Timhaka 28:11 - BIBELE Mahungu Lamanene

¹¹ Loko ku hundzile tin'hweti tinharhu, hi famba hi ngalava yo huma eAleksandriya, leyi a va ku i “ya Swikwembu-swa-Mahahla”; a yi hetile vuxika yi ri exihlaleni.

Testamente Leyimpsha Xichangana

¹¹ Loko kuhundzile tihweti tinharhu, hifamba hi ngalawa ya kuhuma Alexandriya, leyi avaku i “ya svikwembu sva mahahla”; ahihetile vuxika na hili xihlaleni.

Xitsonga (Bibele)

¹¹ Tin'hweti tinharhu loko ti hundzile hi famba hi ngalava ya Aleksandriya leyi ingi yi pindzukile vusika exihlaleni, yi ri ni xifaniso xa Vadiyoskuro.

Timhaka 28:11 Referans Kwoze

Timhaka 27:6

Kutani ndhuna yi kuma kona ngalava yo huma le Aleksandriya leyi yaka le Italiya, kutani yi hi nghenisa ka yona.

1 Vakorinto 8:4

Loko ku ri ku dya leswi humeseriweke swikwembu swa hava, hi tiva leswaku “xikwembu xa hava a hi xilo xa nchumu emisaveni”, ni leswaku “ku ni Xikwembu xi ri xin'we ntsena, ku hava xin'wana.”

Esaya 45:20

HOSI Xikwembu xi ri: “Hlengeletanani, n'wina mi poneke ematikweni, tanani, mi tshinela kusuhi. Vanhu lava famba-fambaka ni swifaniso swo vatliwa swa swikwembu swa vona, lava khongelaka swikwembu leswi nga kotiki ku ponisa, a va tivi nchumu!

Timhaka 6:9

Kambe ku humelela van'wana va sinagoga leyi vuriwaka “ya Vantshunxiwa”, van'wana va ri lava humaka eKirene ni le Aleksandriya, van'wana va huma eKilikiya ni le Asiya; kutani va yima va kanetana na Stefano.

Yonasi 1:16

Vavanuna lava va sungula ku chava ngopfu HOSI Xikwembu, va xi humesela magandzelo, naswona va hlambanya leswaku va ta xi tirhela.

Yonasi 1:5

Vatluti va chava ngopfu. Un'wana ni un'wana wa vona a huwelela eka xikwembu xa yena. Kutani va hunguta ku tika ka ngalava hi ku hoxela mindzhwalo ya vona elwandle. Loko a ri Yonasi, a a khomiwe hi vurhongo lebyikulu endzeni ka ngalava, lomu a a rhelerile ku ya etlela kona.

Timhaka 13:6

Kuteloko va tsemakanyile xihlale hinkwaxo ku ya fika ePafo, va ya kuma mungoma un'wana, muprofeta wa ku hemba wa Muyuda; vito ra yena a va ku i Bariyesu;

Timhaka 28:10

Va hi fundzha hi ku humesa tinyiko to tala; kutani siku hi sukaka, va hi longela na leswi hi nga ta swi lava eriendzweni.

Timhaka 28:12

Kutani loko hi fikile eSirakusa, hi xwa masiku manharhu kona.