Timhaka 19:1 - BIBELE Mahungu Lamanene

¹ Loko Apolosi a ri eKorinto, Pawulo a huma hi le ndzeni ka tiko ra Asiya, a rhelela a ya elwandle le Efesa, laha a nga kuma vadyondzisiwa va nga ri vangani kona;

Testamente Leyimpsha Xichangana

¹ Loko Apolosi ali Korinto, Pawulo atsemakanya hi le xikarhi ka tiko ra Aziya, angirimela aya Efesa, laha angakuma vajondzisiwa vangali vangani kona;

Xitsonga (Bibele)

¹ Apolosi, kakuloko a ri Korinto, Pawulo a tsemakanya matiko ya eAsiya hitlhelo ra le henhla, a ta eEfesa;

Timhaka 19:1 Referans Kwoze

1 Vakorinto 16:12

Loko a ri makwerhu Apolosi, ndzi n'wi khongotele ngopfu leswaku a ta le ka n'wina ni vamakwerhu; a a nga swi lavi ngopfu ku ta sweswi, kambe ú ta ta siku a nga ta swi kota.

1 Vakorinto 1:12

Ndzi vula hi leswi: Un'wana wa n'wina ú ri: “Mina, ndzi wa ka Pawulo”, un'wana a ku: “Mina ndzi wa ka Apolosi”, un'wana a ku: “Mina ndzi wa ka Kefasi”, kasi un'wana a ku: “Mina ndzi wa ka Kriste.”

Timhaka 18:1

Endzhaku ka sweswo Pawulo a suka eAtena, a ya eKorinto.

Timhaka 18:8

Kambe Krispo, mufambisi wa sinagoga, a pfumela ka Hosi, a ri ni va ndyangu wa yena hinkwavo; na vona Vakorinto lavo tala, loko va twa Rito, va pfumela, va va va khuvuriwa.

Timhaka 19:17

Mhaka leyi yi tiviwa hi Vayuda ni Vagriki hinkwavo lava akeke le Efesa; ku chava lokukulu ku va khoma hinkwavo, kutani vito ra Hosi Yesu ri kurisiwa swinene.

Timhaka 19:26

Kutani ma swi vona, ni ku swi twa, leswaku Pawulo loyi ú kucetele vanhu lavo tala, ku nga ri la Efesa ntsena, kambe ú lavile ku eneta ni tiko hinkwaro ra Asiya; wa va hambukisa hi ku vula leswaku swikwembu leswi endliweke hi vanhu a hi swikwembu.

Timhaka 20:16

Pawulo a a bohile makungu ya ku hundza ntsena a nga ngheni le Efesa, leswaku a nga hundzeriwi hi nkarhi a ha ri etikweni ra Asiya; hikuva a a ringeta ku hatlisa a fika eYerusalema hi siku ra Pentekosta, loko swi endleka.

Timhaka 20:18

Kuteloko va fikile ka yena, a ku ka vona: “Ma swi tiva n'wina hilaha ndzi hanyisaneke na n'wina hakona minkarhi hinkwayo, ku sukela siku ndzi nga sungula ku nghena etikweni ra Asiya.

Timhaka 21:29

A va vula sweswo hikuva a va vonile Trofimo wa Efesa emutini, a ri na Pawulo, kutani a va anakanya leswaku Pawulo ú n'wi nghenisile eTempeleni.

1 Vakorinto 4:6

Hikwalaho ka n'wina, vamakwerhu eHosini, leswi hinkwaswo ndzi swi tekile swi ri leswi kongomaka mina na Apolosi leswaku hi va swikombiso, mi ta dyondza leswi marito lawa ya vulaka swona lama nge: “U nga tluri leswi tsariweke.” Nakona ku nga vi na un'we wa n'wina la tikurisaka hi ku tsakela un'wana a sandza un'wanyana.

1 Vakorinto 15:32

Loko onge ndzi lwile ni swivandzana le Efesa ndzi ri munhu ntsena la faka, a swi ta va swi ndzi pfunile yini xana? Loko vafi va nga pfuxiwi, “a hi dyeni hi nwa, hikuva mundzuku ha fa!” hi ku vula ka Matsalwa.

1 Vakorinto 16:8

Ndza ha ta xwa kwala Efesa ku fikela nkarhi wa Pentekosta.

Vaefesa 1:1

Mina Pawulo, muapostola wa Kriste Yesu hi ku rhandza ka Xikwembu, ndzi tsalela vahlawuriwa va Xikwembu [lava nga le Efesa], lava tshembekaka eka Kriste Yesu, ndzi ri: