Timhaka 24:16 - BIBELE Mahungu Lamanene

¹⁶ Hikokwalaho ndzi ringeta hi matimba, masiku hinkwawo, ku kumeka ndzi ri la ntshunxekeke eripfalweni ra mina, emahlweni ka Xikwembu ne mahlweni ka vanhu.

Testamente Leyimpsha Xichangana

¹⁶ Hikolaho niringeta hi matimba, masiku hinkwawu, kukumeka na nili lweyi atshunxekeke moyeni wa mina, mahlweni ka Xikwembu ni le mahlweni ka vanhu.

Xitsonga (Bibele)

¹⁶ Hikwalaho ndzi tiyisaka hi matimba hi masiku hinkwawo leswaku ndzi va ni ripfalo leri nga ndzi soriki emahlweni ka Xikwembu ni vanhu.

Timhaka 24:16 Referans Kwoze

Timhaka 23:1

Pawulo a honokela huvo, a ku: “N'wina varikwerhu, ndzi hanyile ndzi ri la ntshunxekeke swinene eripfalweni ra mina ni le mahlweni ka Xikwembu, ku fikela siku ra namuntlha.”

1 Timotiya 1:5

Kasi, laha xitsundzuxo xa hina xi kongomeke kona, i ku pfuxa rirhandzu leri humaka embilwini leyo tenga ni le ripfalweni lerinene, ni le ku pfumeleni ka xiviri.

2 Vakorinto 4:2

Hi tshikile mintirho hinkwayo ya munyama ni ya tingana; a hi hanyi hi ku xisetela vanhu; a hi soholoti Rito ra Xikwembu; kambe hi humesela ntiyiso erivaleni, kutani hi tikomba hi ri lava nkhensekaka eripfalweni ra un'wana ni un'wana, ne mahlweni ka Xikwembu.

Vaheveru 10:22

a hi tshineleleni Xikwembu hi mbilu leyi namarhelaka ntiyiso ni ku pfumela loku hetisekeke; timbilu ta hina leti xuviweke, a ti base ti hambana ni ripfalo lero biha, ni miri wa hina wu va lowu hlantswiweke hi mati layo tenga.

Varhoma 2:15

Va kombisa leswaku leswi Nawu wu lerisaka swona, swi tsariwile etimbilwini ta vona; ripfalo ra vona ri tiyisa sweswo, hambi yi ri miehleketo ya vona, loko yi kanetana, yi va veka nandzu kumbe yi yima na vona;

2 Vakorinto 1:12

Ku tidzunisa ka hina hi loku: Ripfalo ra hina ri hi byela leswaku hi hanyile exikarhi ka vanhu hi ku lulama ni ku tenga loku humaka eka Xikwembu, ngopfu-ngopfu loko hi tirhisana na n'wina. Hi hanyile ku nga ri hi vutlhari bya misava leyi, kambe hi tintswalo ta Xikwembu.

1 Petro 3:21

Nkhuvulo wu yelana ni mhaka leyi; sweswi wa mi ponisa, ku nga ri hi ku susa thyaka emirini, kambe hi ku endla leswaku mi kombela ripfalo leri tengeke eka Xikwembu. Nkhuvulo wa mi ponisa hi mhaka ya ku pfuka ka Yesu Kriste eku feni,

Tito 1:15

Swilo hinkwaswo swi tengile eka lava tengeke; kambe a ku na lexi tengeke eka lava nyameke, ni ka lava nga pfumeriki, hikuva miehleketo ya vona ni mapfalo ya vona swi nyamisiwile.

1 Vakorinto 4:4

A ndzi titwi ndzi ri ni nandzu wa nchumu; kambe leswi a hi swona swi ndzi endlaka la lulameke; loyi a ndzi avanyisaka i Hosi.

1 Petro 3:16

kambe mi swi endla hi moya wa ku olova ni wa xichavo. Naswona, mi tshama mi ri ni ripfalo leri tengeke, leswaku loko mi hemberiwa, lava sandzaka mahanyelo ya n'wina layo lulama ya Xikriste, va ta khomiwa hi tingana.

1 Petro 2:19

Hikuva wa nkhenseka munhu loyi a vekaka Xikwembu embilwini, kutani a tiyisela emahlomulweni a ri karhi a twa ku vaviseka a nga onhanga nchumu.

Vaheveru 13:18

Hi khongeleleni, hikuva hi titwa swinene leswaku hi ni ripfalo leri tengeke, hi ri karhi hi navela ku endla leswi lulameke minkarhi hinkwayo.

Vaheveru 9:14

ngati ya Kriste yona yi ta va leyi tlurisaka ngopfu hi matimba; hikuva Kriste ú tinyiketile hi yexe, hi moya lowu nga heriki, a nga ri na xivati emahlweni ka Xikwembu, kutani ngati ya yena yi basisa mapfalo ya hina emintirhweni leyi nga pfuniki nchumu, leswaku hi tirhela Xikwembu lexi hanyaka.

2 Timotiya 1:3

Ndzi nkhensa Xikwembu, xona lexi ndzi xi tirhelaka hi ripfalo leri tengeke ku fana ni vatatana, ndzi nga tshiki ku ku khongelela vusiku ni nhlekanhi.

1 Vatesalonika 2:10

Mi timbhoni ta hina, na xona Xikwembu i mbhoni: Mahanyelo ya hina eka n'wina lava pfumeleke, a ma ri lawa yo tenga ni lawa yo lulama, ma nga ri na nandzu.

1 Timotiya 3:9

va fanele ku hlayisa xihundla xa vupfumeri hi ripfalo leri tengeke.

1 Timotiya 1:19

u hlayisa ku pfumela hi ripfalo leri ntshunxekeke. Hi ku dlaya mapfalo ya vona, van'wana va onhakeriwile hi ku pfumela.

Varhoma 9:1

Ndzi vula ntiyiso ndzi ri wa ka Kriste, a ndzi hembi; ni ripfalo ra mina, hi ku pfuniwa hi Moya lowo Kwetsima, ri tiyisa sweswo:

1 Vakorinto 10:32

Mi nga khunguvanyisi Vayuda, hambi Vagriki, hambi kereke ya Xikwembu.