Timhaka 18:18 - BIBELE Mahungu Lamanene

¹⁸ Kuteloko Pawulo a xwile eKorinto masiku layo tala, a lelana ni vamakwavo, a ya eSiriya hi ngalava, a ri na Prisila na Akwila. A suka a byewuriwile nhloko eKenikreya, hikuva a a tibohile hi ku hlambanya.

Testamente Leyimpsha Xichangana

¹⁸ Kuteloko Pawulo axwile Korinto masiku lamanyingi, asalisana ni vamakwavu, aya Siriya hi ngalawa, na ali na Prisika na Akila. Asuka Kenikreya na abzevule misisi, hikuva aatibohile hi kufunga.

Xitsonga (Bibele)

¹⁸ Pawulo, kuteloko a xwile kona masiku layo tala, a sarisa vamakwavo, a ya eSiriya hi byatso, a ri na Prisila, na Akwila, a tibyewule nhloko eKenikreya, hikuva a a tibohile hi ku hlambanya.

Timhaka 18:18 Referans Kwoze

Timhaka 21:24

famba na vona, u tibasisa na vona, u va hakelela leswi lavekaka, leswaku va ta kota ku byewuriwa tinhloko; kutani hinkwavo va ta tiva leswaku a ku tiyanga ni mhaka ni yin'we ya leti va nga byeriwa tona hi tlhelo ra wena, kambe va ta tiva leswaku na wena u landza Nawu, ni leswaku wa wu hlayisa.

Tinhlayo 6:18

Kutani kwala nyangweni ya Ntsonga lowo Hlawuleka, Munaziri ú ta byewula nhloko ya yena leyi hlawulekisiweke, a teka misisi ya kona a yi hoxa endzilweni wa gandzelo ra xinakulobye.

1 Vakorinto 9:20

Eka Vayuda ndzi tiendlile Muyuda, leswaku ndzi ta kota ku koka Vayuda. Eka lava nge hansi ka Nawu ndzi tiendlile loyi a nge hansi ka wona, hambileswi mina hi ndzexe ndzi nga riki ehansi ka Nawu, leswaku ndzi ta kota ku koka lava nge hansi ka Nawu.

Varhoma 16:1

Ndzi mi tivisa Manana Febe, makwerhu eHosini la tirhelaka kereke ya le Kenikreya;

Timhaka 18:2

Emutini lowu, a kuma Muyuda un'wana loyi a va ku i Akwila, la velekiweke ePonto, loyi a a fikile hi le Italiya ku nga ri khale, a ri na Prisila nsati wa yena; hikuva hosi Klawudiyo a yi lerisile leswaku Vayuda hinkwavo va suka eRhoma. Pawulo a ya ka vona.

Vagalatiya 1:21

Endzhaku ka swona ndzi yile ematlhelweni ya Siriya na Kilikiya.

Timhaka 15:23

Va famba ni papila leri nge: “Hina vaapostola ni vakulukumba, hi nga vamakwenu eHosini, eka n'wina vamakwerhu mi nga velekiwa mi ri vamatiko, n'wina mi nga le Antiyoka, ni le Siriya, ni le Kilikiya: Xewani!

Tinhlayo 6:2

“Tivisa Vaisraele mhaka leyi: Loko wanuna kumbe wansati a tiboha, a hlambanya leswaku ú ta va Munaziri, a tinyiketa ku tirhela HOSI Xikwembu,

Timhaka 21:3

Loko hi fika laha ku langutaneke ni xihlale xa Kipra, hi xi bela evokweni ra ximatsi, hi kongoma eSiriya, kutani hi fika eTiri, hikuva hi kona laha ngalava a yi fanele ku humesa mindzhwalo ya yona kona.

Timhaka 18:26

A sungula ku vulavula esinagogeni, a nga chavi nchumu. Kuteloko Prisila na Akwila va n'wi twile, va n'wi rhurhela, va n'wi hlamusela swinene-nene Ndlela ya Xikwembu.

Timhaka 15:41

Kutani a tsemakanya matiko ya Siriya na Kilikiya, a ri karhi a tiyisa tikereke.

Matewu 4:24

Kutani ku twakala ka yena ku hangalaka etikweni hinkwaro ra Siriya. Va tisa hinkwavo lava vabyaka hi mavabyi ya tinxaka-xaka ni lava xanisekaka ngopfu, kukota lava nga ni mademona, ni lava nga ni rihuhe ra n'weti, ni lava nga lamala, kutani Yesu a va hanyisa.

Marka 6:46

Kuteloko a lelanile ni vanhu, a ya entshaveni ku ya khongela kona.

Timhaka 1:15

Hi masiku walawo, Petro a yima enhlengeletanweni ya vamakwavo eHosini (lava nhlayo ya vona a yi lava ku va 120), kutani a ku:

Timhaka 18:27

Kambe leswi a a lava ku ya fika eAkaya, vamakwavo va seketela makungu ya yena, kutani va tsalela vadyondzisiwa, ku kombela leswaku va n'wi amukela. Loko a fikile ka vona, a pfuna ngopfu lava a va pfumerile hi ku tsakeriwa hi Xikwembu;

Timhaka 21:23

Loko swi ri tano, endla leswi hi ku byelaka swona. Hi ni vavanuna va mune kwala, lava tiboheke hi ku hlambanya;