Timhaka 2:24 - BIBELE Mahungu Lamanene

²⁴ Kambe Xikwembu xi n'wi pfuxile eku feni, xi n'wi ntshunxa eku vavisekeni ka rifu, hikuva a swi nga endleki leswaku a bohiwa ha rona.

Testamente Leyimpsha Xichangana

²⁴ Kambe Xikwembu ximupfuxile kufeni, ximutshunxa kuvavisekeni ka rifu, hikuva asvingayendleki lesvaku abohiwa ha rona.

Xitsonga (Bibele)

²⁴ loyi, Xikwembu xi n'wi pfuxile, xi n'wi tshunxile etinsingeni ta rifu, hikuva a ku nga ri na hilaha a nga bohiwaka hakona.

Timhaka 2:24 Referans Kwoze

1 Vakorinto 6:14

Xikwembu xi pfuxile Hosi eku feni, na hina xi ta hi pfuxa hi matimba ya xona.

1 Petro 1:21

Hikwalaho ka yena, mi ni ku tshemba eka Xikwembu, lexi xi n'wi pfuxeke exikarhi ka vafi, xi n'wi nyika ku dzuneka, ku endlela leswaku ku pfumela ka n'wina ni ku tshemba ka n'wina swi va eka Xikwembu.

Vakolosa 2:12

Hi ku khuvuriwa, mi lahliwile esirheni swin'we na yena, mi tlhela mi pfuxiwa eku feni swin'we na yena, hi ku pfumela leswaku i matimba ya Xikwembu lama nga n'wi pfuxa exikarhi ka vafi.

Timhaka 2:32

“Hi yena Yesu loyi Xikwembu xi nga n'wi pfuxa eku feni, kutani hinkwerhu hi timbhoni ta mhaka leyi.

Vaefesa 1:20

ma ha ri wona lawa xi ma tirhiseke hi ntamu, loko xi pfuxile Kriste eku feni, xi engeta xi n'wi veka evokweni ra xona ra xinene ehenhla matilweni.

Yohane 10:18

A ku na munhu la ndzi tekelaka byona, kambe ndza byi nyiketa hi ku rhandza ka mina; ndzi ni matimba ya ku byi nyiketa, ni matimba ya ku tlhela ndzi byi kuma. Hi swona leswi Tata wa mina a ndzi leriseke ku endla swona.”

2 Vakorinto 4:14

hikuva ha swi tiva leswaku Xikwembu lexi xi pfuxeke Hosi Yesu eku feni, xi ta hi pfuxa na hina swin'we na Yesu, kutani xi ta hi humelerisa swin'we emahlweni ka xona, hina na n'wina.

Varhoma 8:11

Kutani loko Moya wa Xikwembu lexi nga pfuxa Yesu exikarhi ka vafi wu akile eka n'wina, yena loyi a pfuxeke Kriste exikarhi ka vafi, ú ta hanyisa miri wa n'wina wa ku fa, hi Moya wa yena lowu akeke eka n'wina.

Varhoma 6:4

Loko swi ri tano, hi ku khuvuleriwa ku fa ka yena, hi lahliwile na yena, leswaku kukotisa leswi Kriste a pfuxiweke exikarhi ka vafi, hi matimba yo kwetsima ya Tatana, na hina hi ta hanya hi mukhuva lowunthswa.

Vaheveru 13:20

Sweswi ke Xikwembu xa ku rhula lexi pfuxeke Hosi ya hina Yesu exikarhi ka vafi — yena loyi a nga Murisi Lonkulu wa tinyimpfu, la nga fungha ntwanano lowu nga heriki hi ngati ya yena —

1 Vatesalonika 1:10

Naswona mi langutela ku ta ka N'wana wa xona Yesu hi le matilweni, loyi xi n'wi pfuxeke exikarhi ka vafi, loyi a hi lamulelaka eku avanyiseni ka xona loku taka.

Varhoma 10:9

Loko u vula hi nomo wa wena leswaku Yesu i Hosi, ni loko u pfumela embilwini ya wena leswaku Xikwembu xi n'wi pfuxile exikarhi ka vafi, u ta ponisiwa.

Varhoma 4:24

kambe ma kongoma na hina; hi ta hlayiwa sweswo na hina, hi mhaka ya leswi hi pfumelaka eka yena Loyi a pfuxeke Yesu Hosi ya hina exikarhi ka vafi.

Timhaka 17:31

Hikuva xi vekile siku leri xi nga ta avanyisa misava eku lulameni, hi wanuna loyi xi n'wi hlawuleke; kutani xi kombisile vanhu hinkwavo ku tiya ka mhaka leyi hi ku pfuxa munhu loyi exikarhi ka vafi.”

Timhaka 13:30

Kambe Xikwembu xi n'wi pfuxile exikarhi ka vafi;

Timhaka 3:15

kutani mi dlaya munyiki wa vutomi; kambe Xikwembu xi n'wi pfuxile eku feni; hina hi timbhoni ta swona.

Vagalatiya 1:1

Mina Pawulo ndzi nga muapostola, ku nga ri hi ku hlawuriwa hi vanhu kumbe ku rhumiwa hi munhu, kambe hi ku rhumiwa hi Yesu Kriste ni Xikwembu Tatana la n'wi pfuxeke exikarhi ka vafi,

Timhaka 3:26

Loko Xikwembu xi rhumerile nandza wa xona, xi n'wi humesile hi le ka n'wina eku sunguleni leswaku a mi katekisa hi ku hundzuluxa un'wana ni un'wana wa n'wina emikhuveni ya yena leyo biha.”

