Timhaka 18:3 - BIBELE Mahungu Lamanene

³ Kutani leswi a a ri wa ntirho lowu fanaka ni wa vona, a tshama na vona, a ri karhi a tirha; hikuva ntirho wa vona a wu ri wa ku rhunga matende.

Testamente Leyimpsha Xichangana

³ Kutani lesvi aali wa ntirho lowufanaka ni wa vona, atshama na vona, na ali karhi atirha; hikuva ntirho wa vona awuli wa kurhunga matende.

Xitsonga (Bibele)

³ Kutani Pawulo a ya eka vona. Kambe leswi ngi a ri wa ntirho wun'we ni wa vona, a tshama na vona a ri karhi a tirha; hikuva ntirho wa vona a wu ri wa ku rhunga matende.

Timhaka 18:3 Referans Kwoze

1 Vatesalonika 2:9

Vamakwerhu, mi tsundzuka ku tikarhata ka hina entirhweni wa hina: Hi tirhile vusiku ni nhlekanhi leswaku hi nga tikiseli na un'we wa n'wina, loko hi ri karhi hi mi dyondzisa Evhangeli ya Xikwembu.

1 Vakorinto 4:12

hi tihlakata hi ku tirha hi mavoko ya hina. Loko hi rhukaniwa, ha katekisa; loko hi xanisiwa, hi lehisa mbilu;

2 Vakorinto 11:9

hikuva loko vamakwerhu lava humaka eMakedoniya va fikile, va ndzi pfunile hi leswo tala leswi a ndzi swi pfumala. Ndzi ringetile hi matimba ku vona leswaku ndzi nga mi tikiseli, kutani ndza ha ya emahlweni ndzi endlisa sweswo.

2 Vakorinto 12:13

Xana mi tshama mi tluriwa hi tikereke tin'wana? Hi yini ke, loko ku nga ri ntsena hi leswi ndzi nga mi rhwexangiki ndzhwalo wo ndzi hlayisa? Ndzi khomeleni eka xihoxo xexo!

2 Vakorinto 11:7

Xana a ku ri ku dyoha ke, loko ndzi titsongahatile leswaku n'wina mi tlakusiwa, ni loko ndzi twarisile Mahungu Lamanene ya Xikwembu eka n'wina, ndzi nga kombelanga hakelo ke?

1 Vakorinto 9:14

Hi mukhuva wolowo Hosi yi lerisile lava twarisaka Mahungu Lamanene leswaku va kuma swo tihanyisa hi ntirho lowu wo twarisa Mahungu Lamanene.

1 Vakorinto 9:15

Kambe mina a ndzi tirhisanga ni yin'we ya tifanelo leti. Naswona a ndzi tsali leswi ku endlela leswaku ndzi ti tirhisa; hikuva eka mina swi nga antswa ku fa, ku tlula ku endlisa sweswo; emhakeni leyi, a ku na munhu la nga ndzi tekelaka ku tidzunisa ka mina.

1 Vakorinto 9:18

Kutani ke, hakelo ya mina hi yihi ke? I ku vula Mahungu Lamanene eka vanhu, ndzi nga lavi hakelo; i ku tshika hi ndzexe fanelo ya mina yo hakeriwa entirhweni lowu wo twarisa Mahungu Lamanene.

1 Vatesalonika 4:11

Ku navela ka n'wina lokukulu a ku ve ku hanya hi ku rhula, mi tikarhatela swa n'wina, mi tirha hi mavoko ya n'wina, hilaha hi nga rhanga hi mi tsundzuxa hakona.

2 TIHOSI 6:2

Hi pfumelele ku ya tsema timhandze enkoveni wa Yordani, un'wana ni un'wana a vuya ni yin'we, hi lulamisa ndhawu yo hlengeletanela kona.” Elixa a va hlamula, a ku: “Fambani!”