Timhaka 19:34 - BIBELE Mahungu Lamanene

³⁴ Kambe loko va vonile leswaku i Muyuda, va heta kusuhi ni tiawara timbirhi, va ri karhi va huwelela hinkwavo hi rito rin'we, va ku: “I nkulu, Artemi wa Vaefesa!”

Testamente Leyimpsha Xichangana

³⁴ Kambe loko vavonile lesvaku i Muyuda, vaheta kusuhi ni mawora mambirhi, na vali karhi vahuwelela hinkwavu hi rito rin'we, vaku: “I nkulu, Artemiza wa Vaefesa!”

Xitsonga (Bibele)

³⁴ Kambe, kuteloko va vonile leswaku i Muyuda, va huwelela hinkwavo hi rito rin'we, hi mikarhi leyi laveke ku va mimbirhi, va ku: “U nkulu, Artemi wa Vaefesa!”

Timhaka 19:34 Referans Kwoze

Timhaka 19:28

Loko va twa sweswo, va tala vukari, va huwelela, va ku: “I nkulu, Artemi wa Vaefesa!”

Nhlavutelo 13:4

Vanhu va gandzela dragona hikuva yi nyikile xivandzana ematimba ya yona, va gandzela xivandzana va ku: “Loyi a fanaka ni xivandzana i mani, naswona i mani loyi a nga lwaka na xona xana?”

Timhaka 16:20

va va yisa eka letikulu ta kona va ku: “Vanhu lava i Vayuda, kutani va pfilunganya muti wa ka hina;

Matewu 6:7

“Loko mi khongela, mi nga bokoxeli kukota vamatiko, hikuva va anakanya leswaku hi ku tata marito va ta yingisiwa.

Varhoma 2:22

Wena la nge: “Ku nga tshuki ku oswiwa”, a wu oswi ke? Wena la nyenyaka swikwembu swa hava, a wu yivi swa le titempeleni ke?

Timhaka 19:26

Kutani ma swi vona, ni ku swi twa, leswaku Pawulo loyi ú kucetele vanhu lavo tala, ku nga ri la Efesa ntsena, kambe ú lavile ku eneta ni tiko hinkwaro ra Asiya; wa va hambukisa hi ku vula leswaku swikwembu leswi endliweke hi vanhu a hi swikwembu.

1 TIHOSI 18:26

Hiloko va teka nkuzi leyi va nga ta tirha ha yona, va yi lunghisa, kutani va vitana Baali ku sukela nimixo ku ya fika ninhlekanhi, va ku: “Hi hlamule, we Baali!” Kambe a ku twalanga rito, hambi yi ri nhlamulo. Kutani va cinela Baali va ri karhi va rhendzeleka-rhendzeleka alitari leyi va yi akeke.

Timhaka 19:24

Mufuri un'wana wa swilo swa silivhere, loyi a va ku i Demetriyo, a a endla swifanisonyana swa silivhere swa tempele ya Artemi, a vuyisela vatirhi-kulobye bindzu leri tivikanaka swinene.

Timhaka 19:33

Kambe van'wana exikarhi ka ntshungu va hlamusela mhaka eka Aleksandro, munhu loyi a a susumeteriwile emahlweni hi Vayuda; kutani Aleksandro a kwehleta hi voko, a lava ku tihlamulela emahlweni ka tiko.

Timhaka 19:35

Kavaloko matsalani wa muti a miyeta ntshungu, a ku: “Vaefesa va ka hina! Xana i mani la nga tiviki leswaku muti wa Vaefesa i muhlayisi wa tempele ya Artemi lonkulu ni wa xifaniso xa yena lexi weke hi le tilweni xana?