Timhaka 26:20 - BIBELE Mahungu Lamanene

²⁰ Ndzi sungurile hi va le Damaska ni va le Yerusalema, ndzi ya emahlweni etikweni hinkwaro ra Yudiya, ni le ka vamatiko, ndzi ri karhi ndzi va khongotela ku hundzuka, va tlhelela eka Xikwembu, kutani va tirha mintirho leyi fambelanaka ni ku hundzuka ka vona.

Testamente Leyimpsha Xichangana

²⁰ Nisungulile hi va le Damaska ni va le Yerusalema, ni ya mahlweni tikweni hinkwaru ra Yudeya, ni le ka vamatiko, na nivakhongotela kuhundzuka, vatlhelela ka Xikwembu, kutani vatirha mintirho leyifambelanaka ni kuhundzuka ka vona.

Xitsonga (Bibele)

²⁰ Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Timhaka 26:20 Referans Kwoze

Timhaka 3:19

“Loko swi ri tano, hundzukani, mi tlhelela eka Xikwembu, leswaku swidyoho swa n'wina swi rivaleriwa,

Matewu 3:8

Vekani mihandzu leyi fambelanaka ni ku hundzuka ka n'wina.

Timhaka 2:38

Petro a ku ka vona: “Hundzukani, kutani un'wana ni un'wana wa n'wina a khuvuriwa hi vito ra Yesu Kriste, leswaku mi rivaleriwa swidyoho swa n'wina; kutani mi ta amukela nyiko, wu nga Moya lowo Kwetsima,

Nhlavutelo 2:5

Hikokwalaho ke, anakanya laha u nga suka u ri kona loko u wa, kutani hundzuka u vuyela emintirhweni leyi a wu yi endla eku sunguleni. Loko swi nga ri tano, ndzi ta ta eka wena, ndzi ta susa xitlhoma-timboni xa wena laha xi nga kona, loko u nga hundzuki.

Matewu 9:13

“Yanani, mi ya dyondza rito leri nge: ‘Ndzi tsakela tintswalo, ku nga ri magandzelo.’ Hikuva a ndzi tanga ku ta vitana lava lulameke, kambe vadyohi.”

Nhlavutelo 3:3

Sweswi ke, tsundzuka leswi u swi amukeleke ni ku swi twa; swi hlayise, u va u hundzuka. Loko u nga pfuki u hiteka, ndzi ta ta ku fana ni khamba, kutani a wu nga tivi nkarhi lowu ndzi nga ta ta eka wena ha wona.

Vaefesa 4:17

Hikokwalaho, ndzi vula leswi ni ku swi tiyisa hi vito ra Hosi, ndzi ri: Mi nga ha hanyi ku fana ni leswi vamatiko va hanyisaka xiswona, hi miehleketo ya vona leyi nga pfuniki nchumu.

2 Vakorinto 7:10

Loko ku vaviseka ku rhwariwa hi mukhuva lowu tsakeriwaka hi Xikwembu, ku tisa ku hundzuka, kutani ku hundzuka loku ku yisa eku ponisiweni, a ku khomisi tingana; kasi ku vaviseka hi mhaka ya swa misava, ku vanga rifu.

1 Vatesalonika 1:9

Vanhu lava hinkwavo va rungula hilaha mi hi amukeleke hakona exikarhi ka n'wina, ni hilaha mi nga hundzukela eka Xikwembu hakona, mi fularhela swikwembu swa hava, leswaku mi tirhela Xikwembu lexi hanyaka, xa ntiyiso.

2 Vakorinto 3:16

Kasi, “nkarhi wihi na wihi loko munhu a hundzukela eka Hosi, xisirhelelo xa susiwa”, hilaha Matsalwa ma vulaka hakona.

Varhoma 2:4

Kumbe, xana u sola vukulu bya nsovo wa xona, ni bya ku tsetselela ka xona, ni bya mbilu ya xona yo leha ngopfu, u nga tivi leswaku vunene lebyi bya Xikwembu byi ku kokotelela eku hundzukeni, xana?

Timhaka 26:17

ndzi ta ku ponisa emavokweni ya vanhu va tiko leri ni ya vamatiko lava ndzi ku rhumelaka eka vona;

Timhaka 20:21

Ndzi tsundzuxile swinene Vayuda ni Vagriki ku hundzukela eka Xikwembu ni ku pfumela eka Hosi ya hina Yesu.

Timhaka 17:30

Hambiswiritano, Xikwembu xi tshikile minkarhi ya ku pfumala ku tiva yi hundza, kutani sweswi, ematikweni hinkwawo xi lerisa vanhu leswaku va hundzuka hinkwavo.

Timhaka 15:19

“Hikokwalaho, ndzi tsema mhaka hi ku vula leswaku vamatiko lava hundzukelaka eka Xikwembu, hi nga tshuki hi va karhata;

Timhaka 11:18

Loko va twa timhaka teto, va miyela va nga ha vileli; kutani va dzunisa Xikwembu, va ku: “Loko swi ri tano, na vona vamatiko Xikwembu xi va nyikile ku hundzuka loku yisaka evutomini.”

