Timhaka 15:3 - BIBELE Mahungu Lamanene

³ Kereke yi va longela yi ku: “Tindlela a ti base!” Kutani va tsemakanya matiko ya Fenikiya ni ya Samariya, va ri karhi va hlamusela hilaha vamatiko va hundzukeke hakona; kutani vamakwavo eHosini hinkwavo va tsakisiwa ngopfu hi mhaka leyi.

Testamente Leyimpsha Xichangana

³ Kereke yivalongelela yiku: “Tindlela atibase!” Kutani vatsemakanya matiko ya Fenisiya ni ya Samariya, na vali karhi vahlamusela hilaha vamatiko vahundzukeke hakona; kutani vamakwavu Hosini hinkwavu vatsakisiwa ngopfu hi mhaka leyi.

Xitsonga (Bibele)

³ Kuteloko va rhumisiwile sweswo hi kereke, va tsemakanya Fenikiya na Samariya, va ri karhi va vula ku hundzuka ka vamatiko; kutani vamakwavo hinkwavo va tsakela mhaka leyi ngopfungopfu.

Timhaka 15:3 Referans Kwoze

Timhaka 14:27

Eku fikeni ka vona, va hlengeleta kereke, va va rungulela hinkwaswo leswi Xikwembu xi swi endleke ha vona, ni hilaha xi nga pfulela vamatiko enyangwa yo nghena eku pfumeleni.

Timhaka 21:5

Loko hi hetile masiku wolawo, hi suka hi famba; vadyondzisiwa hinkwavo va hi heleketa ku ya fika ehandle ka muti, va ri ni vavasati ni vana; kutani hi nkhinsama eribuweni ra lwandle, hi khongela.

Tito 3:13

Endla hi matimba ku longela Zena n'wamilawu, na Apolosi, leswaku va khoma riendzo ra vona, va nga pfumali nchumu.

1 Vakorinto 16:11

Loko swi ri tano, ku nga vi na munhu loyi a n'wi solaka; n'wi pfuneni ku hundzela emahlweni hi ku rhula, a ta vuya la ka mina; mina ni vamakwerhu hi n'wi languterile.

1 Vakorinto 16:6

Kutani kumbexana ndzi ta tshama na n'wina, hambi ku ri ku heta vuxika hinkwabyo na n'wina, leswaku mi nga ndzi pfuna ku hundzela kun'wana lomu ndzi nga navelaka ku ya kona.

Varhoma 15:24

ndzi ta ta eka n'wina loko ndzi ya le Spaniya, hikuva ndzi tshemba leswaku ndzi ta hundza ndzi mi vona; naswona, hi n'wina mi nga ta ndzi pfuna ku hundzela emahlweni, loko ndzi ta va ndzi tiphinilenyana hi ku tshama na n'wina.

Timhaka 15:12

Nhlengeletano hinkwayo a yi miyerile, yi yingisa Barnaba na Pawulo loko va rungula hilaha Xikwembu xi va tirhiseke hakona ku endla mahlori ni swihlamariso leswo tala exikarhi ka vamatiko.

2 Vakorinto 1:16

a ndzi naverile ku mi endzela loko ndzi ya eMakedoniya, ni ku tlhela ndzi mi endzela loko ndzi vuya hi kona, leswaku mi ta ndzi pfuna eriendzweni ra mina ro ya eYudiya.

Timhaka 28:15

Loko vamakwerhu va le Rhoma va twa leswaku ha fika, va ta ku ta hi hlanganisa entsendzeleni wa Apiyo, laha ku vuriwaka “Tihodela-Tinharhu”; kuteloko Pawulo a va vona, a nkhensa Xikwembu, a tiyisa mbilu.

Timhaka 13:52

Loko va ri vadyondzisiwa, va tala hi ku tsaka ni Moya lowo Kwetsima.

Timhaka 13:48

Loko vamatiko va twa sweswo, va tsaka, va dzunisa Rito ra Hosi; kutani hinkwavo lava hlawuleriweke vutomi lebyi nga heriki, va pfumela.

Timhaka 8:14

Loko vaapostola lava a va ri eYerusalema va twa leswaku Vasamariya va amukerile rito ra Xikwembu, va va rhumela Petro na Yohane;

Luka 15:32

kambe a hi fanele ku tsaka, hi ba minkulungwana, hikuva makwenu loyi a a file, kutani sweswi ú hanyile; a a lahlekile, kutani sweswi ú kumiwile.’ ”

Timhaka 1:15

Hi masiku walawo, Petro a yima enhlengeletanweni ya vamakwavo eHosini (lava nhlayo ya vona a yi lava ku va 120), kutani a ku:

Timhaka 15:1

Van'wana lava humeke eYudiya, a va dyondzisa vamakwavo eHosini, va ku: “Loko mi nga yimbisiwanga hi ku ya hi Nawu wa Muxe, mi nga ka mi nga ponisiwi.”

Timhaka 15:4

Kuteloko va fikile eYerusalema, va amukeriwa hi kereke ni vaapostola ni vakulukumba; kutani va va rungulela hinkwaswo leswi Xikwembu xi swi endleke ha vona.

Timhaka 15:22

Hikokwalaho vaapostola ni vakulukumba, swin'we ni kereke hinkwayo, va twanana ku hlawula vavanuna van'wana exikarhi ka vona, va va rhumela eAntiyoka va ri na Pawulo na Barnaba; ku rhumiwa Yuda loyi a va ku i Barsaba, na Silasi, vavanuna lavo chaviseka exikarhi ka vamakwavo eHosini.

Timhaka 15:32

Leswi Yuda na Silasi a va ri vaprofeta, va khongoterile vamakwavo hi marito layo tala, va va tiyisa.

Timhaka 17:15

Kutani lava heleketaka Pawulo, va n'wi fikisa eAtena; kutani va tlhela loko va lerisiwile ku byela Silasi na Timotiya leswaku va nga hlweli ku landza Pawulo.

Timhaka 20:38

a va vavisiwa ngopfu-ngopfu hi rito ra yena ra leswaku a va nga ha tlheli va n'wi vona nakambe. Kutani va n'wi heleketa ku ya engalaveni.