Timhaka 16:5 - BIBELE Mahungu Lamanene

⁵ Hi mukhuva lowu, tikereke ti tiyisiwa eku pfumeleni, ti andza siku rin'wana ni rin'wana.

Testamente Leyimpsha Xichangana

⁵ Hi mukhuva lowu, tikereke titiyisiwa kupfumeleni, tiyandza siku rin'wana ni rin'wana.

Xitsonga (Bibele)

⁵ Hi mukhuva wolowo tikereke ti tiyisiwa eku pfumeleni, kambe a ti andza siku rin'wana ni rin'wana.

Timhaka 16:5 Referans Kwoze

Timhaka 9:31

Enkarhini wolowo, kereke a yi ri ni ku rhula etikweni hinkwaro ra Yudiya, ni ra Galeliya, ni ra Samariya, yi ri karhi yi akisiwa ni ku hanya exichabyeni xa Hosi; kutani a yi andza, yi tiyisiwa hi Moya lowo Kwetsima.

Timhaka 2:47

va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi a yi engetela nhlengeletano ya vona hi lava a va ri karhi va ponisiwa.

Timhaka 6:7

Rito ra Xikwembu ri ya emahlweni swinene; na yona nhlayo ya vadyondzisiwa yi ya yi andza ngopfu eYerusalema, naswona vaprista lavo tala va tinyiketa eku pfumeleni.

1 Petro 5:10

Kutani endzhaku ka loko mi twisiwile ku vava nkarhinyana, Xikwembu xa tintswalo hinkwato lexi xi mi vitaneke ku nghena eku kwetsimeni ka xona loku nga heriki, eka Kriste, xona hi xiviri xa xona xi ta mi pfuxa, xi mi aka ni ku mi tiyisa, mi nga tsekatseki.

Timhaka 15:41

Kutani a tsemakanya matiko ya Siriya na Kilikiya, a ri karhi a tiyisa tikereke.

Vakolosa 2:6

Kutani ke, leswi mi amukeleke Kriste Yesu ku va Hosi ya n'wina, hanyani hi ku va xilo xin'we na yena,

1 Vakorinto 15:58

Hikokwalaho, vamakwerhu lava rhandzekaka, tiyani swinene mi nga tsekatsekeni; tiyiselani swinene, mi tirhela Hosi masiku hinkwawo, mi ri karhi mi swi tiva leswaku eHosini mintirho ya n'wina a yi nga weli ehansi.

Varhoma 16:25

Eka yena la kotaka ku mi tiyisa, hi ku ya hi Mahungu Lamanene lawa ndzi ma dyondzisaka, ma nga mahungu ya Yesu Kriste, naswona hi ku ya hi xihundla lexi nga hlavuteriwa, xi nga xihundla lexi a xi fihlekile malembe ni malembe,

Timhaka 12:24

Rito ra Hosi a ri ya emahlweni, ri andza ngopfu.

Vaheveru 13:9

Mi nga kanganyisiwi hi tidyondzo ta tinxaka-xaka leti nga tivikaniki. Swi lulamile loko mbilu yi tiyisiwa hi tintswalo ta Xikwembu, ku nga ri hi milawu hi tlhelo ra swakudya, leyi nga pfuniki nchumu eka lava va yi landzelelaka.

2 Vatesalonika 2:16

Sweswi ke, ingi Hosi ya hina Yesu Kriste hi xiviri, ni Xikwembu Tata wa hina la hi rhandzeke, la hi nyikeke, hi tintswalo ta yena, ku chavelela loku nga heriki ni ku tshemba lokunene,

1 Vatesalonika 3:13

hi mukhuva wolowo, yi ta tiyisa timbilu ta n'wina, kutani mi ta pfumala nandzu, mi va lava hlawulekeke emahlweni ka Xikwembu Tata wa hina, siku Hosi ya hina Yesu a nga ta vuya ha rona, swin'we ni vahlawuriwa va yena hinkwavo.

1 Vatesalonika 3:2

Kutani hi mi rhumele Timotiya makwerhu, la tirhelaka Xikwembu ku fana na mina entirhweni wa Evhangeli ya Kriste; hi n'wi rhumele leswaku a ta mi tiyisa ni ku mi khongotela eku pfumeleni ka n'wina,

Vagalatiya 5:1

Hi ntshunxiwile hileswi Kriste a hi ntshunxeke. Hikokwalaho, yimani mi tiya, mi nga ha tlheli mi tiveka ehansi ka mpingu wa vuhlonga.

Timhaka 11:21

Matimba ya Hosi a ma ri na vona; kutani vanhu lavo tala va pfumela, va hundzukela ka Hosi.

Timhaka 5:14

Hambiswiritano, ntsengo wa vona a wu ya wu ri karhi wu engeteleka hi vavanuna ni vavasati lavo tala lava pfumeleke ka Hosi,

Timhaka 4:4

Hambiswiritano, lavo tala exikarhi ka lava va tweke Rito, va pfumela. Nhlayo ya vavanuna enkarhini wolowo a yi lava ku fika eka 5 000.

Esaya 7:9

Samariya i ntsindza wa tiko ra va ka Efrayimi ntsena, na n'wana Remaliya i hosi le Samariya ntsena. Loko mi nga ri na ku pfumela mi nga ka mi nga tiyi!’ ”

2 TIKRONIKA 20:20

Kutani vanhu hinkwavo va hubuta va huma eYerusalema, va kongoma emananga ya Tekowa; loko va ri karhi va huma, Yoxafati a yima exikarhi ka vona a huwelela a ku: “Yingisani n'wina va ka Yuda na n'wina va le Yerusalema: Mi fanele ku pfumela eka HOSI Xikwembu xa n'wina, hi kona mi nga ta tiya; tshembani marito ya vaprofeta va xona, kutani mi ta hlula!”