Timhaka 2:46 - BIBELE Mahungu Lamanene

⁴⁶ Masiku hinkwawo a va chivirika ku hlangana eTempeleni, va ri mbilu yin'we, naswona a va hlangana va phema xinkwa emindyangwini ya vona, va dya swakudya swa vona hi ku tsaka lokukulu ni timbilu to basa,

Testamente Leyimpsha Xichangana

⁴⁶ Masiku hinkwawu avachivirika kukumana Tempeleni, vali mbilu yin'we, nasvona avakumana vakhema xinkwa minjangwini ya vona, vaja svakuja sva vona hi kutsaka lokukulu ni timbilu tobasa,

Xitsonga (Bibele)

⁴⁶ Na swona a va tiyisela etempeleni hi masiku hinkwawo, va ri ni mbilu yin'we, va ri karhi va phema vuswa endlwini yin'wana ni yin'wana, va dya swakudya swa vona hi ku tsaka, ni timbilu leti tengeke,

Timhaka 2:46 Referans Kwoze

Timhaka 5:42

Kutani masiku hinkwawo, a va nga rhuteli ku dyondzisa ni ku twarisa Evhangeli eTempeleni ne mindyangwini ya vanhu, va ku: “Mesiya, hi yena Yesu.”

Timhaka 2:42

A va chivirikela ku dyondzisiwa hi vaapostola, ni ku hlengeletana, ni ku phema xinkwa, ni ku khongela.

Timhaka 20:7

Hi siku ra Muqgivela nimadyambu, loko hi hlengeletene ku phema xinkwa, Pawulo a vulavula na va le Trowasi, a lehisa ku vulavula ka yena ku ya fika exikarhi ka vusiku, hikuva a a lava ku famba ni mixo wa kona.

Pisalema 86:11

We HOSI, ndzi dyondzise tindlela ta wena, leswaku ndzi ta famba entiyisweni; mbilu ya mina a yi lave xilo xin'we ntsena, ku nga ku xixima vito ra wena.

2 Vakorinto 1:12

Ku tidzunisa ka hina hi loku: Ripfalo ra hina ri hi byela leswaku hi hanyile exikarhi ka vanhu hi ku lulama ni ku tenga loku humaka eka Xikwembu, ngopfu-ngopfu loko hi tirhisana na n'wina. Hi hanyile ku nga ri hi vutlhari bya misava leyi, kambe hi tintswalo ta Xikwembu.

Timhaka 16:34

Endzhaku ka sweswo, a yisa Pawulo na Silasi ekaya ka yena, a va phamela swakudya, kutani a tsaka swin'we ni va ndyangu wa yena hinkwavo, hileswi a a pfumerile ka Xikwembu.

Vakolosa 3:22

Mahlonga, yingisani vini va n'wina va laha misaveni etimhakeni hinkwato, ku nga ri ntsena loko va mi langutile, wonge hi loko mi lava ku tsakisa vanhu, kambe hi timbilu letinene, mi ri karhi mi chava Hosi.

Varhoma 12:8

loyi a nga ni nyiko ya ku khongotela, a a khongotele; loyi a hananaka, a a hanane hi mbilu leyo basa; loyi a fambisaka van'wana, a a va fambise hi ku chivirika; loyi a twelaka van'wana vusiwana, a a swi endle hi ku tsaka.

Nehemiya 8:10

Fambani, mi ya tidyela nyama leyi noneke, mi nwa ni vhinyo leyo tsokombela; lava pfumalaka swakudya, mi va nyika. Siku leri ri hlawuleriwile N'wini wa hina, kutani mi nga tshuki mi rila, hikuva ntsako lowu HOSI yi mi nyikaka wona wu ta mi tiyisa.”

Luka 24:53

Kutani a va ri eTempeleni masiku hinkwawo, va ri karhi va dzunisa Xikwembu.

Eklesiasta 9:7

Famba u ya dya swakudya swa wena hi ntsako, u nwa ni vhinyo ya wena hi mbilu yo basa, hikuva leswi u swi endlaka, Xikwembu xi swi amukele khale.

Duteronoma 16:11

Loko mi ri endhawini leyi HOSI Xikwembu xa n'wina xi nga ta yi hlawula leswaku vito ra xona ri gandzeleriwa eka yona, mi fanele ku tsaka, n'wina ni vana va n'wina va xinuna ni va xisati, ni malandza ya n'wina ya xinuna ni ya xisati, ni Valevhi lava tshamaka emitini ya n'wina, ni valuveri, ni lava pfumalaka vatswari, ni tinoni leti tshamaka emitini ya n'wina.

2 Vakorinto 11:3

Kambe, kukota leswi nyoka yi kanganyiseke Evha hi mano ya yona, ndza chava leswaku hi tindlela tin'wana mianakanyo ya n'wina yi nga onhiwa, kutani mi nga ha swi koti ku landzela Kriste hi ku tinyiketa ni ku tenga.

Timhaka 5:21

Hiloko vona va yingisa, va ya nghena eTempeleni loko ri lava ku xa, kutani va dyondzisa kona. Kambe loko Muprista lonkulu ni vaseketeri va yena va fika, va vitana huvo ya Sanedri, yi nga nhlengeletano ya vakulukumba hinkwavo va tiko ra Israele, kutani va rhuma vanhu ekhotsweni ku ya teka vaapostola.

Timhaka 3:1

Siku rin'wana, Petro na Yohane a va tlhandlukela eTempeleni nindzhenga, hi nkarhi wa xikhongelo.

Luka 24:30

Kakuloko va ri eku dyeni, a teka xinkwa, a nkhensa, kutani a phema, a va nyika.

Matewu 6:22

“Rivoni ra miri i tihlo; hikwalaho, loko tihlo ra wena ri tsakile, miri wa wena hinkwawo wu ta va eku vonakaleni.

Duteronoma 12:12

Kutani mi ta titsakela emahlweni ka HOSI Xikwembu xa n'wina, n'wina ni vana va n'wina va xinuna ni va xisati, ni malandza ya n'wina ya xinuna ni ya xisati, ni Valevhi lava nga ta tshama emitini ya n'wina, hikuva vona va ta va va nga ri na nsimu kumbe ndzhaka exikarhi ka n'wina.

Vaefesa 6:5

N'wina mahlonga, yingisani vini va n'wina va laha misaveni, hi xichavo ni ku titsongahata, mi swi endla hi timbilu to basa, ku fana ni loko mi tirhela Kriste hi xiviri;

Luka 11:41

Kambe nyikani swilo leswi nge ndzeni ka swibya eka swisiwana, hi kona hinkwaswo swi nga ta va swi basile eka n'wina.

Duteronoma 12:7

Mi ta dyela endhawini leyi mi tsakile, emahlweni ka HOSI Xikwembu xa n'wina, hikuva xi ta va xi mi katekisile eka hinkwaswo leswi mi nga ta swi endla, n'wina ni mindyangu ya n'wina.

1 Vakorinto 10:16

Xinwelo xa minkateko lexi hi xi nkhensaka, xana a xi vuli leswaku hi ni ku hlangana swin'we ni ngati ya Kriste xana? Ni xinkwa lexi hi xi phemaka, xana a xi vuli leswaku hi ni ku hlangana swin'we ni miri wa Kriste xana?