Timhaka 19:19 - BIBELE Mahungu Lamanene

¹⁹ Kutani lavo tala exikarhi ka lava a va tirhile swa masalamusi, va hlengeleta tibuku ta vona, va ti hisa emahlweni ka vanhu hinkwavo; kutani loko ku hlayiwa nxavo wa tona, ku kumeka leswaku wu endla timali ta silivhere to ringana 50 000.

Testamente Leyimpsha Xichangana

¹⁹ Kutani lavanyingi xikarhi ka lava avatirhile sva masalamusi, vahlengeleta tibuku ta vona, vatihisa mahlweni ka vanhu hinkwavu; kutani loko kuhlayiwa nxavu wa tona, kukumeka lesvaku wuyendla timale ta silivhere toringana ntlhanu wa makume ya makhulu (50 000).

Xitsonga (Bibele)

¹⁹ Kambe lavo talanyana eka lava nga tirha swa vutlhari bya munyama, va tisa tibuku ta vona, va ti hisa emahlweni ka hinkwavo; kutani loko ku hlayiwa nxavo wa tona, va kuma leswaku wu ringana macheleni ya ntlhanu wa makume ya madzana.

Timhaka 19:19 Referans Kwoze

Timhaka 13:8

Kambe va siveriwa hi munhu loyi wa mungoma, loyi vito rin'wana ra yena a va ku i Elima; a a ringeta ku endla leswaku muyimeri wa vuhosi a nga pfumeri.

Eksoda 32:20

Kutani Muxe a teka xifaniso xa rhole lexi a va xi vumbile, a xi hisa, a xi sila xi hundzuka mapa, a haxa mapa lawa ehenhla ka mati, a nwisa Vaisraele.

Genesa 35:4

Kutani va nyika Yakobo swikwembu hinkwaswo swa vamatiko leswi a va ri na swona, va n'wi nyika ni swingwavila leswi a swi ri entindleveni ta vona. Hiloko Yakobo a ya swi celela ehansi ka murhi wa nkuhlu lowu a wu ri kwale kusuhi ni muti wa Xikeme.

Timhaka 13:6

Kuteloko va tsemakanyile xihlale hinkwaxo ku ya fika ePafo, va ya kuma mungoma un'wana, muprofeta wa ku hemba wa Muyuda; vito ra yena a va ku i Bariyesu;

Daniele 2:2

Kutani Nebukadnetsara a lerisa leswaku ku hlengeletiwa vangoma, ni vavhumbhi, ni vanyamusoro, ni Vakalediya, va ta entsindza ku ta n'wi hlamusela norho wa yena. Hiloko va ta va ta yima emahlweni ka yena.

Esaya 30:22

Kutani mi ta sungula ku nyenya swikwembu leswi mi nga tivatlela ni ku tivumbela swona, leswi mi swi namekeke silivhere ni nsuku. Mi ta swi cukumeta swi hangalaka kukota thyaka, mi ku: “A swi nyamalale!”

Vaheveru 10:34

Mi kombile tintswalo eka lava bohiweke ekhotsweni; naswona mi swi tekile hi moya wa ku tsaka loko swilo swa n'wina swi phanghiwa, hikuva a mi tiva leswaku mi ni rifuwo leri tlulaka sweswo, leri nga ta va kona hilaha ku nga heriki.

Luka 14:33

Kutani ke un'wana ni un'wana exikarhi ka n'wina la nga tshikiki leswi a nga na swona, a nga ka a nga koti ku va mudyondzisiwa wa mina.

Esaya 8:19

Van'wana va ta mi kucetela ku ya eka lava nga ni swikwembu ni le ka swingomantanda leswi vulavulaka hi ku hlevetela, swi n'unun'uta kunene. Kambe xana loko Vaisraele va ri ni mhaka, a va nga fanelanga ku ya vutisa eka Xikwembu xa vona xana? Xana va nga vutisa eka lava feke etimhaka ta lava hanyaka xana?

2 TIKRONIKA 33:6

Naswona a hisa vana va yena va xinuna enkoveni wa Hinomu, a endla magandzelo ha vona. A vhumbha, ni ku hlahluva, ni ku vutisa vafi, a tirhisana ni vangoma ni lava fembaka. A endla leswo biha ngopfu emahlweni ka HOSI Xikwembu, a kondza a xi hlundzukisa swinene.

1 TIKRONIKA 10:13

Sawulo ú file hi ndlela leyi hikuva a nga vanga munhu wo tshembeka eka HOSI Xikwembu; a nga hlayisanga swileriso swa xona, ú yile a ya kombela ni ku leteriwa hi munhu la nga ni swikwembu.

Eksoda 7:22

Kambe vangoma va tiko ra Egipta na vona va endlisa sweswo hi migilo-gilo ya vona; hikokwalaho Faro a ya emahlweni a tinonon'hwisa, a nga yingisi Muxe na Aroni, tani hilaha HOSI Xikwembu a xi vurile hakona.

Eksoda 7:11

Kwalaho Faro a vitana tintlhari ni vangoma va tiko, kutani vaendli lava va mahlori va tiko ra Egipta na vona va endla swo fana ni swa Aroni, hi migilo-gilo ya vona.

Luka 15:8

“Loko wansati a ri ni khume ra macheleni, kutani a lahlekeriwa hi rin'we ntsena, xana a nga ka a nga lumeki rivoni, a kukula yindlu, a lavisisa swinene a kondza a ri kuma xana?

Timhaka 19:18

Lavo tala lava nga hundzuka vapfumeri, va ta, va tivula ni ku paluxa leswi a va swi endla khale.

Levhitika 13:52

Hikokwalaho, muprista ú fanele ku hisa xiambalo xa kona, kumbe tingoti ta kona ta voya kumbe ta ntsembyani, kumbe dzovo ra kona, kumbe swilo sweswo swin'wana swa dzovo; leswi swilo leswi swi nga ni nkurhe lowu nga ha sukiki, swi fanele ku hisiwa hi ndzilo.