Timhaka 26:22 - BIBELE Mahungu Lamanene

²² Kambe ndzi pfuniwile hi Xikwembu ku fikela siku ra namuntlha, kutani sweswi ndzi yimile kwala ndzi ri karhi ndzi humesa vumbhoni eka lavatsongo ni ka lavakulu; a ndzi vuli timhaka tin'wana, loko ti nga ri leti Muxe ni Vaprofeta va nga vula leswaku ti ta humelela:

Testamente Leyimpsha Xichangana

²² Kambe nipfuniwile hi Xikwembu kufikela siku ra namuntlha, kutani svosvi niyimile kola na nili karhi nihumesa vumboni ka lavatsongo ni ka lavakulu; anivuli timhaka tin'wana, loko tingali leti Moxe ni Vaprofeta vangavula lesvaku titahumelela:

Xitsonga (Bibele)

²² Kambe, hikuva ndzi vonile ku pfuniwa hi Xikwembu, ndzi tiyisile ku fikela siku ra namuntlha ku vula vumbhoni eka lavatsongo ni lavakulu; kutani a ndzi vulanga timhaka tin'wana, loko ti nga ri leti Muxe ni vaprofeta va nga te ti ta humelela;

Timhaka 26:22 Referans Kwoze

Timhaka 24:14

A ndzi ku fihleli leswaku ndzi tirhela Xikwembu xa vatatana hi ndlela leyi va yi vulaka leswaku yi hambukile; kambe ndzi pfumela hinkwaswo leswi tsariweke eNawini ni ka Vaprofeta.

Yohane 5:46

Loko a mi pfumerile Muxe, na mina a mi ta ndzi pfumela; hikuva a ti ri ta mina leti a nga tsala tona.

Timhaka 10:43

Hi yena loyi vaprofeta hinkwavo va vuleke vumbhoni ehenhla ka yena loko va te: ‘Un'wana ni un'wana la pfumelaka ka yena, ú ta kuma ku rivaleriwa ka swidyoho hi vito ra yena.’ ”

Luka 24:44

Kutani a ku ka vona: “Hi tona timhaka leti ndzi nga mi tivisa tona, loko ndza ha ri na n'wina, loko ndzi te: ‘Hinkwaswo leswi tsariweke ehenhla ka mina eNawini wa Muxe ni ka Vaprofeta, ni ka Tipisalema, swi fanele ku hetiseka.’ ”

Luka 24:27

Kutani a va hlamusela hilaha timhaka ta yena ti nga vuriwa eMatsalweni hinkwawo hakona, ku sungula hi Muxe ku yisa eka vaprofeta hinkwavo.

Nhlavutelo 15:3

va yimbelela risimu ra Muxe nandza wa Xikwembu, ni risimu ra Xinyimpfana, va ku: “We Hosi, Xikwembu xa matimba hinkwawo, a hi ku kula ni ku hlamarisa ka mintirho ya wena; we Mufumi wa matiko hinkwawo, a hi ku lulama ni ku tshembeka ka tindlela ta wena!

Varhoma 3:21

Kambe sweswi ndlela leyi Xikwembu xi endlaka ha yona leswaku vanhu va va lava lulameke, yi pfuleteriwile, yi nga ri yo tshemba swa Nawu; vumbhoni bya yona byi kona ematsalweni ya Nawu ni Vaprofeta:

1 SAMIELE 7:12

Samiele a teka ribye, a ri yimisa exikarhi ka Mitspa ni muti lowu vuriwaka “Tino”. Kutani a thya ribye leri evito ra “Ebenezere”, hi leswaku “Ribye-ra-Vuponisi”, a engeta a ku: “Ku fikela siku ra namuntlha, HOSI yi hi ponisile.”

Timhaka 28:23

Va n'wi vekela siku, kutani va ta ka yena va telenyana, endlwini leyi a a tshama ka yona. Pawulo a va hlamusela ta Mfumo wa Xikwembu, a ti tiyisa hi vumbhoni bya yena; a ringeta ni ku va kombisa ta Yesu, hi ku hlaya eNawini wa Muxe, ni ka vaprofeta, a vulavula ku sukela nimixo ku ya fika nimadyambu.

