Timhaka 26:5 - BIBELE Mahungu Lamanene

⁵ I khale va ndzi tiva, kutani va nga humesa vumbhoni, loko va swi lava, leswaku ndzi hanyile ndzi ri wa ntlawa lowu wu nga ni milawu yo tiya ku tlula mintlawa yin'wana hinkwayo, evukhongerini bya ka hina, hileswaku ntlawa wa Vafarisi.

Testamente Leyimpsha Xichangana

⁵ I khale na vanitiva, kutani vangahumesa vumboni, loko vasvilava, lesvaku nihanyile na nili wa ntlawa lowu wungani milawu ya kutiya kutlula mintlawa yin'wana hinkwayu, avukhongelini bza ka hina, hi lesvaku ntlawa wa Vafarisi.

Xitsonga (Bibele)

⁵ Hikuva i khale va ndzi tiva, loko va rhandza ku vula vumbhoni leswaku ndzi hanyile hi mukhuva wa Vufarisi, lowu nga wona lowunene hi ku tlurisa, eku gandzeleni ka hina.

Timhaka 26:5 Referans Kwoze

Timhaka 23:6

Kutani Pawulo, hi ku tiva leswaku van'wana exikarhi ka vona i Vasaduki, kasi van'wana i Vafarisi, a tlakusa rito ehubyeni a ku: “N'wina varikwerhu, ndzi Mufarisi, n'wana wa Vafarisi, kutani ndzi avanyisiwa kwala hikuva ndzi languterile ku pfuka ka vafi.”

Timhaka 22:3

“Mina ndzi Muyuda; ndzi velekiwile eTarso wa Kilikiya, kambe ndzi kulele emutini lowu, ndzi ri mudyondzisiwa wa Gamaliele. Ndzi dyondzisiwile Nawu wa vatatana hi mukhuva lowunene, ndzi ri munhu la hisekelaka Xikwembu, kukotisa n'wina hinkwenu namuntlha;

Timhaka 24:5

Hi kumile leswaku munhu loyi ú vanga mpfilumpfilu. Ú pfuxa madzolonga exikarhi ka Vayuda hinkwavo lava akeke kwihi na kwihi emisaveni; hi yena la nga nhloko ya dyondzo yo hambuka ya Vanazarene.

Timhaka 22:5

Timbhoni ta mina hi yena Muprista lonkulu, ni nhlengeletano hinkwayo ya vakulukumba. Ndzi amukerile ka vona mapapila lama tsaleriweke Vayuda va ka hina le Damaska; ndzi yile kona ku ya khoma lava akeke kona, ndzi va tisa eYerusalema leswaku va ta biwa swinene.

Timhaka 24:14

A ndzi ku fihleli leswaku ndzi tirhela Xikwembu xa vatatana hi ndlela leyi va yi vulaka leswaku yi hambukile; kambe ndzi pfumela hinkwaswo leswi tsariweke eNawini ni ka Vaprofeta.

Timhaka 15:5

Kambe van'wana va ntlawa wa Vafarisi, lava a va pfumerile, va yima, va ku: “Swa fanela leswaku vamatiko va yimba, va lerisiwa ni ku hlayisa Nawu wa Muxe.”