Timhaka 16:12 - BIBELE Mahungu Lamanene

¹² loko hi suka kona, hi kongoma Filipiya, wu nga muti wa xitikwana xo sungula xa Makedoniya, ni ndhawu ya Varhoma. Kutani hi tshama masiku ma nga ri mangani emutini wolowo.

Testamente Leyimpsha Xichangana

¹² loko hisuka kona, hikongoma Filipi, anga doropa ra xitikwana xosungula xa Makedoniya, leri arili mavokweni ya vanhu vohuma kule. Kutani hi tshama masiku mangali mangani doropeni rolero.

Xitsonga (Bibele)

¹² loko hi suka kona, hi kongoma eFilipiya, wu nga muti lowukulu etikweni ra Makedoniya, ni koloni. Kutani hi xwa masiku man'wana emutini lowo.

Timhaka 16:12 Referans Kwoze

1 Vatesalonika 2:2

Hambiloko hi rhange hi xanisiwa ni ku rhuketeriwa le Filipiya, hilaha mi swi tivaka hakona, Xikwembu xa hina xi hi nyikile matimba yo mi tivisa Evhangeli leyi humaka eka xona, hambileswi lavo tala a va ri karhi va lwa na yona.

Vafilipiya 1:1

Mina Pawulo nandza wa Kriste Yesu, na Timotiya nandza-kulorhi, hi tsalela vahlawuriwa va Xikwembu hinkwavo lava tshamaka eFilipiya, lava nga va ka Kriste Yesu, swin'we ni vafambisi va kereke ni vapfuni, hi ri:

Timhaka 20:6

Loko hi ri hina, hi suka eFilipiya hi ngalava, endzhaku ka masiku ya nkhuvo wa Xinkwa xo-ke-comela; hi famba ntlhanu wa masiku, hi ya va kuma eTrowasi; kutani hi tshama kona masiku ya 7.

Timhaka 16:21

va dyondzisa mikhuva leyi hi nga faneriki ku yi amukela ni ku yi endla, hina hi nga Varhoma.”

Timhaka 16:9

Xivono xi humelela eka Pawulo nivusiku: Wanuna wa Makedoniya a yima emahlweni ka yena, a n'wi khongela, a ku: “Pelela eMakedoniya, u ta hi pfuna!”

Timhaka 16:10

Loko Pawulo a vonile xivono lexi, hi hatla hi tilunghisela ku ya eMakedoniya, hi ku twisisa leswaku i Xikwembu lexi xi hi vitaneke ku ya twarisa Evhangeli eka vanhu va kona.

Timhaka 18:5

Loko Silasi na Timotiya va tile va huma le Makedoniya, Pawulo a tinyiketa ku dyondzisa Rito ntsena, a nga ha tirhi swin'wana; a tiyisa eka Vayuda leswaku Mesiya, hi yena Yesu.

Timhaka 19:21

Endzhaku ka loko timhaka leti ti humelerile, Pawulo a boha makungu ya ku ya eYerusalema, a ta rhanga hi ku hundza eMakedoniya ni le Akaya; kutani a ku: “Loko ndzi ta va ndzi yile kona, ndzi fanele ku ya vona ni le Rhoma.”

Timhaka 19:29

Kutani muti hinkwawo wu endla dzolonga. Va khoma Gayo na Aristarko, Vamakedoniya vambirhi lava a va famba-famba na Pawulo, kutani hinkwavo va tsutsumela na vona endhawini ya mintlangu.

Timhaka 20:1

Kuteloko dzolonga ri miyerile, Pawulo a vitana vadyondzisiwa, a va khongotela, kutani a lelana na vona, a suka, a ya eMakedoniya.

Timhaka 20:3

a tshama kona tin'hweti tinharhu; loko a ri kusuhi ni ku suka hi ngalava ku ya eSiriya, Vayuda va n'wi tshama xikungu; hikokwalaho a boha makungu ya ku vuya hi le Makedoniya.

Timhaka 27:2

Kuteloko hi nghenile engalaveni yo huma eAdramita, leyi a yi fanela ku kongoma matlhelo ya tiko ra Asiya, hi suka hi ri na Aristarka wa le Tesalonika, etikweni ra Makedoniya.

Varhoma 15:26

hikuva va le Makedoniya ni va le Akaya va tibohile hi ku tsaka ku hlenga swo pfuna swisiwana leswi nga kona exikarhi ka vahlawuriwa va le Yerusalema.

Vafilipiya 1:5

hikwalaho ka ndlela leyi mi ndzi pfuneke ha yona entirhweni wa Evhangeli, ku sukela siku ro sungula ku fikela namuntlha.