Timhaka 18:6 - BIBELE Mahungu Lamanene

⁶ Kambe loko vona va n'wi kaneta ni ku n'wi sandza, a phumunha ntshuri eswiambalweni swa yena, a ku ka vona: “Nandzu lowu, wu dlaya n'wina vini va wona; loko ndzi ri mina, ndzi humile ka wona; ku sukela sweswi, ndzi ta ya eka vamatiko.”

Testamente Leyimpsha Xichangana

⁶ Hi loko vona vamukaneta ni kumuyala, aphumunha ntshuri asviyambalweni sva yena, aku ka vona: “Ngati ya n'wina, ayive henhla ka tinhloko ta n'wina; loko ali mina, nihumile ka wona; kusukela svosvi, nitaya ka vamatiko.”

Xitsonga (Bibele)

⁶ Kambe kakuloko va kaneta ni ku sandza, a phumunha tinguvu ta yena, a ku eka vona: “Ngati ya n'wina a yi ve ehenhla ka tinhloko ta n'wina: Loko ndzi ri mina, ndzi basile; ku sukela sweswi, ndzi ta famba eka vamatiko.”

Timhaka 18:6 Referans Kwoze

Ezekiele 33:4

Loko munhu un'wana etikweni rero a twa mhalamhala, kambe a swi ba hi makatla, munhu loyi ú ta va a lo tivangela rifu hi yexe;

2 SAMIELE 1:16

Davhida a ri karhi a byela Muamaleke, a ku: “Rifu leri, u lo tivangela hi wexe, hikuva u lo timangalela, loko u vula leswaku hi wena la dlayeke muhlawuriwa wa HOSI Xikwembu.”

Ezekiele 18:13

loko a lombisa mali, ú lava ntswalo wa yona, a bindzula ha yona. Xana munhu wo tano a nga kuma ku hanya xana? E-e, a nge hanyi, ú ta fa hakunene, hikuva ú endlile swilo leswi hinkwaswo swa manyala; rifu ra yena, ú ta va a lo tivangela yena n'winyi.

Nehemiya 5:13

Kutani ndzi dzudza xinkwamana xa mina xi wela hansi, ndzi ku: “Xikwembu a xi dzudze munhu un'wana ni un'wana a huma endlwini ya yena ni le ntirhweni wa yena, loko a nga hetisisi xitshembiso lexi; a a dzudziwe a sala a nga ha ri na nchumu.” Kutani ntshungu hinkwawo wu ku “Amen!” wu dzunisa HOSI Xikwembu. Vanhu va endlile hilaha va tshembiseke hakona.

Timhaka 13:51

Kambe vona va phumunha ntshuri emilengeni ya vona, ku komba leswaku va hambana na vona, kutani va ya emutini wa Ikoniya.

1 Petro 4:4

Va hlamala loko va mi vona sweswi mi nga ha fambi na vona, evusopfeni lebyi bya ku tlurisa mpimo, kutani va mi sandza.

Luka 9:5

Kambe loko va nga mi amukeli, humani emutini wa kona, kutani mi phumunha ntshuri emilengeni ya n'wina; swi ta va vumbhoni eka vona.”

Matewu 27:25

Tiko hinkwaro ri hlamula, ri ku: “Rifu ra yena a ri ve ehenhla ka hina ni le henhla ka vana va hina.”

1 Petro 4:14

Loko mi soriwa hikwalaho ka vito ra Kriste, mi katekile, hikuva Moya lowu kwetsimaka, lowu nga wa Xikwembu, wu le ka n'wina.

2 Timotiya 2:25

a laya vakaneti va yena hi vukhwatsi; hikuva kumbexana Xikwembu xi nga endla leswaku va tisola va hundzuka, va fika laha va nga tivaka leswi nga ntiyiso.

Varhoma 3:29

Xana Xikwembu i xa Vayuda ntsena ke? Xana vamatiko vona, a hi xa vona ke? Ina, na vona vamatiko i xa vona,

Timhaka 28:28

“Loko swi ri tano, swi tiveni leswaku mahungu ya ku ponisiwa hi Xikwembu ma rhumeriwile vamatiko; vona va ta ma yingisa.” [

Timhaka 26:20

Ndzi sungurile hi va le Damaska ni va le Yerusalema, ndzi ya emahlweni etikweni hinkwaro ra Yudiya, ni le ka vamatiko, ndzi ri karhi ndzi va khongotela ku hundzuka, va tlhelela eka Xikwembu, kutani va tirha mintirho leyi fambelanaka ni ku hundzuka ka vona.

Timhaka 26:11

Ndzi va bile ko tala emasinagogeni hinkwawo, ndzi ringeta ku sindzisa leswaku va sandza ndlela ya vona. A ndzi va venga ngopfu, ndzi ko ndzi ya va xanisa ni le mitini ya le handle.

Matewu 22:10

Kutani malandza walawo ma huma, ma ya etindleleni, ma hlengeleta hinkwavo lava va kumekaka, lavo biha ni lavo lulama, kutani yindlu ya nkhuvo yi tala hi vanhu lava tshamiseke eswakudyeni.

Matewu 10:14

Kutani loko va nga mi amukeri, kumbe loko va nga yingisi marito ya n'wina, humani endyangwini wolowo, kumbe emutini wolowo, mi phumunha ntshuri emilengeni ya n'wina.

Luka 22:65

Kutani va n'wi rhuketela hi swin'wana leswo tala.

Matewu 21:43

“Hikokwalaho ndza mi byela leswaku mi ta tekeriwa Mfumo wa Xikwembu; kutani wu ta nyikiwa tiko rin'wana leri nga ta veka mihandzu ya wona.

Matewu 8:11

Ndza mi byela, ndzi ri: Lavo tala va ta huma evuxeni ni le vupeladyambu, kutani va ta tshama swakudyeni eMfun'weni wa matilo kun'we na va Abrahama, na Isaka, na Yakobo.

Levhitika 20:9

“Loko munhu a rhuketela tata wa yena kumbe mana wa yena, ú fanele ku dlayiwa. Ú ta va a lo tivangela rifu, hikuva ú rhuketerile vatswari.

1 Timotiya 5:22

U nga hatliseli ku tlhandleka munhu mavoko, naswona u nga tinghenisi eswidyohweni swa un'wana munhu. Tihlayise, u tshama u tengile.

1 TIHOSI 2:33

Nandzu wa rifu ra vona wu ta wela Yowabu ni vatukulu va yena hilaha ku nga heriki. Kasi Davhida, ni vatukulu va yena, ni rixaka ra yena, ni vuhosi bya yena, swi ta nyikiwa ku rhula loku humaka eka HOSI Xikwembu, hilaha ku nga heriki.”

Ezekiele 33:6

Nkarhi wun'wana, swi nga endleka leswaku tiko ri ngheneriwa hi valala, kambe murindzi a nga bi mhalamhala; leswi vaaki va tiko va nga tiviki nchumu, valala va nga khoma munhu wihi kumbe wihi etikweni rero, va n'wi dlaya; munhu loyi ú ta va a file hikwalaho ka swidyoho swa yena, kambe murindzi, mina ndzi ta n'wi vona nandzu emhakeni ya ku dlawa ka warikwavo.

Matewu 21:41

Va hlamula Yesu va ku: “Ú ta lovisa vanhu lavo biha lava va hela; nsimu ya vhinya, ú ta yi veka emavokweni ya vatirhi van'wana lava nga ta n'wi nyika mihandzu hi nguva ya kona.”