Timhaka 13:47 - BIBELE Mahungu Lamanene

⁴⁷ Hikuva Hosi yi hi lerisile leswi, yi te: “ ‘Ndzi ku vekile ku va ku vonakala eka vamatiko, ni ku va ndlela ya ku ponisiwa ematlhelweni hinkwawo ya misava.’ ”

Testamente Leyimpsha Xichangana

⁴⁷ Hikuva Hosi yihi leletile lesvi: “‘Nikuvekile kuva kuvonakala ka vamatiko, ni kuva ndlela ya kuponisiwa matlhelweni hinkwawu ya misava.’”

Xitsonga (Bibele)

⁴⁷ Hikuva Hosi yi hi lerisile sweswo hi rito leri nge: ‘Ndzi ku vekile ku vonakala ka matiko leswaku u va ku ponisa ka vona, ku yisa emakun'wini ya misava.’ ”

Timhaka 13:47 Referans Kwoze

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Esaya 42:6

“Hi mina HOSI Xikwembu! Ndzi ku vitanerile ku ta tirha leswo lulama, ndzi ku khomile hi voko ndzi ku hlayisa; ndzi ta tirhisa wena ku endla ntwanano ni vanhu hinkwavo, hi wena u nga ta tisa ku vonakala ematikweni.

Luka 2:32

ku nga ku vonakala loku nga ta voninga matiko, ni loku Israele tiko ra wena ri nga ta tidzunisa ha kona.”

Esaya 45:22

“Hundzulukelani eka mina leswaku mi ta ponisiwa, n'wina mi akeke emisaveni hinkwayo, hikuva Xikwembu hi mina ntsena, a ku na xin'wana.

Hosiya 1:10

Hambiswiritano, vanhu va tiko ra Israele va ta tala ku fana ni sava ra lwandle leri nga pimekiki, ni ku hlayeka ri nga hlayekiki. Endhawini leyi va nga tshama va byeriwa leswaku “A mi vanhu va mina”, va ta vuriwa “Vana va Xikwembu lexi hanyaka.”

Amosi 9:12

Kutani va ta teka leswi saleke swa tiko ra Edomu, va teka ni matiko hinkwawo lawa khale a ma ri ehansi ka mina. Ndzi vula sweswo mina HOSI, ndzi ta swi endla.”

Esaya 60:3

Kutani vanhu va matiko man'wana va ta ta eku vonakaleni ka wena, tihosi ta vona ti ta ta loko ti ku vona u lo nghéé, kukotisa dyambu.

Esaya 42:1

HOSI Xikwembu xi ri: “Vonani nandza wa mina loyi ndzi n'wi seketelaka, muhlawuriwa wa mina loyi ndzi n'wi tsakelaka ngopfu; ndzi cherile Moya wa mina ehenhla ka yena, kutani ú ta tisa ku lulama ematikweni.

Timhaka 26:23

Hileswaku Mesiya ú ta twisiwa ku vaviseka, ni leswaku, hi ku va munhu wo rhanga loyi a nga ta pfuka eku feni, ú ta tivisa ku vonakala eka tiko leri ni ka vamatiko.”

Timhaka 22:21

Kavaloko Hosi yi ku ka mina: ‘Famba, hikuva ndzi ta ku rhuma kule, eka vamatiko.’ ”

Timhaka 9:15

Hosi yi ku ka yena: “Yana, hikuva munhu loyi i xitirho lexi ndzi nga tihlawulela xona ku ya twarisa vito ra mina eka vamatiko, ni ka tihosi, ni ka Vaisraele;

Timhaka 1:8

kambe mi ta nyikiwa matimba, siku Moya lowo Kwetsima wu taka ehenhla ka n'wina; kutani mi ta va timbhoni ta mina kwala Yerusalema, ni le tikweni hinkwaro ra Yudiya, ni ra Samariya, ni ku ya fika emakun'wini ya misava.”

Marka 16:15

Kutani a ku ka vona: “Yanani emisaveni hinkwayo, mi ya twarisa Evhangeli eka swivumbiwa hinkwaswo.

Matewu 28:19

hikokwalaho, yanani eka vamatiko hinkwavo, mi va endla vadyondzisiwa va mina, mi va khuvula hi vito ra Tatana, ni ra N'wana, ni ra Moya lowo Kwetsima,

Zakariya 2:11

Hi siku rolero, vanhu va matiko layo tala va ta ndzi namarhela mina HOSI, kutani va ta endla tiko ra mina va aka exikarhi ka n'wina!” Enkarhini wolowo mi ta swi tiva leswaku HOSI ya matimba hinkwawo, hi yona yi ndzi rhumeke eka n'wina.

Esaya 52:10

HOSI Xikwembu xi ta kombisa matimba ya xona layo hlawuleka, vanhu va matiko hinkwawo va ta ma vona; misava hinkwayo yi ta swi vona loko Xikwembu xa hina xi ponisa vanhu va xona.

Luka 24:47

Kutani, hi vito ra yena, timhaka ta ku hundzuka ni ta ku rivaleriwa swidyoho ti ta twarisiwa ematikweni hinkwawo, ku sungula hi le Yerusalema.’

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Mikiya 5:7

Hinkwavo lava nga masalela ya va ka Yakobo, vona lava rhendzeriweke hi vanhu va matiko layo tala, va ta fana ni mberha leyi humaka eka HOSI Xikwembu, kumbe swimpfulana leswi hlukisaka byanyi, swi nga lerisiwanga hi munhu, leswi swi ngo tinela swi nga komberiwanga hi munhu.

Yeremiya 16:19

We HOSI, u ntamu wa mina ni khokholo ranga, enkarhini wa maxangu ndzi tumbela eka wena. Vanhu va tinxaka hinkwato va ta ta eka wena, va huma ematlhelo hinkwawo ya misava, va ta fika va ku: “Ndzhaka ya vatata wa hina i mavunwa ntsena, swikwembu swa vona a swi pfuni nchumu.