Timhaka 13:22 - BIBELE Mahungu Lamanene

²² Loko Xikwembu xi n'wi susile, xi veka Davhida ku va hosi ya vona; hi yena loyi xi nga n'wi vula leswaku wa nkhenseka, loko xi te: ‘Ndzi kumile leswaku Davhida n'wana Yese, i munhu loyi a nga wa mbilu ya mina, hikuva ú ta endla hinkwaswo leswi ndzi swi rhandzaka.’

Testamente Leyimpsha Xichangana

²² Loko Xikwembu ximususile, xiveka Davhida kuva hosi ya vona; hi yena lweyi xingahlaya lesvaku wakhenseka, loko xite: Nikumile lesvaku Davhida n'wana Yese, i munhu lweyi anga wa mbilu ya mina, hikuva atayendla hinkwasvu lesvi nisvirhandzaka.

Xitsonga (Bibele)

²² Kuteloko Xikwembu xi n'wi susile, xi va humesela Davhida, leswaku a va hosi ya vona, loyi xi n'wi vuleke xi ku: ‘Ndzi kumile Davhida n'wana Yese, munhu la nga wa mbilu ya mina la nga ta endla hinkwaswo leswi ndzi swi rhandzaka!’

Timhaka 13:22 Referans Kwoze

1 TIHOSI 15:5

Swi ve tano, hikuva Davhida a a endlile leswi lulameke emahlweni ka HOSI Xikwembu; evutomini bya yena hinkwabyo a nga langa hambuka eka hinkwaswo leswi xi n'wi leriseke swona, loko ku nga ri emhakeni ya Uriya lowa Muhiti.

1 SAMIELE 16:13

Kavaloko Samiele a teka rimhondzo ra mafurha, a chela Davhida enhlokweni exikarhi ka vamakwavo. Kutani Moya wa HOSI Xikwembu wu nghena Davhida hi matimba, wu va na yena ku sukela siku rero ku ya ni ku ya. Samiele yena a tlhelela eRhama.

1 SAMIELE 16:1

HOSI Xikwembu xi vutisa Samiele xi ku: “Xana u ta va ni xiviti xa ku rilela Sawulo ku fikela rini, leswi ndzi n'wi tshikeke leswaku a nga ha vi hosi ya Israele, xana? Chela mafurha erimhondzweni ra wena ri tala, u ya laha ndzi nga ta ku rhuma kona, eka Yese wa le Betlehema, hikuva ndzi tihlawulele hosi exikarhi ka majaha ya yena.”

1 SAMIELE 15:28

Kutani Samiele a ku ka yena: “Namuntlha, HOSI Xikwembu xi handzurile vuhosi bya Israele emavokweni ya wena, xi byi nyikile un'wana wa varikwenu, la lulameke ku tlula wena.

1 SAMIELE 15:26

Kambe Samiele a ku ka Sawulo: “Hi nga ka hi nga vuyelelani, hikuva u tshikile rito ra HOSI Xikwembu, kutani na xona xi ku tshikile, leswaku u nga ha vi hosi ya Israele.”

Timhaka 7:46

Loko a ri Davhida, a tsakeriwa hi Xikwembu, kutani a kombela mpfumelelo wo lavela Xikwembu xa Yakobo endhawu yo tshama eka yona.

1 TIHOSI 15:3

Evuton'wini bya yena, Abiyama a endla swidyoho hinkwaswo leswi tata wa yena Rhobuwamu a swi endleke. A nga tshembanga HOSI Xikwembu xa yena hi ku hetiseka, tanihileswi Davhida kokwa wa yena a a xi tshembisile swona.

2 SAMIELE 7:8

HOSI Xikwembu xi engeta xi ku ka Natani: “Sweswi u ta byela nandza wa mina Davhida leswaku mina HOSI ya matimba hinkwawo ndzi ri: ‘Ndzi ku hlawurile, ndzi ku susa eku riseni, u tshika ku landzelelana ni tinyimpfu, leswaku u ta va mufambisi wa vanhu va mina va Israele.

