Timhaka 16:3 - BIBELE Mahungu Lamanene

³ Pawulo a a lava ku famba na yena, kutani a n'wi teka, a n'wi yimbisa, hikwalaho ka Vayuda lava akeke ematikweni walawo, hikuva hinkwavo a va tiva leswaku tata wa Timotiya i Mugriki.

Testamente Leyimpsha Xichangana

³ Pawulo aalava kufamba na yena, kutani amuteka, amuyimbisa, hikolaho ka Vayuda lavayakeke matikweni wolawo, hikuva hinkwavu avativa lesvaku tatana wa Timotewu i Mugriki.

Xitsonga (Bibele)

³ Pawulo a a rhandza leswaku a famba na yena, kutani a n'wi teka, a n'wi yimbisa, hikwalaho ka Vayuda lava ngi va ri ematikweni walawo, hikuva hinkwavo a va swi tiva leswaku tata wa yena a a ri Mugriki.

Timhaka 16:3 Referans Kwoze

Vagalatiya 2:3

Na Tito loyi a ndzi ri na yena, hambileswi a nga Mugriki, a nga sindzisiwanga ku yimba.

1 Vakorinto 9:20

Eka Vayuda ndzi tiendlile Muyuda, leswaku ndzi ta kota ku koka Vayuda. Eka lava nge hansi ka Nawu ndzi tiendlile loyi a nge hansi ka wona, hambileswi mina hi ndzexe ndzi nga riki ehansi ka Nawu, leswaku ndzi ta kota ku koka lava nge hansi ka Nawu.

Vagalatiya 5:6

Hikuva eka Kriste Yesu, ku yimba kumbe ku va munhu wo ka a nga yimbanga, a swi vuli nchumu, kambe lexi nga xona i ku pfumela loku tirhaka hi rirhandzu.

Vagalatiya 2:8

Hikuva Xikwembu lexi nyikeke Petro matimba ya ku va muapostola eka lava yimbeke, na mina xi ndzi nyikile matimba ya ku va muapostola eka vamatiko.

1 Vakorinto 7:19

Ku yimba, ni ku va munhu a nga yimbanga, a hi nchumu, swa fana; mhaka i ku hlayisa milawu ya Xikwembu.

Timhaka 15:40

Loko a ri Pawulo, a tihlawulela Silasi, kutani a suka a kombeleriwile minkateko ya Xikwembu hi vamakwavo.

Timhaka 15:37

Barnaba a a navela leswaku va teka Yohane, loyi a va ku i Marka, va famba na yena.

Timhaka 15:20

kambe a hi va tsaleleni papila, hi va byela ku tshika swakudya leswi nyamisiweke hi ku humeseriwa swikwembu swa hava, va tshika ni vuoswi, va nga dyi leswi vanhu va swi dlayeke hi ku swi tlimba minkolo, ni ngati va nga dyi;

Vafilipiya 2:22

Kambe ku tshembeka ka Timotiya ma ku tiva, ni hilaha a nga tirhisana na mina hakona entirhweni wa Evhangeli, a fana ni n'wana la tirhaka swin'we ni tata wa yena.