Timhaka 26:17

ndzi ta ku ponisa emavokweni ya vanhu va tiko leri ni ya vamatiko lava ndzi ku rhumelaka eka vona;

Timhaka 26:6

Kutani sweswi ndzi le ku avanyisiweni hikuva ndzi langutela xitshembiso lexi vatatana va nyikiweke xona hi Xikwembu;

Yohane 5:39

Mi lavisisa Matsalwa, hikuva mi anakanya leswaku, eka wona, mi ta kuma vutomi lebyi nga heriki; kasi hi wona lama vekaka vumbhoni ehenhla ka mina.

Yohane 1:45

Filipi a kuma Nataniele, a ku ka yena: “Hi kumile loyi Muxe a tsaleke timhaka ta yena eNawini; na vona vaprofeta va ti tsarile: I Yesu wa Nazareta n'wana Yosefa.”

Yohane 1:17

hikuva Nawu wu nyikiwile hi Muxe, kambe tintswalo ni ntiyiso swi tile ha Yesu Kriste.

Luka 24:46

Kutani a ku ka vona: “Matsalwa ma vurisile ma te: ‘Mesiya ú ta twisiwa ku vaviseka, a tlhela a pfuka eku feni hi siku ra vunharhu.

Pisalema 124:8

Ku pfuniwa ka hina ku le vitweni ra HOSI, leyi endleke tilo ni misava.

Pisalema 66:12

U tshikile valala va hina va hi kandziyela. U hi hundzisile hi le ndzilweni ni le swidziveni swa mati, kambe eku heteleleni u hi fikisile etikweni leri noneke.

Pisalema 18:47

Hi xona Xikwembu lexi xi ndzi rihiselaka, lexi sindzisaka matiko ku va ehansi ka mina.

Ezra 8:31

Kutani hi siku ra vu-12 ra n'hweti yo sungula hi suka enambyeni wa Ahavha, hi kongoma eYerusalema, Xikwembu xa hina xi ri karhi xi hi sirhelela ni ku hi lamulela emavokweni ya valala ni swigevenga.

Nhlavutelo 20:12

Naswona, ndzi vona vafi, lavakulu ni lavatsongo, va yimile emahlweni ka xiluvelo, kutani tibuku ti pfaluriwa. Ku pfaluriwa ni buku yin'wanyana, yi nga buku ya vutomi. Vafi va avanyisiwa hi leswi swi nga tsariwa etibukwini, hi ku ya hi leswi va swi endleke.

Nhlavutelo 11:18

Vanhu va matiko a va tele ku hlundzuka, kambe siku ra vukari bya wena ri fikile; i nkarhi wa ku avanyisa lava feke. I nkarhi wa ku nyika hakelo eka vaprofeta malandza ya wena, ni ka vahlawuriwa va wena hinkwawo, ni ka hinkwavo lava va ku chavaka, lavakulu ni lavatsongo. I nkarhi wa ku herisa lava herisaka misava.”

2 Timotiya 3:11

U vonile ku xanisiwa ka mina ni maxangu ya mina; u tiva hinkwaswo leswi swi ndzi humeleleke le Antiyoka ni le Ikoniya ni le Listra, ni ku xaniseka lokukulu loku ndzi ku voneke. Hambiswiritano, Hosi yi ndzi lamulerile emaxangwini lawa hinkwawo.

Matewu 26:24

Loko a ri N'wana-wa-Munhu, ú ta tifambela hilaha ku tsariweke hakona ehenhla ka yena, kambe ú ni khombo munhu loyi N'wana-wa-Munhu a xengiwaka ha yena! A swi ta antswa eka munhu loyi loko onge a nga velekiwanga.”

Luka 16:28

hikuva ndzi ni vamakwerhu va ntlhanu. Ú ta ya va tsundzuxa, leswaku va nga tshuki va ta na vona exivandleni lexi xa ku xaniseka.’

Timhaka 13:29

Kuteloko va hetisisile timhaka hinkwato leti tsariweke ehenhla ka yena, va n'wi hawurile emhandzeni, va n'wi lata esirheni.

1 Vakorinto 15:3

Ndzi mi hundzisele leswi na mina ndzi swi amukeleke, swi nga leswikulu eka hinkwaswo: Hileswaku Yesu ú fele swidyoho swa hina, hilaha Matsalwa ma vulaka hakona;

1 Vakorinto 15:4

ni leswaku ú lahliwile esirheni a vuya a pfuxiwa eku feni hi siku ra vunharhu, hilaha Matsalwa ma vulaka hakona;