Timhaka 2:30 - BIBELE Mahungu Lamanene

³⁰ Hambiswiritano, a a ri muprofeta; naswona a a tiva leswaku Xikwembu xi n'wi tshembisile hi ku hlambanya leswaku xi ta tshamisisa un'wana wa rixaka ra yena exiluvelweni xa yena.

Testamente Leyimpsha Xichangana

³⁰ Hambi svilitano, aali muprofeta; nasvona aativa lesvaku Xikwembu ximutshembisile hi kuhlambanya lesvaku xitaveka mun'wana wa rixaka ra yena xiluvelweni xa yena.

Xitsonga (Bibele)

³⁰ Kambe, leswi ngi a ri muprofeta, ni ku tiva leswaku Xikwembu xi n'wi tshembisile hi ku hlambanya leswaku xi ta tshamisisa exiluvelweni xa yena un'wana wa rixaka ra yena;

Timhaka 2:30 Referans Kwoze

2 SAMIELE 23:2

Moya wa HOSI Xikwembu wu tirhisa mina ku vulavula, rito ra xona ri le non'wini wa mina.

2 Petro 1:21

Hikuva ku hava rito ni rin'we ra vaprofeta leri teke hi ku titwa ka munhu, kambe vanhu lava susumetiweke hi Moya lowo Kwetsima, va vurile leswi humaka eka Xikwembu.

2 Timotiya 2:8

Tsundzuka Yesu Kriste, wa rixaka ra Davhida, loyi a pfuxiweke eku feni, hilaha Evhangeli leyi ndzi yi twarisaka yi vulaka hakona.

Varhoma 1:3

yi vulavula hi N'wana wa xona, Hosi ya hina Yesu Kriste, loyi a nga huma erixakeni ra Davhida hi tlhelo ra ku va munhu wa nyama;

Marka 12:36

Kasi yena Davhida ú vurile hi Moya lowo Kwetsima, a ku: “ ‘Hosi Xikwembu xi te ka N'wini wanga: Tana u ta tshama evokweni ra mina ra xinene, ndzi ko ndzi veka valala va wena ehansi ka minkondzo ya wena.’

Nhlavutelo 19:16

Engubyini ya yena ni le ndzhumbyini wa yena, ku tsariwile vito leri nge: “Mufumi wa vafumi ni Hosi ya tihosi.”

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi, ni Mufumi wa vafumi; ni malandza ya xona lama vitaniweke, lama hlawuriweke ni lama tshembekaka, xi ta ma nyika ku hlula.”

Vaheveru 7:21

kambe Yesu ú vekiwile muprista hi ku hlambanya ka Xikwembu, lexi nga te ka yena: “Hosi yi hlambanyile, kutani a yi nga tlheleli ndzhaku; yi te: ‘U muprista hilaha ku nga heriki.’ ”

Vaheveru 6:17

Hikokwalaho, loko Xikwembu xi naverile ku kombisa hi ndlela leyi khorwisaka, eka lava a va ri vadyandzhaka va xitshembiso, leswaku xi nga ka xi nga tlheleli endzhaku emakungwini ya xona, xi swi tiyisile hi ku hlambanya.

Vaheveru 4:7

Xikwembu xi engeta xi veka rin'wana siku, xi ku: “Namuntlha!” Xi ri vula hi nomo wa Davhida endzhaku ka nkarhi wo leha swinene, hi marito lawa ya ha ku vuriwaka, lama nga te: “Namuntlha, loko mi twa rito ra xona, mi nga nonon'hwisi timbilu ta n'wina.”

Vaheveru 3:7

Hikokwalaho, swi fana ni leswi vuriwaka hi Moya lowo Kwetsima loko wu ku: “Namuntlha, loko mi twa rito ra Xikwembu,

Varhoma 15:12

Kambe-kambe, Esaya a ku: “Hluke ra Yese ri ta ta, yena loyi a humelelaka ku ta fuma matiko; eka yena, vamatiko va ta va ni ku langutela.”

Timhaka 1:16

“N'wina varikwerhu, a swi fanele leswaku Tsalwa ri hetiseka, leri Moya lowo Kwetsima wu nga ri vula hi nomo wa Davhida, ehenhla ka Yudasi loyi a a ri mufambisi wa lava khomeke Yesu.

Luka 24:44

Kutani a ku ka vona: “Hi tona timhaka leti ndzi nga mi tivisa tona, loko ndza ha ri na n'wina, loko ndzi te: ‘Hinkwaswo leswi tsariweke ehenhla ka mina eNawini wa Muxe ni ka Vaprofeta, ni ka Tipisalema, swi fanele ku hetiseka.’ ”

Matewu 27:35

Loko va n'wi vambile, va avelana swiambalo swa yena hi ku hoxa vuhlolotwana,

Matewu 22:43

A ku ka vona: “Loko swi ri tano, hikwalaho ka yini Davhida a kombisiwile hi Moya ku vula leswaku Mesiya i N'wini wa hinkwaswo ke? Hakunene Davhida ú te:

Mikiya 5:2

HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

Yeremiya 30:9

Va ta tirhela mina HOSI Xikwembu xa vona, va tirhela na Davhida hosi ya vona loyi ndzi nga ta n'wi hlawula exikarhi ka vona.”

Vaheveru 1:1

Hi minkarhi leyo tala ni tindlela leto tala, Xikwembu xi vulavurile khale na vatatana, hi milomo ya vaprofeta.