Timhaka 28:8 - BIBELE Mahungu Lamanene

⁸ Kambe swi kumeka leswaku tata wa Publiyo a a etlerile, miri wa yena wu hisa ni ku khomiwa hi le ndzeni. Pawulo a nghena ka yena; a khongela, kutani a n'wi tlhandleka mavoko, a n'wi hanyisa.

Testamente Leyimpsha Xichangana

⁸ Kambe kukumeka lesvaku tatana wa Publiyo aayetlelile, miri wa yena wuhisa ni kukhomiwa hi le ndzeni. Pawulo anghena ka yena; akhongela, kutani amutlhanteka mavoko, amuhanyisa.

Xitsonga (Bibele)

⁸ Kutani va kuma tata wa Publio a etlele a vabya hi nhloko ni le ndzeni. Pawulo a nghena eka yena, kuteloko a khongele, a n'wi tlhandleka mavoko ehenhla, a n'wi hanyisa.

Timhaka 28:8 Referans Kwoze

Timhaka 9:40

Kambe Petro a va humesela handle hinkwavo; a nkhinsama hi matsolo, a khongela; kutani a hundzulukela ka ntsumbu, a ku: “Tabita, pfuka!” Kavaloko Tabita a pfula mahlo, kutani loko a vona Petro, a pfuka a tshama.

Marka 6:5

Kutani a tsandzeka ku endla mahlori kona, loko ku nga ri ku hanyisa vavabyi va nga ri vangani, hi ku va tlhandleka mavoko.

Marka 16:18

va ta khoma tinyoka hi mavoko; kutani hambi va nga nwa leswi dlayaka, swi nga ka swi nga va endli nchumu; va ta tlhandleka mavoko ehenhla ka lava vabyaka, va va hanyisa.”

Matewu 9:18

Loko a ha vulavula na vona hi timhaka teto, ku fika un'wana wa varhangeri va sinagoga, a n'wi nkhinsamela a ku: “N'wana wa mina wa wanhwanyana wa ha ku fa sweswi, kambe wa nga ta, u ta n'wi tlhandleka mavoko, kutani ú ta tlhela a hanya.”

1 Vakorinto 12:28

Kutani Xikwembu xi vekile ekerekeni eku sunguleni vaapostola, endzhaku ku ta vatwarisi va Rito, ku tlhandlama vadyondzisi; kutani ku ta lava endlaka mahlori, ni lava nga ni nyiko yo hanyisa vanhu, ni lava tirhaka swo pfuna van'wana, ni lava nyikiweke ku fambisa mintirho, ni ku vulavula hi tindzimi leti nga tiviwiki ta tinxaka-xaka.

1 Vakorinto 12:9

un'wana ú nyikiwa ku pfumela hi Moya lowu, un'wana kambe ú kuma nyiko yo hanyisa vanhu hi Moya wolowo wun'we;

Matewu 10:8

Hanyisani lava vabyaka, mi pfuxa vafi, mi basisa vanhlokonho, mi hlongola mademona. Mi nyikiwile ntsena; na n'wina, nyikani ntsena.

Matewu 10:1

Loko Yesu a vitanile vadyondzisiwa va yena lava khume na vambirhi, a va nyika matimba yo hlongola mimoya ya thyaka ni matimba ya ku hanyisa hinkwavo lava xanisiwaka hi mavabyi ya tinxaka-xaka.

Luka 13:13

A n'wi tlhandleka mavoko, kutani wansati a ololoka kan'we-kan'we, a dzunisa Xikwembu.

Luka 4:40

Loko dyambu ri perile, hinkwavo lava a va ri ni vanhu lava karhatiwaka hi mavabyi ya tinxaka-xaka, va va tisa eka Yesu, kutani a tlhandleka mavoko ehenhla ka un'wana ni un'wana wa vona, a va hanyisa.

Marka 7:32

Kutani va n'wi tisela munhu la feke tindleve, wa mbheveve; va khongela Yesu leswaku a n'wi tlhandleka mavoko.

Marka 5:23

a n'wi khongela ngopfu, a ku: “N'wana wa mina wa wanhwanyana wa fa. Wa nga ta, u ta n'wi tlhandleka mavoko leswaku a pfuka a hanya.”

Matewu 12:13

Kutani a ku ka munhu yoloye: “Tshambuluta voko ra wena!” A ri tshambuluta; kutani ri tlhela ri ololoka ri fana ni lerin'wana.

Timhaka 28:7

Kusuhi ni xivandla lexi, a ku ri ni masimu ya ndhuna ya xihlale, leyi a va ku i Publiyo; munhu loyi a hi amukela swinene, a hi rhurhela endlwini ya yena masiku manharhu.

Timhaka 28:9

Loko mhaka leyi yi humelerile, vavabyi van'wana va la xihlaleni, va ta, va hanyisiwa hinkwavo na vona.