Timhaka 27:18 - BIBELE Mahungu Lamanene

¹⁸ Loko ri xa, a hi biwa ngopfu hi xidzedze; hikokwalaho va cukumeta mindzhwalo ya ngalava elwandle.

Testamente Leyimpsha Xichangana

¹⁸ Loko rixa, ahibiwa ngopfu hi xidzedze; hi kolaho vacukumeta mindzhwalu ya ngalawa lwandle.

Xitsonga (Bibele)

¹⁸ Byi xa, loko hi ri karhi hi biwa ngopfungopfu hi xihuhuri, va cukumeta xuma xa ngalava.

Timhaka 27:18 Referans Kwoze

Yonasi 1:5

Vatluti va chava ngopfu. Un'wana ni un'wana wa vona a huwelela eka xikwembu xa yena. Kutani va hunguta ku tika ka ngalava hi ku hoxela mindzhwalo ya vona elwandle. Loko a ri Yonasi, a a khomiwe hi vurhongo lebyikulu endzeni ka ngalava, lomu a a rhelerile ku ya etlela kona.

Timhaka 27:38

Loko va hetile ku dya va xurhile, va vevukisa ngalava hi ku cukumeta ndzhwalo wa mavele elwandle.

Vaheveru 12:1

Hikokwalaho, leswi hi rhendzeriweke hi vunyingi lebyikulu lebyi bya timbhoni, na hina a hi tshikeni hinkwaswo leswi swi hi sivelaka ku ya emahlweni, ni vudyoho lebyi hatlaka ku hi namarhela, hi tsutsuma hi ri ni ku tiyisela eku tsutsumeni ka mpfhuka lowu hi vekeriweke wona.

Timhaka 27:19

Kutani hi siku ra vunharhu, va cukumeta swigotso swa ngalava elwandle, hi mavoko ya vona vinyi.

Luka 16:8

Kutani n'wini a dzunisa mulanguteri wo kala a nga tshembekanga, hikuva a a endlile hi vutlhari.” Yesu a engeta a ku: “Vanhu va misava leyi va tlharihile eku tirhisaneni ni va ka vona ku tlula vanhu va ku vonakala.

Matewu 16:26

Hikokwalaho loko munhu a kota ku fuwa misava hinkwayo, kambe a lahlekeriwa hi vutomi bya yena, swi ta va swi n'wi pfune yini ke? Kumbe munhu ú ta humesa yini ku xava vutomi bya yena xana?

Pisalema 107:27

va rhurhumela, va dedeleka kukota swidakwa, vutlharinyana bya vona byi nga ha pfuni nchumu.

Luka 12:23

Vutomi byi tlula swakudya, ni miri wu tlula swiambalo.