Timhaka 15:18 - BIBELE Mahungu Lamanene

¹⁸ Hosi yi vula sweswo, yona yi tirhaka swilo leswi, swi nga swilo leswi tivisiweke khale.’

Testamente Leyimpsha Xichangana

¹⁸ Hosi yivula svosvo, yona yitirhaka svilo lesvi, svinga svilo lesvitivisiweke khale.

Xitsonga (Bibele)

¹⁸ ku vula Hosi leyi endlaka swilo leswi hinkwaswo leswi nga tiviwa hi yona, ni le ku sunguleni.’

Timhaka 15:18 Referans Kwoze

Vaefesa 3:9

ni ku endla leswaku vanhu hinkwavo va tiva hilaha xihundla xa makungu ya Xikwembu xi endlekaka hakona. Xikwembu, lexi nga mutumbuluxi wa hinkwaswo, xi fihlile xihundla lexi eminkarhini hinkwayo leyi hundzeke,

Vaefesa 1:4

Niloko misava yi nga si tumbuluxiwa, Xikwembu a xi hi hlawurile eka Kriste, leswaku hi ta va lava hlawulekeke ni ku pfumala nandzu emahlweni ka xona.

1 Petro 1:20

Hambileswi a hlawuriweke khale, misava yi nga si tumbuluka, ú kombiwile hikwalaho ka n'wina, eminkarhini leyi ya makumu.

Vaefesa 1:11

Hakunene Xikwembu xi endla hinkwaswo hilaha xi rhandzaka hakona ni hilaha xi pimaka hakona, kutani xi hlawurile hina Vayuda ku va vadyandzhaka va xona eka Kriste, hi ku tilulamisela ka xona ka khale,

Timhaka 17:26

Hi munhu un'we xi endlile vanhu van'wana hinkwavo leswaku va eneta misava hinkwayo; xi va vekele tinguva leti xi ti hlawuleke khale, xi veka ni mindzilekana ya lomu va fanelaka ku tshama kona.

Tinhlayo 23:19

Xikwembu a hi munhu, xana xi nga hemba ke? A hi n'wana wa munhu, xana xi nga tlhela emakungwini ya xona ke? Xana xi nga vula xanchumu, kutani xi nga xi endli xana? Kumbe xana xi nga tshembisa xanchumu, kutani xi nga hetisi xitshembiso xa xona xana?

2 Vatesalonika 2:13

Swa hi fanela ku nkhensa Xikwembu masiku hinkwawo hikwalaho ka n'wina vamakwerhu, n'wina lava Hosi yi mi rhandzaka, hikuva Xikwembu xi mi hlawurile leswaku mi va lavo rhanga ku ponisiwa, hi Moya lowu wu mi endlaka lava tengeke, ni ku pfumela ka n'wina eka ntiyiso.

Matewu 13:35

leswaku ku ta endleka rito ra muprofeta la nga te: “Ndzi ta vulavula hi swifaniso, ndzi twarisa timhaka leti a ti fihliwile, hi mpfhuka misava yi tumbuluka.”

Nhlavutelo 17:8

Xivandzana lexi u xi voneke, a xi ri kona, kutani a xa ha ri kona, kambe xi ta fanela ku tlhandluka xi huma hi le kheleni lero enta ku ya ni ku ya, xi ya eku loveni. Kutani vaaki va laha misaveni, lava mavito ya vona ma nga tsariwangiki ebukwini ya vutomi khale, misava yi nga si tumbuluka, va ta hlamala ku vona xivandzana, hikuva a xi ri kona, kutani a xa ha ri kona, kambe xi ta fanela ku tlhela xi va kona.

Nhlavutelo 13:8

Kutani vaaki hinkwavo va laha misaveni va ta xi gandzela; hileswaku un'wana ni un'wana loyi vito ra yena ri nga tsariwangiki khale, hi mpfhuka misava yi tumbuluka, ebukwini ya vutomi ya Xinyimpfana lexi dlayiweke, ú ta gandzela xivandzana.

Matewu 25:34

“Hi laha Hosi yi nga ta byela lava nge vokweni ra yona ra xinene yi ku: ‘Tanani n'wina lava katekisiweke hi Tata wa mina, amukelani Mfumo lowu nga lunghiseriwa n'wina hi mpfhuka misava yi tumbuluka;

Esaya 44:7

Xana ú kona loyi a fanaka na mina xana? A a suke a yima, a tikomba. A a vulavule, a andlala vumbhoni emahlweni ka mina. Xana i vamani lava nga tshama va vhumbha leswi nga ta humelela, xana? A va hi byele leswi swa ha taka.

Esaya 45:21

Boxani mhaka mi yi andlala, kambe rhangani mi twanana swinene! I mani la tiviseke khale leswi nga ta humelela, i mani la swi vuleke swa ha ri kule, xana? Xana a hi mina HOSI ke? Ehandle ka mina, a ku na xikwembu xin'wana, hi mina ntsena ndzi nga Xikwembu xo lulama, lexi ponisaka.

Amosi 9:12

Kutani va ta teka leswi saleke swa tiko ra Edomu, va teka ni matiko hinkwawo lawa khale a ma ri ehansi ka mina. Ndzi vula sweswo mina HOSI, ndzi ta swi endla.”

Zakariya 14:7

Masiku ya kona ma ta hambana na man'wana, ma ta tiva hi HOSI Xikwembu ntsena: A ma nga kombi vusiku kumbe nhlekanhi, hambi ri perile, ku ta va ku ri ni ku vonakala.