Timhaka 13:32 - BIBELE Mahungu Lamanene

³² “Na hina ke, ha mi tivisa mahungu lamanene ya xitshembiso lexi vatata wa hina va tshembisiweke xona,

Testamente Leyimpsha Xichangana

³² “Na hina ke, ha mitivisa mahungu lamanene ya xitshembiso lexi vatatana va hina vatshembisiweke xona,”

Xitsonga (Bibele)

³² “Na hina, ha mi tivisa Evhangeli ya xitshembiso lexi vatata va hina va tshembisiweke xona; hikuva Xikwembu xi xi hetisele eka hina,

Timhaka 13:32 Referans Kwoze

Varhoma 4:13

A ku nga ri hi mhaka ya ku yingisa Nawu, loko Abrahama ni vatukulu va yena va tshembisiwile leswaku misava yi ta va ndzhaka ya vona, kambe a ku ri hikwalaho ka ku lulama loku nyikiwaka hi mhaka ya ku pfumela.

Timhaka 26:6

Kutani sweswi ndzi le ku avanyisiweni hikuva ndzi langutela xitshembiso lexi vatatana va nyikiweke xona hi Xikwembu;

Ezekiele 34:23

Ndzi ta va veka ehansi ka murisi un'we, a nga yena Davhida nandza wa mina, kutani hi yena loyi a nga ta va murisi wa vona, a va hlayisa.

Varhoma 9:4

Ndzi vula Vaisraele, vona lava va nga endliwa vana va Xikwembu, va nyikiweke ku kwetsima ka xona, ni mintwanano, ni Nawu, ni vukhongeri bya xiviri, ni switshembiso.

Timhaka 13:38

“Swi tiveni ke n'wina varikwerhu leswaku, hikwalaho ka munhu loyi, mi tivisiwa ta ku rivaleriwa ka swidyoho; naswona tivani leswaku, eka hinkwaswo leswi a mi hluleka ku pemberisiwa ka swona hi Nawu wa Muxe,

Zakariya 6:12

Kutani n'wi byele leswaku mina HOSI ya matimba hinkwawo ndzi ri: “Ku ni munhu loyi va nge i Hluke, ú ta kula kwala a nga kona, kutani ú ta aka Tempele ya mina.

Mikiya 5:2

HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”

Yeremiya 23:5

“Mina HOSI ndzi ri, yingisani! Nkarhi wa ta, lowu ndzi nga ta mirisela Davhida ehluke lerinene. Hluke ra kona i hosi leyi nga ta fuma hi ku twisisa, yi avanyisa timhaka hi ku lulama ni ku tshembeka.

Varhoma 10:15

Kutani vanhu va ta dyondzisisa ku yini, loko va nga rhumiwanga ke? Hilaha ku tsariweke hakona va ku: “A hi ku tsakisa ku vona lava taka, va tisa Mahungu Lamanene!”

Timhaka 5:42

Kutani masiku hinkwawo, a va nga rhuteli ku dyondzisa ni ku twarisa Evhangeli eTempeleni ne mindyangwini ya vanhu, va ku: “Mesiya, hi yena Yesu.”

Timhaka 3:19

“Loko swi ri tano, hundzukani, mi tlhelela eka Xikwembu, leswaku swidyoho swa n'wina swi rivaleriwa,

Luka 2:10

Ntsumi yi ku ka vona: “Mi nga chavi! Vonani, ndzi mi tivisa mahungu lamanene lama nga ta tsakisa tiko hinkwaro swinene;

Luka 1:19

Ntsumi yi n'wi hlamula, yi ku: “Hi mina Gabriele, la yimaka emahlweni ka Xikwembu; ndzi rhumiwile ku ta vulavula na wena ni ku ku tivisa mahungu lamanene lawa.

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Malakiya 3:1

HOSI ya matimba hinkwawo yi ri: “Vonani, ndzi ta rhuma nandza wa mina leswaku a ndzi khulelela ndlela. Kutani mina N'wini wa hinkwaswo loyi mi ndzi languteleke, ndzi ta hatla ndzi nghena eTempeleni ya mina. Vonani, nandza loyi mi n'wi tsakelaka, wa ta ku ta mi tivisa ta ntwanano wa mina.”

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!

Zakariya 13:1

“Hi siku rero ku ta baleka xihlovo lexi xi nga ta basisa vatukulu va Davhida ni vaaki va Yerusalema, xi susa swidyoho swa vona ni swilo swa vona swa manyala.”

Zakariya 9:9

Tsakani mi tsakisisa, n'wina vaaki va Siyoni, banani minkulungwana, n'wina va le Yerusalema! Vonani, mufumi wa n'wina hi luyaa, ú ta kwala ka n'wina; i munhu wo lulama, loyi a hluleke valala, kambe wa titsongahata, ú ta a gadile mbhongolo, xi nga ximbhongolwana n'wana wa mbhongolo.

