Timhaka 18:7 - BIBELE Mahungu Lamanene

⁷ Hiloko a hambana na vona, a ya tshama ekaya ka wanuna un'wana loyi a va ku i Titiyo Yusto, munhu wo chava Xikwembu, loyi muti wa yena a wu vandzekene ni sinagoga.

Testamente Leyimpsha Xichangana

⁷ Hi loko ahambana na vona, ayatshama kaya ka wanuna lweyi avaku i Tisiyo Yusto, munhu wo chava Xikwembu, lweyi munti wa yena awuvandzakene ni sinagoga.

Xitsonga (Bibele)

⁷ Kuteloko a humile kona, a nghena endlwini ya munhu un'wana loyi va nge i Yusto, la chavaka Xikwembu, loyi yindlu ya yena yi lungamaneke ni sinagoga.

Timhaka 18:7 Referans Kwoze

Timhaka 16:14

Kutani un'wana wa vona loyi a va ku i Lidiya, muxavisi wa tinguvu to vangama ta xivunguvungu, wa muti wa Tiyatira, wansati wo chava Xikwembu, a a ri eku yingiseni; kutani Hosi yi pfula mbilu ya yena leswaku a twisisa leswi vuriwaka hi Pawulo.

Vakolosa 4:11

Na yena Yesu la vuriwaka Yusto, wa mi rungula. Hi vona ntsena, exikarhi ka Vayuda lava pfumeleke, lava nga tirha na mina entirhweni wa Mfumo wa Xikwembu; va ndzi tiyisile swinene.

Timhaka 17:4

Kutani van'wana exikarhi ka vona va pfumela, va namarhela Pawulo na Silasi, va ri ni nhlayo leyikulu ya Vagriki lava chavaka Xikwembu, ni lavo tala exikarhi ka vavasati lavo chaviseka.

Timhaka 13:42

Loko Pawulo na Barnaba va huma esinagogeni, vanhu va va khongela ku ta nakambe hi siku ra Savata leri tlhandlamaka, va ta va dyondzisa timhaka teto.

Timhaka 10:22

Va ku: “Hi rhumiwile hi Korneliyo, ndhuna ya dzana ra masocha, wanuna wo lulama la chavaka Xikwembu, la nkhensiwaka hi tiko hinkwaro ra Vayuda; ú lerisiwile hi ntsumi leyo hlawuleka ku ku vitana u ta emutini wa yena, leswaku a ta yingisa leswi u nga ta n'wi byela swona.”

Timhaka 10:2

a a ri munhu wa vukhongeri, a chava Xikwembu kun'we ni va yindlu ya yena hinkwavo; a a pfuna vanhu va tiko hi swihanano swo tala, a nga rhuteli ku khongela Xikwembu.

Yohane 9:31

Ha swi tiva leswaku Xikwembu a xi yingisi vadyohi; kambe loko munhu a chava Xikwembu, a endla ku rhandza ka xona, Xikwembu xa n'wi yingisa.

Timhaka 13:43

Kuteloko nhlengeletano yi hangalakile, Pawulo na Barnaba va landziwa hi Vayuda lavo tala ni vamatiko lavo tala va vukhongeri, lava amukeriweke eXiyudeni; vaapostola va vulavula na vona, va va khongotela ku tiyisela etintswalweni ta Xikwembu.

Timhaka 13:50

Kambe Vayuda va hlohlotela vavasati lavo chaviseka va vukhongeri, ni vakulukumba va muti; va sungula ku xanisa Pawulo na Barnaba, kutani va va hlongola etikweni ra vona.