Timhaka 3:15 - BIBELE Mahungu Lamanene

¹⁵ kutani mi dlaya munyiki wa vutomi; kambe Xikwembu xi n'wi pfuxile eku feni; hina hi timbhoni ta swona.

Testamente Leyimpsha Xichangana

¹⁵ kutani midlaya munyiki wa vutomi; kambe Xikwembu ximupfuxile kufeni; hina hi timboni ta svona.

Xitsonga (Bibele)

¹⁵ Kasi mi dlele Hosi ya vutomi, yeloyi Xikwembu xi n'wi pfuxeke eku feni; kutani na hina hi timbhoni ta swona.

Timhaka 3:15 Referans Kwoze

Timhaka 2:24

Kambe Xikwembu xi n'wi pfuxile eku feni, xi n'wi ntshunxa eku vavisekeni ka rifu, hikuva a swi nga endleki leswaku a bohiwa ha rona.

Nhlavutelo 21:6

Kutani a ku ka mina: “Swi endlekile! Hi mina Alfa na Omega, ku sungula ni ku hela. Loyi a nga ni torha, ndzi ta n'wi nyika mati ntsena a nga hakeli, ma huma exihlobyeni xa mati ya vutomi.

Timhaka 2:32

“Hi yena Yesu loyi Xikwembu xi nga n'wi pfuxa eku feni, kutani hinkwerhu hi timbhoni ta mhaka leyi.

Vaheveru 2:10

Hikuva a swi fanela leswaku Xikwembu, lexi swilo hinkwaswo swi hanyelaka xona ni ku hlayisiwa hi xona, loko xi fikisa vana va xona lavo tala eku kwetsimeni, xi endla leswaku murhangeri wa ku ponisiwa ka vona a va loyi a hetisekeke, hi mhaka ya ku vaviseka ka yena.

1 Vakorinto 15:45

Hikokwalaho ku tsariwile, va ku: “Munhu lowo rhanga Adamu, ú endliwile xivumbiwa lexi hanyaka.” Kambe Adamu lowo hetelela ú endliwile moya lowu hanyisaka.

Yohane 5:26

Tanihi leswi Tatana hi xiviri xa yena a nga xihlovo xa vutomi, hi mukhuva wolowo ú nyikile N'wana ku va xihlovo xa vutomi na yena.

Yohane 1:4

swi kumile vutomi eka yena, kutani vutomi bya yena a byi ri ku vonakala eka vanhu.

Nhlavutelo 22:17

Moya ni Mutekiwa va ri: “Tana! Ni loyi a swi twaka a a vule a ku: ‘Tana!’ Loyi a nga ni torha a a te; ni loyi a swi navelaka a a nwe mati ya vutomi a nga hakeli.”

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

Vaheveru 5:9

Kutani loko a endliwile la hetisekeke, ú hundzukile xihlovo xa ku ponisiwa loku nga heriki eka hinkwavo lava va n'wi yingisaka,

Yohane 17:2

Hakunene, u n'wi nyikile vuhosi ehenhla ka vanhu hinkwavo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Yohane 4:14

Kambe un'wana ni un'wana la nwaka mati lawa ndzi nga ta n'wi nyika wona, a nga ka a nga ha tlheli a twa torha ni siku ni rin'we; kambe mati lawa ndzi nga ta n'wi nyika wona, ma ta va eka yena xihlovo xa mati lama pfelelaka, ku yisa evutomini lebyi nga heriki.”

Yohane 4:10

Yesu a n'wi hlamula, a ku: “Loko onge u tivile leswi Xikwembu xi nyikaka swona, ni loyi a vulavulaka na wena a ku: ‘Ndzi nyike mati ndzi nwa’, a wu ta va u komberile eka yena, kutani a a ta va a ku nyikile mati lama hanyaka.”

Nhlavutelo 22:1

Kutani ntsumi yi ndzi komba nambu wa mati ya vutomi lowu vangamaka ku fana ni “kristala”, wu khuluka wu huma exiluvelweni xa Xikwembu ni xa Xinyimpfana.

Yohane 10:28

Ndzi ti nyika vutomi lebyi nga heriki; ti nga ka ti nga lovi ni siku ni rin'we, naswona a ku na munhu la nga ta ti vutla evokweni ra mina.

Vaefesa 1:20

ma ha ri wona lawa xi ma tirhiseke hi ntamu, loko xi pfuxile Kriste eku feni, xi engeta xi n'wi veka evokweni ra xona ra xinene ehenhla matilweni.

Timhaka 5:31

Hi yena loyi Xikwembu xi nga n'wi tlakusa, a tshama evokweni ra xona ra xinene ku va Murhangeri ni Muponisi, leswaku a ta nyika Vaisraele eku hundzuka ni ku rivaleriwa ka swidyoho.

Timhaka 1:22

ku sukela enkarhini lowu Yohane a a khuvula vanhu, ku fikela loko Yesu a tlakuriwile a ya ehenhla, a suka exikarhi ka hina; munhu wa kona ú fanele ku va mbhoni ya ku pfuka ka Hosi eku feni, swin'we na hina.”

Luka 24:48

N'wina mi timbhoni ta timhaka leti.

Timhaka 4:2

a va vilela hikuva vaapostola a va dyondzisa vanhu ni ku vula ta ku pfuka ka vafi hikwalaho ka ku pfuka ka Yesu eku feni.

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.