te: ‘Hinkwaswo leswi tsariweke ehenhla ka mina eNawini wa Muxe ni ka Vaprofeta, ni ka Tipisalema, swi fanele ku hetiseka.’ ”

Nhlavutelo 19:10

Kutani ndzi nkhinsama ni ku korhama emilengeni ya yena ku ta yi gandzela, kambe yi ku ka mina: “U nga tshuki u endla sweswo, mina ndzi nandza ntsena, kukota wena ni vamakwenu lava hlayisaka vumbhoni lebyi humesiweke hi Yesu. Gandzela Xikwembu!” Vumbhoni lebyi humesiweke hi Yesu, hi wona mongo wa vuhlavuteli.

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!

Daniele 9:26

Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Genesa 3:15

Ndzi ta vanga rivengo exikarhi ka wena ni wansati, ni le xikarhi ka vatukulu va wena ni vatukulu va yena. Va ta ku faya nhloko, wena u ta va luma xirhendze.”

Timhaka 10:43

Hi yena loyi vaprofeta hinkwavo va vuleke vumbhoni ehenhla ka yena loko va te: ‘Un'wana ni un'wana la pfumelaka ka yena, ú ta kuma ku rivaleriwa ka swidyoho hi vito ra yena.’ ”

2 Petro 1:21

Hikuva ku hava rito ni rin'we ra vaprofeta leri teke hi ku titwa ka munhu, kambe vanhu lava susumetiweke hi Moya lowo Kwetsima, va vurile leswi humaka eka Xikwembu.