Timhaka 19:21 - BIBELE Mahungu Lamanene

²¹ Endzhaku ka loko timhaka leti ti humelerile, Pawulo a boha makungu ya ku ya eYerusalema, a ta rhanga hi ku hundza eMakedoniya ni le Akaya; kutani a ku: “Loko ndzi ta va ndzi yile kona, ndzi fanele ku ya vona ni le Rhoma.”

Testamente Leyimpsha Xichangana

²¹ Ndzhaku ka loko timhaka leti tihumelelile, Pawulo aboha makungu ya kuya Yerusalema, hi kutsundzuxiwa hi Moya, kuya Yerusalema atarhanga hi kuhundza hi le Makedoniya ni le Akaya; kutani aku: “Loko nitava nivile kona, nifanele kuyavona ni le Roma.”

Xitsonga (Bibele)

²¹ Hinkwaswo leswo loko swi herile, Pawulo a ehleketa ku ya eYerusalema, a ta hundza eMakedoniya, ni le Akaya, a ku: “Kutakuloko ndzi yile kona, ndzi fanela ni ku vona eRhoma.”

Timhaka 19:21 Referans Kwoze

Timhaka 20:22

“Sweswi ke, mi ndzi vona ndzi ri la bohiweke hi Moya ku ya eYerusalema, ndzi nga tivi leswi swi nga ta ndzi humelela kona;

Timhaka 20:16

Pawulo a a bohile makungu ya ku hundza ntsena a nga ngheni le Efesa, leswaku a nga hundzeriwi hi nkarhi a ha ri etikweni ra Asiya; hikuva a a ringeta ku hatlisa a fika eYerusalema hi siku ra Pentekosta, loko swi endleka.

Timhaka 23:11

Evusikwini lebyi tlhandlamaka, Hosi yi tikomba eka Pawulo, yi ku: “Tiyisa mbilu Pawulo, hikuva kukotisa leswi u humeseke vumbhoni lebyo tiya ehenhla ka mina kwala Yerusalema, swi fanele leswaku u humesa vumbhoni lebyo tano ni le Rhoma.”

Varhoma 1:13

Ndzi lava leswaku mi tiva mhaka leyi, vamakwerhu: Ko tala, ndzi bohile makungu yo ta eka n'wina, ku ta ringeta ku hundzula vanhu va nga ri vangani va ka n'wina leswaku va pfumela, kukotisa leswi ndzi swi endleke ematikweni man'wana; kambe ku fikela sweswi ndzi siveriwile hi swin'wana.

Timhaka 18:21

Kutani a lelana na vona, a ku: “Ndzi ta tlhela ndzi vuya la ka n'wina, loko Xikwembu xi swi rhandza.” Kutani a suka le Efesa hi ngalava.

1 Vatesalonika 1:7

Hi mukhuva wolowo, mi hundzukile xikombiso eka hinkwavo lava pfumeleke ematikweni ya Makedoniya ni ya le Akaya.

Vagalatiya 2:1

Endzhaku ka malembe ya 14, ndzi tlhele ndzi tlhandlukele eYerusalema ndzi ri na Barnaba, kutani ndzi teka na Tito.

1 Vakorinto 16:5

Ndzi ta ta le ka n'wina, kambe ndzi ta hundza hi le Makedoniya, hikuva ndzi ni makungu ya ku ya kona.

Varhoma 1:15

Hikokwalaho ndzi hisekelaka ku vula Evhangeli ni le ka n'wina lava mi nga eRhoma.

Timhaka 28:16

Loko hi fikile eRhoma, Pawulo a pfumeleriwa ku va ni yindlu ya yena etlhelo, a tshama ni socha leri ri n'wi rindzaka.

Timhaka 27:24

yi ku: ‘Pawulo, u nga tshuki u chava, hikuva u fanele ku ya yima emahlweni ka Khezari; kutani tiva leswaku Xikwembu xi ku nyikile vanhu hinkwavo lava fambaka na wena engalaveni, leswaku u va ponisa.’

Timhaka 27:1

Kuteloko ku tsemiwile leswaku hi ta ya le Italiya hi ngalava, va nyiketa Pawulo ni vabohiwa van'wana eka ndhuna ya dzana ra masocha leyi a va ku i Yuliyo, ya ntlawa lowu vuriwaka “wa hosi leyikulu”.

Timhaka 21:17

Kuteloko hi fikile eYerusalema, vamakwerhu va hi amukela hi ku tsaka.

Timhaka 21:4

Kuteloko hi kumanile ni vadyondzisiwa, hi heta na vona masiku ya 7. Vona va tsundzuxa Pawulo hi matimba ya Moya wa Xikwembu leswaku a nga tshuki a tlhandlukela eYerusalema.

Timhaka 18:12

Enkarhini lowu Galiyo a ri muyimeri wa vuhosi le Akaya, Vayuda va pfumelelana ku pfukela Pawulo, kutani va n'wi yisa ehubyeni,

Swirilo 3:37

Loko N'wini wa hinkwaswo a nga lerisanga nchumu, xana i mani loyi a nga vulaka rito, kutani swilo swi humelela, xana?

Timhaka 16:12

loko hi suka kona, hi kongoma Filipiya, wu nga muti wa xitikwana xo sungula xa Makedoniya, ni ndhawu ya Varhoma. Kutani hi tshama masiku ma nga ri mangani emutini wolowo.

Timhaka 19:22

Kavaloko a rhuma Timotiya na Erasto, vavanuna vambirhi exikarhi ka vapfuni va yena, leswaku va ya le Makedoniya; kutani yena, a xwa masiku ma nga ri mangani etikweni ra Asiya.

Timhaka 19:29

Kutani muti hinkwawo wu endla dzolonga. Va khoma Gayo na Aristarko, Vamakedoniya vambirhi lava a va famba-famba na Pawulo, kutani hinkwavo va tsutsumela na vona endhawini ya mintlangu.

Varhoma 1:11

hikuva ndzi navela ngopfu ku mi vona leswaku ndzi mi avela nyiko yin'wana ya Moya, mi ta tiyisiwa hi yona;

1 Vakorinto 4:19

kasi ndzi ta ta eka n'wina hi ku hatlisa, loko Hosi yi swi rhandza; hi kona ndzi nga ta kuma, ku nga ri leswi vatikurisi lava va vulavulaka swona, kambe leswi ntamu wa vona wu nga swona.

2 Vakorinto 10:16

Kutani hi ta kota ku twarisa Mahungu Lamanene ematikweni man'wana ku hundzisa ni le ka n'wina; hi mukhuva wolowo, a ku nga vi na mhaka ya leswaku hi tidzunisa hi leswi tirhiweke hi van'wana, laha vona va nga kombiwa kona.