Timhaka 21:40 - BIBELE Mahungu Lamanene

⁴⁰ Ndhuna yi n'wi pfumelela, kutani Pawulo a yima eswikhandziyeni, a kwehleta vanhu hi voko. Kuteloko va miyerile va ku hwììì, a vulavula na vona hi ririmi ra Xiheveru, a ku:

Testamente Leyimpsha Xichangana

⁴⁰ Ndhuna yimupfumelela, kutani Pawulo ayima svikadeni, akwehleta vanhu hi voko. Kuteloko vamiyelile vaku ntse, avulavula na vona hi ririmi ra Xiheberu, aku:

Xitsonga (Bibele)

⁴⁰ Kuteloko a n'wi tshiketile, Pawulo loko a ri karhi a yimile eswikhandziweni, a koweta vanhu hi voko. Kutani, kuteloko va miyele swinene, a vulavula na vona hi ririmi ra Xiheveru, a ku:

Timhaka 21:40 Referans Kwoze

Timhaka 12:17

Yena a va kwehleta hi voko leswaku va miyela; a va byela hilaha Hosi yi n'wi humeseke ekhotsweni hakona, kutani a ku: “Tivisani Yakobo ni vamakwerhu eHosini timhaka teto.” Kutani a huma, a famba a ya kun'wana.

Timhaka 26:14

Hi wela hansi hinkwerhu; kutani ndzi twa rito leri nge ka mina hi ririmi ra Xiheveru: ‘Sawulo, Sawulo, u ndzi xanisela yini? Wo tivavisa ntsena loko u khadlanya nhonga yo tontswa.’

Timhaka 22:2

Loko va twa leswaku ú vulavula na vona hi ririmi ra Xiheveru, va miyela ku tlula eku sunguleni, kutani Pawulo a ku:

Yohane 5:2

Le Yerusalema, hi tlhelo ra Nyangwa-ya-Tinyimpfu, ku ni vuhlambelo lebyi hi Xiheveru va nge i Betesda, byi rhendzeriwe hi tinxaxa ta ntlhanu ta timhandze letikulu.

Timhaka 21:35

Kuteloko va fikile eswikhandziyeni swa rona, masocha ma rhwala Pawulo, hikuva ntshungu a wu karihile ngopfu;

Timhaka 19:33

Kambe van'wana exikarhi ka ntshungu va hlamusela mhaka eka Aleksandro, munhu loyi a a susumeteriwile emahlweni hi Vayuda; kutani Aleksandro a kwehleta hi voko, a lava ku tihlamulela emahlweni ka tiko.

Nhlavutelo 16:16

Kutani mimoya yi hlengeleta tihosi endhawini leyi va nge i Armagedoni hi ririmi ra Xiheveru.

Nhlavutelo 9:11

A ti ri ni hosi leyi yi ti fumaka, yi nga ntsumi ya khele leri ro enta ku ya ni ku ya; vito ra yona hi Xiheveru i Abadoni, hi Xigriki va ku i Apoliyoni (hileswaku Muonhi).

Timhaka 13:16

Kwalaho Pawulo a suka a yima; kutani loko a va kwehletile hi voko, a ku: “Vavanuna va Israele, na n'wina lava chavaka Xikwembu, yingisani:

Timhaka 6:1

Hi masiku walawo, loko vadyondzisiwa va ya va ri karhi va andza, van'wana va vona lava a va vulavula Xigriki va dzumadzumela lava a va vulavula ririmi ra Vayuda, va ku tinoni ta ka vona ta tsoniwa loko ku phakiwa swa siku rin'wana ni rin'wana.

Yohane 19:20

Vayuda lavo tala va hlaya xitiviso xexo, hikuva ndhawu leyi Yesu a nga vambiwela ka yona, a yi ri kusuhi ni muti; naswona, papila a ri tsariwile hi Xiheveru, ni Xilatini, ni Xigriki.

Yohane 19:17

kutani a huma a byarhile xihambano xa yena n'wini, a ya endhawini leyi a va ku i “Ndhawu ya Pala”, leyi hi Xiheveru va nge i “Gologota”.

Yohane 19:13

Loko Pilato a twa marito walawo, a humesela Yesu ehandle, kutani a tshama exitshan'wini xa ku avanyisa, endhawini leyi va nge i “Xiandlala-hi-maribye” (hi ririmi ra Xiheveru i “Gavata”).

Luka 23:38

A ku ri ni papila henhla ka yena, leri nge: “Loyi i Hosi ya Vayuda.”

2 TIHOSI 9:13

Kavaloko hinkwavo va teka swiambalo swa vona hi ku hatlisa, va funengeta swikhandziyo ha swona, va andlalela Yehu, kutani va ba mhalamhala, va huwelela, va ku: “Yehu i hosi!”

Timhaka 1:19

Mhaka leyi yi tiviwile hi vanhu hinkwavo lava akeke Yerusalema; hikokwalaho va nga thya nsimu leyi evito ra “Hakeldama” hi ririmi ra ka vona, hileswaku “Nsimu ya Ngati”.)