Timhaka 19:11 - BIBELE Mahungu Lamanene

¹¹ Xikwembu a xi endla mintirho ya matimba yo hlamarisa ngopfu hi ku tirhisa Pawulo;

Testamente Leyimpsha Xichangana

¹¹ Xikwembu axiyendla mintirho ya matimba yohlamalisa ngopfu hi kutirhisa Pawulo;

Xitsonga (Bibele)

¹¹ Kambe Xikwembu a xi ri karhi xi endla mahlori lama hlamarisaka ngopfu hi mavoko ya Pawulo;

Timhaka 19:11 Referans Kwoze

Timhaka 5:12

A ku endliwa mahlori layo tala ni swihlamariso leswo tala hi mavoko ya vaapostola, exikarhi ka vanhu. Vadyondzisiwa hinkwavo a va tala ku hlengeletana erikupakupeni ra Solomoni, va ri mbilu yin'we.

Vaheveru 2:4

Xikwembu na xona a xi ri karhi xi tiyisa vumbhoni bya kona hi ku endla swikombiso ni swihlamariso ni mahlori ya tinxaka-xaka, ni ku avela tinyiko ta Moya lowo Kwetsima hi ku rhandza ka xona.

Timhaka 8:13

Na yena Simoni a pfumela, a khuvuriwa, kutani a namarhela Filipi, a hlamala ngopfu hi ku vona mahlori ni leswo hlamarisa leswikulu leswi humelelaka.

Timhaka 16:18

A hamba a endlisa sweswo hi masiku layo tala ku kondza Pawulo a karhateka swinene, kutani a hundzuluka, a ku ka moya: “Hi vito ra Yesu Kriste ndza ku lerisa ndzi ri: Huma eka wanhwana loyi!” Kutani hi nomu lo moya wu huma.

Vagalatiya 3:5

Xana loyi a mi avelaka Moya, a tlhela a endla mahlori exikarhi ka n'wina, ú swi endla hi mhaka ya leswi mi hlayisaka Nawu, kumbe hileswi mi pfumeleke Evhangeli, siku mi nga yi twa, xana?

Timhaka 15:12

Nhlengeletano hinkwayo a yi miyerile, yi yingisa Barnaba na Pawulo loko va rungula hilaha Xikwembu xi va tirhiseke hakona ku endla mahlori ni swihlamariso leswo tala exikarhi ka vamatiko.

Timhaka 14:3

Hambiswiritano, vaapostola va xwa kona masiku layo tala, va vulavula va nga chavi nchumu, va titshembele Hosi; yona a yi tiyisa mahungu ya tintswalo ta yona hi ku endla mahlori ni swihlamariso hi mavoko ya vona.

Yohane 14:12

“Ndzi tiyisisile ndzi ri ka n'wina: La pfumelaka ka mina, na yena ú ta endla mintirho leyi ndzi yi endlaka; ú ta endla ni leyi tlulaka yoleyi, hikuva ndzi ya eka Tatana.