Timhaka 20:22 - BIBELE Mahungu Lamanene

²² “Sweswi ke, mi ndzi vona ndzi ri la bohiweke hi Moya ku ya eYerusalema, ndzi nga tivi leswi swi nga ta ndzi humelela kona;

Testamente Leyimpsha Xichangana

²² “Svosvi-ke, minivona na nili lweyi abohiweke hi Moya akuva niya Yerusalema, na ningativi lesvi svingatanihumelela kona;

Xitsonga (Bibele)

²² “Kutani sweswi vonani, ndzi bohiwile hi Moya ku ya eYerusalema, kambe a ndzi tivi leti nga ta ndzi humelela kona,

Timhaka 20:22 Referans Kwoze

Yakobo 4:14

Kasi swa mundzuku a mi swi tivi! Vutomi bya n'wina i ncini ke? Hikuva mi hunguva leyi humelelaka nkarhinyana, kutani yi hangalaka.

2 Vakorinto 5:14

Rirhandzu ra Kriste ra hi fambisa, hikuva hi fikile laha hi tivaka swinene leswaku munhu un'we ú fele hinkwavo; loko swi ri tano, hinkwavo va file.

2 Petro 1:14

Hikuva ndza swi tiva leswaku ku rhurha ka mina emirini lowu wa mina ku le kusuhi, hilaha Hosi ya hina Yesu Kriste yi ndzi kombeke hakona.

Timhaka 20:16

Pawulo a a bohile makungu ya ku hundza ntsena a nga ngheni le Efesa, leswaku a nga hundzeriwi hi nkarhi a ha ri etikweni ra Asiya; hikuva a a ringeta ku hatlisa a fika eYerusalema hi siku ra Pentekosta, loko swi endleka.

Timhaka 19:21

Endzhaku ka loko timhaka leti ti humelerile, Pawulo a boha makungu ya ku ya eYerusalema, a ta rhanga hi ku hundza eMakedoniya ni le Akaya; kutani a ku: “Loko ndzi ta va ndzi yile kona, ndzi fanele ku ya vona ni le Rhoma.”

Timhaka 17:16

Loko Pawulo a ha va langutela eAtena, moya wa yena wu tlhaveka swinene, loko a vona leswaku muti lowu, wu tele swikwembu swa swifaniso.

Yohane 18:4

Yesu, hi ku tiva hinkwaswo leswi swi nga ta n'wi humelela, a huma a ya ka vona, a ku: “Mi lava mani xana?”

Yohane 13:1

Nkhuvo wa Paseka a wu nga si fika, kambe Yesu a a tiva leswaku nkarhi wa yena wu fikile wa ku suka laha misaveni, a ya eka Tatana. A a rhandza vanhu va yena laha misaveni, kutani ú va rhandzile ngopfu ku yisa eku heteleleni.

Luka 12:50

Ndzi ni nkhuvulo lowu ndzi fanelaka ku khuvuriwa ha wona, kutani ndzi le ku karhatekeni lokukulu, ku kondza loko nkhuvulo lowu wu hetiseka.

Luka 9:51

Loko nkarhi wa ku susiwa ka yena emisaveni wu lava ku fika, Yesu a kanya mbilu, a khoma ndlela yo ya eYerusalema.