Timhaka 17:16 - BIBELE Mahungu Lamanene

¹⁶ Loko Pawulo a ha va langutela eAtena, moya wa yena wu tlhaveka swinene, loko a vona leswaku muti lowu, wu tele swikwembu swa swifaniso.

Testamente Leyimpsha Xichangana

¹⁶ Loko Pawulo ahavalangutela Atena, moya wa yena wutlhaveka svinene, loko avona lesvaku doropa leri ritele hi svifaniso sva svikwembu.

Xitsonga (Bibele)

¹⁶ Pawulo, kakuloko a ha va langutela eAtena, moya wa yena wu tlhaveka endzeni ka yena, loko a vona muti wu tele hi swifaniso leswi gandzeriwaka.

Timhaka 17:16 Referans Kwoze

Pisalema 119:158

Loko ndzi vona lava nga pfumeriki, ndzi twa ku vava, hikuva a va na mhaka ni switshembiso swa wena.

2 Petro 2:7

Naswona xi ponisile Lota munhu wo lulama, loko yena a twile ku vava hi mhaka ya swilo swa manyala leswi a swi endliwa hi vanhu lavo biha;

Pisalema 119:136

Mahlo ya mina ma tenga-tenga mihloti, hikuva vanhu a va hlayisi nawu wa wena.

Marka 3:5

Yesu a va rhalarhala hi mahlo a hlundzukile, a vavisekile hi ku nonon'hwa ka timbilu ta vona, kutani a ku ka munhu loyi: “Tshambuluta voko ra wena.” A ri tshambuluta, kutani voko ra yena ri tlhela ri ololoka.

Mikiya 3:8

Loko ndzi ri mina, ndzi tiyile swinene, hikuva HOSI Xikwembu xi ndzi nyika Moya wa xona, ndzi vula leswi lulameke ndzi nga chavi nchumu, ndzi komba Vaisraele, va nga va ka Yakobo, leswaku va dyohile hi ku tiarisa ka vona.

Yeremiya 20:9

Loko ndzi ku: “A ndzi nga ha vulavuli nchumu hi HOSI Xikwembu, kumbe ku dyondzisa hi vito ra xona”, endzeni ka mina ku pfurha ndzilo lowukulu, mbilu ya mina ya tshwa ha wona, kutani ndzi karhala ku wu tiyisela, ndzi tsandzeka ku miyela.

Pisalema 69:9

Ku hisekela yindlu ya wena swa ndzi dya, lava va ku rhuketelaka, va rhuketela mina.

1 TIHOSI 19:14

Eliya a hlamula a ku: “We HOSI, Xikwembu xa matimba hinkwawo, ndzi lava ku tirhela wena ntsena kambe Vaisraele vona va tshikile ntwanano exikarhi ka wena na vona, va hirimuxile tialitari ta wena, naswona va dlayeterile vaprofeta va wena. Ndzi lo sala ndzi ri ndzexe, kutani na mina va lava ku ndzi dlaya.”

1 TIHOSI 19:10

Eliya a hlamula a ku: “We HOSI, Xikwembu xa matimba hinkwawo, ndzi lava ku tirhela wena ntsena, kambe Vaisraele vona va tshikile ntwanano exikarhi ka wena na vona, va hirimuxile tialitari ta wena, naswona va dlayeterile vaprofeta va wena. Ku lo sala mina ntsena, kutani na mina va lava ku ndzi dlaya.”

Timhaka 17:23

Hikuva loko ndzi famba ndzi ri karhi ndzi languta tindhawu leti mi gandzelaka ka tona, ndzi kumile alitari leyi ku tsariweke marito eka yona lama nge: ‘Eka Xikwembu lexi nga tiviwiki!’ Sweswi ke, leswi mi swi gandzelaka mi nga swi tivi, hi swona leswi ndzi mi tivisaka swona.

Yohane 2:13

Nkhuvo wa Paseka ya Vayuda a wu ri kusuhi, kutani Yesu a tlhandlukela eYerusalema.

Timhaka 17:15

Kutani lava heleketaka Pawulo, va n'wi fikisa eAtena; kutani va tlhela loko va lerisiwile ku byela Silasi na Timotiya leswaku va nga hlweli ku landza Pawulo.

Timhaka 17:21

(Vaatena hinkwavo, ni vanhu va matiko man'wana lava endzeke ka vona, a va nga tirhi nchumu, loko ku nga ri ku rungulelana timhaka, kumbe ku yingisa tin'wana leta ha ku humelelaka.)

Timhaka 18:1

Endzhaku ka sweswo Pawulo a suka eAtena, a ya eKorinto.

Timhaka 20:22

“Sweswi ke, mi ndzi vona ndzi ri la bohiweke hi Moya ku ya eYerusalema, ndzi nga tivi leswi swi nga ta ndzi humelela kona;

1 Vatesalonika 3:1

Hi ku vona leswaku a hi nga ha koti ku tiyisela, hi tihlawulele ku sala hi ri hexe le Atena.