Timhaka 23:14 - BIBELE Mahungu Lamanene

¹⁴ Va ya eka vaprista lavakulu ni ka vakulukumba, va ku: “Hi tibohile hi ku hlambanya lokukulu leswaku hi nga ka hi nga dyi nchumu, hi nga si dlaya Pawulo.

Testamente Leyimpsha Xichangana

¹⁴ Vaya ka Vaprista lavakulu ni ka vakulukumba, vaku: “Hitibohile hi kufunga lokutiyeke lesvaku hingakala hingaji nchumu, na hingasi dlaya Pawulo.

Xitsonga (Bibele)

¹⁴ Kutani va ya eka vaprista lavakulu ni ka vakulukumba, va ku: “Hi hlambanyile hi ku tiyisa leswaku hi nga ka hi nga dyi nchumu hi nga si dlaya Pawulo.

Timhaka 23:14 Referans Kwoze

Timhaka 23:12

Loko ri xa, Vayuda va endla makungu, va tiboha hi ku hlambanya, va ku: “Hi nga ka hi nga dyi ni ku nwa, loko hi nga si dlaya Pawulo.”

Yeremiya 8:12

Xana ku endla swa manyala leswi, swi va khomisile tingana xana? E-e, a va nyumanga ha swona niswitsanana, a swi va twisanga ku vava. Hikokwalaho na vona va ta hluriwa ku fana na van'wana esikwini leri ndzi nga ta va avanyisa, va ta wela hansi va nga ha pfuki. Ndzi vula sweswo mina HOSI.”

Mikiya 7:3

Loko va endla leswo biha, va tikarhata swinene, vafumi va lerisa, vaavanyisi va lava ku xaviwa, lavo chaviseka va vula leswi va tsakelaka swona, kutani hinkwavo va pfunana ku luka mano.

Hosiya 4:9

Hikokwalaho, vaprista ni vanhu va tiko ndzi ta va ba ku fana, ndzi va bela mahanyelo ya vona, ndzi va avanyisa hikwalaho ka mintirho ya vona.

Esaya 3:9

Tinghohe ta vona ta va mangalela, swidyoho swa vona va swi paluxa ku fana ni va le Sodoma, a va swi tumbeti. Va le khombyeni! va lo tivangela rona hi voxe.

Yeremiya 6:15

Xana ku endla swa manyala leswi swi va khomisile tingana xana? E-e, a va twanga ku vava ha swona, a va nyumanga niswitsanana. Hikokwalaho va ta wa ku fana na van'wana, esikwini leri ndzi nga ta va avanyisa, va ta wela hansi va nga ha pfuki. Ndzi vula sweswo mina HOSI.”

Timhaka 23:13

Lava boheke makungu lawa a va tlula 40.

Timhaka 23:20

Jaha ri ku: “Vayuda va twananile, va ku va ta ku kombela ku tisa Pawulo ehubyeni mundzuku, va ta endla wonge hi loko va lava ku ya emahlweni na ku vutisisa timhaka ta yena.

Timhaka 23:21

U nga tshuki u va pfumelela, hikuva vavanuna lava tlulaka 40 va n'wi tumbelele, va tibohile hi ku hlambanya, va ku: ‘Hi nga ka hi nga dyi ni ku nwa, loko hi nga si n'wi dlaya.’ Nisweswi va tilunghisile, va karhi va langutela leswaku u pfumela.”