Timhaka 16:6 - BIBELE Mahungu Lamanene

⁶ Vaapostola va tsemakanya matiko ya Firigiya ni ya Galatiya, kutani Moya lowo Kwetsima wu va sivela ku ya vula Rito etikweni ra Asiya.

Testamente Leyimpsha Xichangana

⁶ Vapostola vatsemakanya matiko ya Frixjiya ni ya Galatiya, kutani Moya Wokwetsima wuvasivela kuyavula Rito tikweni ra Aziya.

Xitsonga (Bibele)

⁶ Kutani va tsemakanya Frigiya, ni tiko ra Galatiya, hikuva Moya lowo Kwetsima a wu va alela ku vula rito le Asiya.

Timhaka 16:6 Referans Kwoze

Timhaka 18:23

A tshama nkarhinyana kona, kutani a suka, a rhendzeleka hinkwako ematikweni ya Galatiya ni ya Frigiya, a ri karhi a tiyisa vadyondzisiwa hinkwavo.

Vagalatiya 1:2

ndzi tsala ndzi ri ni vamakwerhu hinkwavo lava nga na mina haleno, hi tsalela tikereke ta Galatiya, hi ri:

Timhaka 16:7

Kuteloko va fikile endzilekaneni wa tiko ra Misiya, va ringeta ku nghena etikweni ra Bitiniya, kambe Moya wa Yesu a wu va pfumelelanga.

Timhaka 11:12

Kutani Moya wu ndzi byela leswaku ndzi famba na vona, ndzi nga kanakani; na vona vamakwerhu va 6 lava, va famba na mina; kutani hi nghena eka Korneliyo yoloyi.

1 Petro 1:1

Mina Petro, muapostola wa Yesu Kriste, ndzi tsalela lava rhurhisiweke ni ku hangalasiwa ematikweni ya Ponto, na Galatiya, na Kapadokiya, na Asiya, na Bitiniya,

2 Timotiya 4:10

Hikuva Demasi, hi ku rhandza ngopfu swa misava leyi, ú ndzi balekerile a ya eTesalonika. Kreskene ú yile eGalatiya, na Tito ú yile eDalamatiya.

Vagalatiya 3:1

Yo! Vagalatiya, maphuphula ndzin'wina! Mi yengiwile hi mani xana, n'wina lava mi hlamuseriweke swinene ta ku vambiwa ka Yesu Kriste exihambanweni, onge hi loko swi humelerile mi ri karhi mi swi vona hi mahlo?

Timhaka 19:10

Swi fambile hi ndlela yoleyo hi malembe mambirhi, ku kondza loko hinkwavo lava akeke etikweni ra Asiya, Vayuda ni vamatiko, va twa rito ra Hosi.

Nhlavutelo 1:11

ri ku: “Tsala leswi u swi vonaka, kutani u rhumela buku ya kona etikerekeni leti ta 7: Kereke ya le Efesa, ni ya le Smirna, ni ya le Pergamo, ni ya le Tiyatira, ni ya le Sarda, ni ya le Filadelfiya, ni ya le Lawodikiya.”

Nhlavutelo 1:4

Mina Yohane ndzi tsalela tikereke ta 7 leti nge tikweni ra Asiya, ndzi ri: Tintswalo ni ku rhula a swi ve na n'wina, swi huma eka loyi a nga kona, loyi a a ri kona, loyi a taka; swi huma ni le ka mimoya ya 7 leyi nga mahlweni ka xiluvelo xa yena,

Vaheveru 11:8

Hi ku pfumela, Abrahama, siku a vitaniweke ku rhurha a ya etikweni leri Xikwembu a xi n'wi tshembisile rona, ú yingisile, a rhurha a nga tivi lomu a fanelaka ku ya kona.

2 Timotiya 1:15

Wa swi tiva leswaku hinkwavo lava nga le tikweni ra Asiya va ndzi fularhele, kutani exikarhi ka vona ku na Figelo na Hermogene.

2 Vakorinto 1:8

Vamakwerhu, hi lava leswaku mi tiva ta maxangu lawa ya hi humeleleke etikweni ra Asiya. Hi tshikeleriwile ngopfu swinene, ku tlula matimba ya hina, hi kondza hi hela mbilu, hi nga ha tshembi leswaku hi ta hanya.

1 Vakorinto 16:1

Loko wu ri nhlengo lowu humeseriwaka vahlawuriwa va Xikwembu, na n'wina mi ta endla hilaha ndzi leriseke tikereke ta Galatiya hakona.

1 Vakorinto 12:11

Kambe hinkwaswo leswi i ntirho wa Moya wolowo wun'we, lowu avelaka tinyiko to hambana eka munhu un'wana ni un'wana hilaha wu rhandzaka hakona.

Timhaka 20:28

Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Timhaka 20:16

Pawulo a a bohile makungu ya ku hundza ntsena a nga ngheni le Efesa, leswaku a nga hundzeriwi hi nkarhi a ha ri etikweni ra Asiya; hikuva a a ringeta ku hatlisa a fika eYerusalema hi siku ra Pentekosta, loko swi endleka.

Timhaka 20:4

Lava a va n'wi heleketa, a va ri Sopatere n'wana Piro wa le Beriya; ni va le Tesalonika Aristarka na Sekundo; na Gayo wa le Derbe; na Timotiya; na Tixiko na Trofimo lava a va huma etikweni ra Asiya.

Timhaka 10:19

Loko Petro a ha anakanya xivono lexi, Moya wu ku ka yena: “Vona, ku ni vavanuna vambirhi, lava va ku lavaka.

Esaya 30:21

Loko mi tshuka mi hambuka endleleni, mi ya exineneni kumbe eximatsini, mi ta twa rito leri taka hi le ndzhaku ka n'wina, ri ku: “Ndlela hi leyi, khomani yona!”

Luka 1:2

va ti rungurile hilaha na hina hi nga ti twa hakona eka lava a va ri timbhoni ta tona ni malandza ya rito ra Xikwembu ka ha ri eku sunguleni;

Timhaka 6:9

Kambe ku humelela van'wana va sinagoga leyi vuriwaka “ya Vantshunxiwa”, van'wana va ri lava humaka eKirene ni le Aleksandriya, van'wana va huma eKilikiya ni le Asiya; kutani va yima va kanetana na Stefano.

Timhaka 8:29

Moya wu ku ka Filipi: “Famba, u tshinelela golonyi liyaa.”

Timhaka 21:27

Loko masiku ya 7 ma ri kusuhi ni ku hela, Vayuda vo huma etikweni ra Asiya va vona Pawulo eTempeleni, kutani va pfilunganya ntshungu hinkwawo, va n'wi khoma,

Varhoma 16:5

Ndzi runguleleni na yona kereke leyi hlanganaka endlwini ya vona. Ndzi runguleleni na Epayineto, murhandziwa wanga, a nga yena wo sungula ku pfumela eka Kriste le Asiya.

1 Vakorinto 16:19

Tikereke ta le Asiya ta mi rungula. Akwila na Prisila, swin'we ni kereke leyi hlengeletanaka emutini wa vona, va mi rungula swinene eHosini.