Timhaka 23:23 - BIBELE Mahungu Lamanene

²³ Ndhuna ya nyimpi yi vitana tindhuna timbirhi ta dzana ra masocha, yi ku ka tona: “Lunghisani masocha ya 200, ni vagadi va tihanci va 70, ni vavanuna va 200 lava tamelaka matlhari, va ya eKhezariya; va ta suka hi nkarhi wa 9 wa vusiku.

Testamente Leyimpsha Xichangana

²³ Ndhuna ya nyimpi yivitana tindhuna timbirhi ta dzana ra masochwa, yiku ka tona: “Lungisani masochwa ya madzana mambirhi (200) ni vagadi va mahanchi va ntlhanu wa makume ni makume mambirhi (70) ni vavanuna va madzana mambirhi (200) lavatamelaka matlhari, vaya Khezariya; vatasuka hi nkarhi wa ntlhanu ni mune wa vusiku.

Xitsonga (Bibele)

²³ Kuteloko yi vitanile tindhuna timbirhi, yi ku eka tona: “Lunghisani tinhenha ta madzana mambirhi, ni vakhandziyi va ntlhanu wa makume na makume mambirhi, ni vamavura va madzana mambirhi, va ta ya eKhezariya hi nkarhi wa vunharhu wa vusiku.

Timhaka 23:23 Referans Kwoze

Timhaka 23:33

Loko vagadi va fikile eKhezariya, va nyika hosi papila, kutani va tisa Pawulo emahlweni ka yona.

Timhaka 8:40

Loko a ri Filipi, a tikuma a ri le Azoto; kutani a famba-famba emitini hinkwayo a ri karhi a twarisa Evhangeli, a kondza a fika eKhezariya.

Luka 12:38

Ni loko a fika ni vusiku enkarhini wa vumbirhi kumbe wa vunharhu, kutani a ma kuma ma hitekise xisweswo, malandza walawo ma ta va ma katekile.

Matewu 14:25

Hi nkarhi wa mahlamba-ndlopfu, a ta ka vona, a ri karhi a famba ehenhla ka lwandle.

Timhaka 23:22

Kavaloko ndhuna ya nyimpi yi tlherisa jaha rero, yi ri lerisa, yi ku: “U nga tshuki u byela munhu leswaku u ndzi tivisile timhaka leti.”

Timhaka 23:32

Loko ri xa, ma siya vagadi va tihanci kwalaho, va hundzela emahlweni na Pawulo; kutani masocha ma tlhelela ekhokholweni.

Timhaka 23:31

Masocha ma endla hilaha ma lerisiweke hakona: ma teka Pawulo, ma n'wi yisa le Antipateri nivusiku.

Timhaka 24:7

kambe Lisiya, ndhuna ya nyimpi, ú tile a hi vutlela yena hi matimba lamakulu,