Timhaka 21:31 - BIBELE Mahungu Lamanene

³¹ Loko va ri karhi va ringeta ku dlaya Pawulo, ndhuna ya nyimpi yi twa leswaku ku pfukile dzolonga emutini hinkwawo wa Yerusalema.

Testamente Leyimpsha Xichangana

³¹ Loko vali karhi varingeta kudlaya Pawulo, ndhuna ya nyimpi yitwa lesvaku kupfukile mpfilumpfilu doropeni hinkwaru ra Yerusalema.

Xitsonga (Bibele)

³¹ Kakuloko va lava ku n'wi dlaya, ndhuna ya nyimpi yi twa leswaku hinkwako eYerusalema ku ni dzolonga.

Timhaka 21:31 Referans Kwoze

Timhaka 17:5

Kambe Vayuda va tala mavondzo, va teka vavanuna van'wana lavo biha entsendzeleni wa muti, kutani va hlengeleta ntshungu, va pfilunganya muti; va ya rhendzela muti wa Yaso, va lava Pawulo na Silasi ku va yisa emahlweni ka tiko.

Timhaka 25:23

Hi siku leri tlhandlamaka Agripa na Bernike va ta va bombile hi swa vuhosi bya vona; va nghena ehubyeni va ri ni tindhuna ta nyimpi ni vakulukumba va muti; Festo a lerisa leswaku Pawulo a tisiwa.

Timhaka 24:22

Leswi Felikisi a a tiva leswo talanyana hi tlhelo ra Ndlela ya Hosi, a pfala huvo, a ku: “Loko Lisiya, ndhuna ya nyimpi, a ta va a rhelerile a fika haleno, hi kona ndzi nga ta kambisisa mhaka ya n'wina.”

Timhaka 24:6

Naswona, ú ringetile ku nyamisa Tempele. Hi n'wi khomile, [kutani a hi lava ku n'wi avanyisa hi nawu wa hina;

Timhaka 23:17

Pawulo a vitana yin'wana ya tindhuna ta dzana ra masocha, a ku ka yona: “Yisa jaha leri eka ndhuna ya nyimpi, hikuva ri ni mhaka leyi ri nga ta yi tivisa eka ndhuna.”

Timhaka 22:22

Va n'wi yingisela ku ya fika loko a vula sweswo, kutani va tlakusa rito, va ku: “Munhu lowo tano a a susiwe emisaveni, a a dlawe! A nga faneriwanga hi ku hanya!”

Timhaka 21:38

Xana a hi wena Muegipta loyi a pfuxeke dzolonga masiku lama hundzeke, ni ku yisa emananga ntlawa wa vadlayi lava a va ringana 4 000 xana?”

Timhaka 19:40

Hikuva hi nga kumeka hi ri enandzwini wa ku pfuxa dzolonga, hikwalaho ka nhlengeletano leya namuntlha; kasi nkitsikitsi lowu wu pfukile ntsena, kutani a ku nga vi na lexi hi nga ta tilandzula ha xona, loko hi vutisiwa ehenhla ka wona.” Kuteloko a vurile sweswo, a hangalasa nhlengeletano.

Timhaka 10:1

Emutini wa Khezariya a ku ri ni munhu loyi a va ku i Korneliyo; a a ri ndhuna ya dzana ra masocha entlaweni lowu vuriwaka “wa Italiya”;

Yohane 18:12

Ntlawa wa masocha ni ndhuna leyikulu ya wona ni malandza ya Vayuda, va khoma Yesu, va n'wi boha.

Yohane 16:2

Va ta mi hlongola emasinagogeni; naswona, ku ta ta nkarhi lowu un'wana ni un'wana loyi a mi dlayaka a nga ta anakanya leswaku ú tirhela Xikwembu.

Marka 14:2

Ntsena a va ku: “Swi nga endliwi enkhubyeni, hikuva ku nga tshuka ku pfuka dzolonga exikarhi ka vanhu.”

Matewu 26:5

Kambe a va ku: “Swi nga endliwi enkhubyeni, hikuva ku nga tshuka ku pfuka dzolonga exikarhi ka vanhu.”

1 TIHOSI 1:41

Adoniya ni varhambiwa va yena a va hetisa ku dya nkhuvo wa vona loko va twa huwa leyi. Na yena Yowabu a twa mpfumawulo wa mhalamhala, kutani a va vutisa a ku: “Xana huwa leyi yi twalaka emutini yi nga va yi ri ya yini ke?”

Matewu 27:27

Masocha ya hosi ma yisa Yesu endlwini ya vuhosi, kutani ma hlengeleta ntlawa hinkwawo wa masocha, wu n'wi rhendzela.

Timhaka 26:21

Hi tona timhaka leti Vayuda va ndzi khomeleke tona eTempeleni, va ringeta ku ndzi dlaya.

Timhaka 24:7

kambe Lisiya, ndhuna ya nyimpi, ú tile a hi vutlela yena hi matimba lamakulu,