Hagayi 2:7

Ndzi ta tsekatsekisa ni tinxaka hinkwato ta vanhu, kutani mfuwo wa tinxaka leti hinkwato wu ta nghena haleno; ndzi ta tata yindlu ya mina hi rifuwo, ku vula mina HOSI ya matimba hinkwawo.

Esaya 61:1

Moya wa HOSI N'wini wa hinkwaswo wu le ka mina, hikuva ú ndzi hlawurile ku ya byela swisiwana emahungu lamanene. U ndzi rhumile ku ya pfuxela lava heleke matimba, ni ku tivisa lava nga vukhumbini leswaku va ta ntshunxiwa, ni ku byela lava nga khotsweni leswaku va ta huma.

Esaya 52:7

A hi ku tsakisa ka swona ku vona munhu loyi a taka hi le tintshaveni, a tisa mahungu lamanene; a tivisa vanhu leswaku ku rhula ni minkateko swi le ndleleni, a va vikela ta ku hlula loku taka, a byela vaaki va Yerusalema, a ku: “Hakunene Xikwembu xa n'wina, hi xona xi fumaka.”

Esaya 41:27

Hi mina ntsena ndzi tiviseke va le Siyoni timhaka leti, ti nga si humelela, ndzi rhumerile mahungu lamanene eYerusalema.

Esaya 40:9

Khandziya entshaveni leyo leha, u tivisa mahungu lamanene, we Siyoni. We Yerusalema, tlakusa rito u huwelela hi matimba, u byela van'wana mahungu lamanene. U nga chavi, huwelela swinene, u byela miti ya tiko ra Yuda, u ku: “Vonani, Xikwembu xa n'wina hi lexi!”

Esaya 11:1

Xihluke xi ta huma exikundzwini xa Yese, erimitswini ra yena, ku ta mila rhavi.

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

Duteronoma 18:15

“HOSI Xikwembu xa n'wina xi ta mi rhumela muprofeta loyi a fanaka na mina, loyi xi nga ta n'wi hlawula exikarhi ka va ka n'wina; n'wi yingiseni,

Genesa 49:10

Ndzalama ya vuhosi yi nga ka yi nga suki emutini wa Yuda, hambi yi ri nhonga ya vuhosi a yi nga suki emilengeni ya yena, ku kondza n'wini wa swona a humelela, loyi matiko ma nga ta n'wi yingisa.

Genesa 26:4

Ndzi ta ku nyika vatukulu lavo tala ku fana ni tinyeleti, kutani matiko lawa hinkwawo ndzi ta ma nyika vatukulu va wena, naswona vanhu hinkwavo laha misaveni va ta katekisiwa hikwalaho ka vatukulu va wena,

Genesa 22:18

Kutani vanhu hinkwavo laha misaveni va ta katekisiwa hikwalaho ka vatukulu va wena, hikuva wena u yingisile rito ra mina.’ ”

Genesa 12:3

Ndzi ta katekisa lava va ku katekisaka, kambe loyi a ku rhuketelaka ndzi ta n'wi rhuketela. Kutani vanhu hinkwavo laha misaveni va ta katekisiwa hikwalaho ka wena.”

Genesa 3:15

Ndzi ta vanga rivengo exikarhi ka wena ni wansati, ni le xikarhi ka vatukulu va wena ni vatukulu va yena. Va ta ku faya nhloko, wena u ta va luma xirhendze.”

Timhaka 10:36

Rito leri xi ri rhumeleke Vaisraele, ma ri tiva, ri nga rito leri twarisaka mahungu lamanene ya ku rhula ha Yesu Kriste, yena Hosi ya vanhu hinkwavo.

Timhaka 13:23

Erixakeni ra yena, Xikwembu xi nyikile Vaisraele eMuponisi a nga Yesu, hilaha a xi swi tshembisile hakona.

Timhaka 14:15

va ku: “Vavanuna, hikwalaho ka yini mi endla sweswo xana? Kasi na hina hi vanhu lava va fanaka na n'wina hi ntumbuluko; mahungu lamanene lawa hi mi tiselaka wona hileswaku mi tshika mintirho leyi ya swa hava, mi hundzukela eka Xikwembu lexi hanyaka, lexi nga endla tilo ni misava, ni lwandle, ni swilo hinkwaswo leswi nga ka swona;

Varhoma 1:2

Evhangeli leyi, hi yona leyi Xikwembu xi yi tshembiseke khale, hi vaprofeta va xona, eMatsalweni layo hlawuleka;