2 SAMIELE 2:4

Kutani vavanuna va Yuda va hlengeletana eHebroni, va veka Davhida ku va hosi ya tiko ra Yuda, hi ku n'wi chela mafurha enhlokweni. Kutani va tivisa Davhida, va ku: “Lava nga lahla Sawulo i vanhu va le Yabexe-Giliyadi.”

1 SAMIELE 15:23

hikuva ku tiarisa i xidyoho lexi fanaka ni ku hlahluva, kutani ku ala ku yingisa swi bihile ku fana ni vungoma ni vukhongeri bya hava. Leswi u tshikeke rito ra HOSI Xikwembu, na xona xi ta ku tshika, xi ku tekela vuhosi.”

Timhaka 15:8

Kutani Xikwembu lexi tivaka timbilu ta vanhu, xi kombile leswaku va amukeleka eka xona hi ku va nyika Moya lowo Kwetsima kukotisa hina;

Hosiya 3:5

Kambe nkarhi wu ta fika, lowu vanhu va tiko ra Israele va nga ta hundzuka va lava HOSI Xikwembu xa vona, na Davhida hosi ya vona. Kutani va ta ta eka HOSI Xikwembu hi ku rhurhumela, va amukela tinyiko ta xona letinene.

Yeremiya 33:26

a ndzi ta tshika ni vatukulu va Yakobo na Davhida, ndzi nga veki un'wana wa ka Davhida a fuma yindlu ya Abrahama na Isaka na Yakobo. Kambe mina ndzi ta tlhela ndzi va katekisa, ndzi va twela vusiwana.”

Pisalema 2:6

“Ndzi vekile hosi leyi ndzi yi tsakelaka emutini wa Siyoni, entshaveni ya mina leyo hlawuleka.”

1 TIKRONIKA 10:13

Sawulo ú file hi ndlela leyi hikuva a nga vanga munhu wo tshembeka eka HOSI Xikwembu; a nga hlayisanga swileriso swa xona, ú yile a ya kombela ni ku leteriwa hi munhu la nga ni swikwembu.

2 SAMIELE 7:15

Kambe a ndzi nga tshiki ku n'wi rhandza; a ndzi nga n'wi susi ku fana ni leswi ndzi suseke Sawulo ndzi veka wena evuhosini.

1 SAMIELE 31:6

Sawulo a fisa sweswo, a fa siku rin'we ni vana va yena vanharhu, ni mutameri wa matlhari ya yena, ni masocha ya yena hinkwawo.

1 SAMIELE 15:11

“Ndza tilaya loko ndzi vekile Sawulo a va hosi, hikuva ú tshikile ku ndzi landza, a nga endlanga ku lerisa ka mina.” Samiele a tlhaveka ngopfu, a rila emahlweni ka HOSI Xikwembu vusiku hinkwabyo.

1 SAMIELE 12:25

Kambe loko mi ya emahlweni mi endla leswo biha, mi ta kukuleriwa kule, n'wina ni hosi ya n'wina.”

Ezekiele 34:23

Ndzi ta va veka ehansi ka murisi un'we, a nga yena Davhida nandza wa mina, kutani hi yena loyi a nga ta va murisi wa vona, a va hlayisa.

Yeremiya 33:21

Hi ndlela yoleyo, ntwanano lowu ndzi wu endleke na Davhida nandza wa mina, a wu nga tshoviwi hi munhu. Tiko ri ta hamba ri fumiwa hi vana va yena. Na wona ntwanano lowu ndzi wu endleke ni vaprista va ka Levhi va nga vona malandza ya mina, a wu nga tshoviwi.

1 SAMIELE 28:16

Samiele a ku: “Leswi HOSI Xikwembu xi ku tshikeke, ni leswi xi hundzukeke nala wa wena, xana u ndzi vutisela yini timhaka leti xana?

Timhaka 13:36

“Loko a ri Davhida, ú yisile makungu ya Xikwembu emahlweni, enkarhini wa ku hanya ka yena, kutani a tietlelela, a lahliwa ni vatata wa yena, a va a bola.

1 TIKRONIKA 2:12

Bowazi a veleka Obede, Obede a veleka Yese.