1 Vakorinto 15:15

Ku hundzisa sweswo: Hi nga kumiwa hi ri lava nyikeke vumbhoni bya vunwa hi ta Xikwembu, hikuva hi vurile hi tiyisa leswaku i Xikwembu lexi pfuxeke Kriste eku feni, kasi a xi n'wi pfuxanga, loko hakunene vafi va nga pfuxiwi eku feni.

Timhaka 13:37

Kambe loyi Xikwembu xi n'wi pfuxeke eku feni, a nga helanga hi ku bola.

Timhaka 4:10

swi tiveni n'wina hinkwenu, ni tiko hinkwaro ra Israele a ri swi tive: Munhu loyi a yimeke emahlweni ka n'wina a ololokile, ú hanyisiwile hi vito ra Yesu Kriste wa Nazareta, yena loyi mi nga n'wi vamba exihambanweni, loyi Xikwembu xi n'wi pfuxeke eku feni.

Yohane 20:9

(Hikuva a va nga si twisisa Tsalwa leri vulaka leswaku Yesu a a fanele ku pfuka eku feni.)

Pisalema 116:16

We HOSI, ndzi nandza wa wena, na yena mana wa mina a a ri nandza wa wena. A ndzi bohiwile, kambe sweswi ndzi ntshunxiwile.

Nhlavutelo 1:18

ni loyi a hanyaka. A ndzi file, kambe vona, sweswi ndzi loyi a hanyaka hilaha ku nga heriki. Ndzi ni swilotlelo swa rifu ni swa xivandla xa vafi.

1 Vakorinto 15:12

Loko ku dyondzisiwa leswaku Kriste ú pfuxiwile eku feni, swi endlisa ku yini leswaku van'wana exikarhi ka n'wina va ku, ku hava ku pfuka ka vafi, xana?

Varhoma 14:9

Hikuva Kriste ú file, a tlhela a pfuka a hanya, leswaku a ta va Hosi ya lava feke ni ya lava hanyaka.

Varhoma 8:34

Kriste Yesu loyi a feke, kumbe hi nga ku, yena loyi a pfuxiweke eku feni, wa ha ri yena loyi a nga evokweni ra xinene ra Xikwembu, kutani hi yena loyi a hi khongelelaka.

Yohane 12:39

A va kotanga ku pfumela, hikwalaho Esaya a engeta a ku:

Esaya 26:19

Va ka hina lava feke, va ta tlhela va hanya, va ta huma emasirheni ya vona; hinkwavo lava nga hansi emisaveni, va ta yima va yimbelela hi ntsako, hikuva we HOSI Xikwembu, u fana ni mberha leyi hanyisaka swimilana: U ta endla leswaku lava feke khale, va tlhela va hanya.

Esaya 25:8

HOSI N'wini wa hinkwaswo ú ta herisa rifu ri helela makumu; vanhu hinkwavo, ú ta va sula mihloti, a endla leswaku emisaveni hinkwayo, vanhu va yena va nga hlekuriwi. Leswi swi vuriwile hi HOSI Xikwembu.

Vaheveru 2:14

Hikokwalaho, leswi vana va nga va nyama ni ngati yin'we hinkwavo, swi tano na yena: I wa ntumbuluko wun'we na vona leswaku, hi rifu ra yena, a ta kota ku herisa loyi a nga ni matimba ya rifu, a nga yena Diyavulosi,

Matewu 27:63

“Hosi, ha ha tsundzuka leswaku muxisi loyi, loko a ha hanya, ú te: ‘Endzhaku ka masiku manharhu, ndzi ta pfuka eku feni.’

Esaya 53:10

A ku ri ku rhandza ka HOSI Xikwembu leswaku a twisiwa ku vava, a kombiwa maxangu. Leswi a tinyiketeke ku va mhamba yo riha swidyoho, ú ta vona vatukulu va yena, a hanya malembe layo tala; hi yena la nga ta yisa mahlweni ntirho wa HOSI Xikwembu.

Yohane 10:35

Xi va vurile ‘swikwembu’, vona lava Rito ra Xikwembu ri fikeke eka vona; kutani Tsalwa ri nga ka ri nga herisiwi.

Hosiya 13:14

Xana ndzi nga va kutsula ematimbeni ya xivandla xa vafi xana? Xana ndzi nga va ponisa eka rifu xana? We rifu, mintungu ya wena yi kwihi, we xivandla xa vafi, ndzhombo wa wena wu kwihi ke? Sweswi a ndza ha ri na ku twela vusiwana.

Timhaka 1:16

“N'wina varikwerhu, a swi fanele leswaku Tsalwa ri hetiseka, leri Moya lowo Kwetsima wu nga ri vula hi nomo wa Davhida, ehenhla ka Yudasi loyi a a ri mufambisi wa lava khomeke Yesu.

Esaya 10:7

Kambe hosi ya Asiriya a yi lavi swona ntsena, makungu ya yona ma tlula leswi: Yi ni makungu ya ku hlasela ni ku herisa vanhu va matiko layo tala.

Timhaka 5:30

Xikwembu xa vatata wa hina xi pfuxile Yesu eku feni, endzhaku ka loko mi n'wi dlayile hi ku n'wi hayeka emhandzeni.

1 Vakorinto 15:4

ni leswaku ú lahliwile esirheni a vuya a pfuxiwa eku feni hi siku ra vunharhu, hilaha Matsalwa ma vulaka hakona;

1 Vakorinto 15:20

Kambe lexi tiyeke hileswaku Kriste ú pfuxiwile exikarhi ka vafi. Hi swona leswi tshembisaka leswaku lava feke na vona va ta pfuxiwa.