Timhaka 16:25 - BIBELE Mahungu Lamanene

²⁵ Exikarhi ka vusiku, Pawulo na Silasi a va khongela, va dzunisa Xikwembu hi ku yimbelela tinsimu, kutani vabohiwa lavan'wana va va yingisa.

Testamente Leyimpsha Xichangana

²⁵ Xikarhi ka vusiku, Pawulo na Silasi avakhongela, vadzunisa Xikwembu hi kuyimbelela tinsimu, kutani vabohiwa lavan'wana va vayingisa.

Xitsonga (Bibele)

²⁵ Evusikwini lebyikulu, Pawulo na Silasi, a va khongela, va yimbelelela Xikwembu tinsimu; kutani lava nga khotsiwa va va yingisa.

Timhaka 16:25 Referans Kwoze

Yakobo 1:2

Yi tekeni yi ri mhaka ya ku tsakisa swinene, vamakwerhu, loko mi hlangana ni miringo ya tinxaka-xaka,

Pisalema 119:62

Ni le xikarhi ka vusiku, ndza pfuka ndzi ku tlangela, hikwalaho ka leswo lulama leswi u swi boheke.

Varhoma 5:3

Ku nga ri sweswo ntsena, kambe hi tidzunisa ni le maxangwini ya hina, hi ku tiva leswaku maxangu ma tswala ku tiyisela,

Pisalema 77:6

Nivusiku ndzi vulavula hi mbilu, ndzi tiehleketa ni ku tivutisa, ndzi ku:

Vaheveru 5:7

Emasikwini ya yena ya ku hanya la misaveni, Yesu ú khongerile ni ku kombela hi ku titsongahata, a huwelela hi matimba ni ku rila hi mihloti, eka Xikwembu lexi a xi ri ni matimba ya ku n'wi ponisa eku feni, kutani ú yingisiwile hikwalaho ka xichavo xa yena.

Vaefesa 5:19

Khongotelanani hi tipisalema ni tinsimu, mi yimbelela swa Moya; twarisani Hosi hi tinsimu ni tipisalema, mi yi dzunisa hi timbilu ta n'wina hinkwato.

Vakolosa 1:24

Sweswi ke, ndzi tsaka hileswi ndzi xanisiwaka hikwalaho ka n'wina; kutani, hi ku xaniseka ka mina emirini, ndzi hetisa leswi kayiveleke emaxangwini ya Kriste, hikwalaho ka miri wa yena, yi nga Kereke.

Varhoma 12:12

Tsakani eku languteleni, mi tiyisela emaxangwini, mi chivirika eku khongeleni.

Pisalema 50:15

Hi siku ra khombo, ndzi vitaneni, ndzi ta mi lamulela, kutani mi ta dzunisa vito ra mina.”

Ntirho 35:10

Kambe ku hava na un'we la vitanaka Xikwembu a ku: ‘U kwihi wena Muendli wa hina, wena u hi tiyisaka hi tinsimu ni le vusikwini.

Esaya 30:29

Kambe n'wina, mi ta yimbelela tinsimu ku fana ni leswi mi yimbelerisaka xiswona nivusiku, loko ku ri ni nkhuvo lowo hlawuleka; mi ta va mi tsakile ku fana ni lava fambaka va ri karhi va chaya switiringo, va kongoma entshaveni ya HOSI Xikwembu, xona Ribye leri Vaisraele va tumbelaka eka rona.

Pisalema 71:7

Vanhu lavo tala va ndzi hlamala, hikuva hi wena khokholo ra mina.

Pisalema 34:1

Ndzi ta tlangela HOSI Xikwembu minkarhi hinkwayo, ndzi nga ka ndzi nga tshiki ku xi dzunisa.

1 Petro 4:14

Loko mi soriwa hikwalaho ka vito ra Kriste, mi katekile, hikuva Moya lowu kwetsimaka, lowu nga wa Xikwembu, wu le ka n'wina.

Vafilipiya 2:17

Hambiloko ndzi fanela ku tlhandlekela vutomi bya mina ehenhla ka mhamba ya n'wina ya ku pfumela, leyi mi gandzelaka Xikwembu ha yona, ndzi tsakile ni ku tlangela swin'we na n'wina hinkwenu.

2 Vakorinto 6:10

ha vavisiwa, hambiswiritano hi tsakile masiku hinkwawo; wonge hi swisiwana, kasi hi fumisa lavo tala; wonge a hi na nchumu, kasi hi ni swilo hinkwaswo.

Timhaka 5:41

Loko va ri vona, va huma ehubyeni va tsakile, hikuva a va kumiwile va ri lava fanelaka ku soriwa hikwalaho ka vito ra Yesu.

Zakariya 3:8

HOSI Xikwembu xi ri: “We Yoxuwa muprista lonkulu, yingisa! Yingisani na n'wina vaprista-kulobye lava mi tshameke na yena: Hakunene, mi vanhu lava hlolaka leswinene; vonani, ndzi ta mi rhumela nandza wa mina loyi va nge i Hluke.

Pisalema 119:55

We HOSI, ndza ku anakanya hambi byi ri vusiku, ndzi hlayisa nawu wa wena.

Pisalema 42:8

Hambiswiritano, HOSI Xikwembu xi ta ndzi komba tintswalo loko ri xile, nivusiku ndzi ta yimbelela risimu ra xona, ndzi khongela xona n'wini wa vutomi byanga.

Luka 22:44

Kakuloko a ri emaxangwini lamakulu, a khongela hi matimba ngopfu, nyuku wa yena wu ko wu xiririka, wu fana ni mathonsi ya ngati lama tshonelaka emisaveni.]

Pisalema 91:15

Loko a ndzi vitana, ndzi ta n'wi hlamula, ndzi ta va na yena emaxangwini, ndzi n'wi lamulela ndzi n'wi nyika ni ndzhuti.

Pisalema 77:2

Enkarhini wa khombo, ndzi lava N'wini wa hinkwaswo, ndzi tshambuluta mavoko ndzi n'wi khongela ndzi nga karhali, kambe moya wa mina a wu chaveleleki.

Yakobo 5:13

Xana ku ni un'wana wa n'wina loyi a xanisekaka? A a khongele. Xana ku ni loyi a tsakeke? A a yimbelele tinsimu ta ku dzunisa.

Pisalema 22:2

Xikwembu xanga, ndzi huwelela ka wena ninhlekanhi, kambe a wu hlamuri; ndzi huwelela nivusiku, kambe a ndzi kumi ku wisa.

Timhaka 15:22

Hikokwalaho vaapostola ni vakulukumba, swin'we ni kereke hinkwayo, va twanana ku hlawula vavanuna van'wana exikarhi ka vona, va va rhumela eAntiyoka va ri na Pawulo na Barnaba; ku rhumiwa Yuda loyi a va ku i Barsaba, na Silasi, vavanuna lavo chaviseka exikarhi ka vamakwavo eHosini.

Timhaka 16:19

Loko vini va wanhwana va vona leswaku va lahlekeriwe hi bindzu leri a va ri languterile, va khoma Pawulo na Silasi, va va kokela ehubyeni, emahlweni ka tindhuna;

Timhaka 16:33

Kutani, enkarhini wolowo wa vusiku, mulanguteri a va teka a hlantswa mimpfembeti ya vona; kutani kan'we-kan'we a khuvuriwa, yena ni vanhu va yena hinkwavo.