Timhaka 9:35

Hinkwavo lava akeke eLida ni le Saroni, va n'wi vona, kutani va tinyiketa eka Hosi.

Timhaka 9:15

Hosi yi ku ka yena: “Yana, hikuva munhu loyi i xitirho lexi ndzi nga tihlawulela xona ku ya twarisa vito ra mina eka vamatiko, ni ka tihosi, ni ka Vaisraele;

Luka 15:10

Ndza mi byela leswaku, hi mukhuva wolowo, tintsumi ta Xikwembu ta tsaka swinene loko mudyohi hambi a ri un'we a hundzuka.”

Luka 15:7

Ndza mi byela leswaku hi mukhuva wolowo, ku ta va ni ku tsaka etilweni hikokwalaho ka mudyohi a ri un'we la hundzukaka, ku tlula ku tsaka loku nga ta va kona hikokwalaho ka lava lulameke va 99 lava nga ha riki na fanelo ya ku hundzuka.

Luka 13:5

E-e, kambe ndzi ri ka n'wina, loko mi nga hundzuki mi ta lovisa xisweswo hinkwenu.”

Luka 13:3

E-e, kambe ndzi ri ka n'wina, loko mi nga hundzuki, mi ta lovisa xisweswo hinkwenu.

Luka 1:16

Ú ta endla leswaku lavo tala xikarhi ka Vaisraele va hundzukela eka Hosi Xikwembu xa vona;

Marka 6:12

Kuteloko va sukile, va dyondzisa vanhu erivaleni leswaku va hundzuka;

Matewu 4:17

Ku sukela enkarhini wolowo Yesu a sungula ku twarisa Evhangeli, a ku: “Hundzukani, hikuva Mfumo wa matilo wu le kusuhi.”

Matewu 3:2

a ku: “Hundzukani, hikuva Mfumo wa matilo wu le kusuhi.”

Hosiya 14:2

Fambani mi ri ni lexi mi nga ta xi vula, mi tlhelela eka HOSI Xikwembu; mi fika mi ku ka xona: “Hi rivalele milandzu ya hina hinkwayo; lexinene lexi hi nga ku humeselaka xona, i marito lama humaka emilon'wini ya hina; ma amukele!

Hosiya 12:6

Hi sweswo ke na n'wina, Xikwembu xa n'wina xi ta mi pfuna ku tlhelela eka xona; tinyiketeleni ku rhandza van'wana ni ku avanyisa hi ku lulama, mi nga karhali ku langutela Xikwembu xa n'wina.

Nhlavutelo 16:11

va rhuketela Xikwembu xa le matilweni, hi mhaka ya ku twa ku vava ni ku xanisiwa hi swilondza, kambe a va hundzukanga emintirhweni ya vona.

Nhlavutelo 2:21

Ndzi n'wi nyikile nkarhi leswaku a hundzuka, kambe wa ala ku hundzuka a tshika vuoswi bya yena.

Swirilo 3:40

A hi tikambeni, hi xiyaxiya tindlela ta hina, kutani hi tlhelela eka HOSI Xikwembu.

Esaya 55:7

Lavo homboloka a va tshike mahanyelo ya vona layo biha, ni lava nga lulamangiki a va cukumete kule miehleketo leyo biha leyi va nga na yona; hinkwavo a va tlhelele eka HOSI Xikwembu xa hina, kutani xi ta va twela vusiwana, xi va rivalela swidyoho swa vona hinkwaswo.

Pisalema 22:27

Vanhu vo huma ematikweni hinkwawo va ta tsundzuka HOSI Xikwembu, va ta eka xona, vanhu va tinxaka hinkwato va ta xi nkhinsamela.

Yeremiya 18:11

Hikokwalaho we Yeremiya, byela vanhu va ka Yuda ni vaaki va Yerusalema marito ya mina lama nge: ‘Yingisani, ndzi le ku vumbeni ka makhombo lawa ndzi nga ta mi ba ha wona; ndzi le ku boheni ka makungu ya kona. Hundzukani hinkwenu mi tshika mahanyelo ya n'wina layo biha, mi lulamisa tindlela leti mi hanyaka ha tona!’

Yeremiya 35:15

Ndzi mi rhumerile vaprofeta malandza ya mina; minkarhi hinkwayo a ndzi va rhwexa mahungu lama nge: ‘Hinkwenu hundzukani mi tshika tindlela ta n'wina leto homboloka, mi lulamisa mahanyelo ya n'wina, mi nga ha landzeleli swikwembu swa hava, mi nga swi nkhinsameli. Loko mo endla tano, mi ta tshamiseka etikweni leri ndzi ri nyikeke n'wina ni vatata wa n'wina.’ Kambe mi arile ku ndzi yingisa.

Timhaka 26:19

“Hikokwalaho, wena hosi Agripa, a ndzi alanga ku yingisa mahlori lawa yo huma etilweni.