Timhaka 17:25 - BIBELE Mahungu Lamanene

²⁵ naswona a xi tirheriwi hi mavoko ya vanhu, wonge hi loko xi nga pfumala nchumu; hikuva hi xona lexi nyikaka un'wana ni un'wana vutomi, ni ku hefemula, ni swilo hinkwaswo.

Testamente Leyimpsha Xichangana

²⁵ nasvona axitirheliwi hi mavoko ya vanhu, ingi hi loko xingapfumala nchumu; hikuva hi xona lexinyikaka mun'wana ni mun'wana vutomi, ni kuhefemula, ni svilo hinkwasvu.

Xitsonga (Bibele)

²⁵ na kona, a xi tirheriwi hi mavoko ya vanhu, swange hiloko xi pfumala xilo ni xin'we; kasi hi xona xi nyikaka hinkwavo vutomi, ni ku hefemula, ni swilo hinkwaswo.

Timhaka 17:25 Referans Kwoze

Genesa 2:7

Kutani HOSI Xikwembu xi vumba munhu hi ntshuri wa misava, xi huhutela moya lowu nyikaka vutomi etinhompfini ta yena, kutani munhu a va xivumbiwa lexi hanyaka.

Varhoma 11:35

I mani la nga rhanga a n'wi nyika xa nchumu, lexi a nga ta lava ku tlheriseriwa xona ke?”

Timhaka 17:28

hikuva eka xona, ha hanya, ha tshuka-tshuka, naswona, hi va kona, kukotisa leswi vatlhokovetseri van'wana va n'wina va nga vula va ku: ‘Na hina hi va rixaka ra xona.’

Esaya 42:5

HOSI Xikwembu, xona Xikwembu lexi tumbuluxeke matilo xi ma vamba, xi andlala ni misava ni leswi milaka eka yona, xona lexi endleke leswaku vanhu lava tshamaka eka yona va va ni vutomi, va hefemula, xi byela nandza wa xona, xi ri:

Ntirho 33:4

hikuva Moya wa Xikwembu, hi wona wu ndzi vumbeke, Lowa-matimba-hinkwawo ú ndzi huhutele wona, a ndzi nyika vutomi.

Ntirho 22:2

“Xana munhu a nga pfuna Xikwembu ha yini ke? Loko a ri ni mianakanyo leyinene, swi to pfuna yena n'wini.

1 Timotiya 6:17

Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.

Ntirho 27:3

Loko ndza ha hefemula, ni loko Xikwembu xa ha hlayisa vutomi bya mina,

Zakariya 12:1

Mahungu hi lawa, ri nga rito ra HOSI Xikwembu ehenhla ka Vaisraele: Xikwembu lexi vumbeke matilo, lexi xi andlaleke ni misava, xona lexi hanyisaka munhu, xi vurisa sweswo xi ri:

Pisalema 16:2

Eka HOSI, ndzi ri: “Hi wena n'wini wa mina, a ndzi kumi ntsako loko ku nga ri ha wena ntsena.”

Ntirho 12:10

Hi xona xi hlayisaka vutomi bya leswi hanyaka hinkwaswo, munhu un'wana ni un'wana ú hanyisiwa hi xona.

Timhaka 14:17

Hambiswiritano, a xi tshikanga ku tikomba leswi xi nga swona, hi ku endla leswinene; xi mi nyikile timpfula to huma etilweni, na tinguva ta ndzalo, xi mi andzisela ni swakudya, xi tata timbilu ta n'wina hi ku tsaka.”

Matewu 9:13

“Yanani, mi ya dyondza rito leri nge: ‘Ndzi tsakela tintswalo, ku nga ri magandzelo.’ Hikuva a ndzi tanga ku ta vitana lava lulameke, kambe vadyohi.”

Matewu 5:45

leswaku mi hundzuka vana va Tata wa n'wina la nge matilweni, hikuva ú tsuvukisa dyambu ra yena ehenhla ka lavo biha ni lavanene, ú nisa mpfula ehenhla ka lavo lulama ni lavo homboloka.

Esaya 57:16

Ndzi nga ka ndzi nga tshami ndzi ri karhi ndzi karihela vanhu va mina, naswona ndzi nge va hlundzukeli hilaha ku nga heriki, hikuva vanhu va mina lava ndzi va endleke, va nga ta fa va hela.

Ntirho 34:14

Loko a xo tihanyela xi ri xoxe, ni loko xi tekela swivumbiwa emoya lowu xi nga wu huhutela eka swona,

Tinhlayo 27:16

“We HOSI, Xikwembu xa swilo hinkwaswo leswi hanyaka, hlawula wanuna loyi a nga ta fambisa ntshungu lowu,

Tinhlayo 16:22

Kutani va wela hansi hi mimombo, va ku: “Oho Xikwembu, wena Xikwembu xa swilo hinkwaswo leswi hanyaka, xana u nga hlundzukela ntlawa lowu hinkwawo hikwalaho ka ku dyoha ka munhu un'we xana?”

Duteronoma 30:20

Rhandzani HOSI Xikwembu xa n'wina, mi endla leswi xi mi byelaka swona, mi xi namarhela. Loko mi endla sweswo, mi ta va ni vutomi, mi hanya masiku layo tala, mi tshama etikweni leri HOSI Xikwembu xi hlambanyeke ku ri nyika vatata wa n'wina Abrahama na Isaka na Yakobo.”

Yeremiya 38:16

Hiloko hosi Sedekiyasi a hlambanyela Yeremiya va ri vambirhi exihundleni, a ku: “Ndzi tiyisa emahlweni ka HOSI Xikwembu lexi hanyaka, muendli wa hina, ndzi ri, ndzi nga ka ndzi nga ku dlayi, naswona a ndzi nga ku nyiketi eka vavanuna lava ringetaka ku ku dlaya.”