Timhaka 13:2 - BIBELE Mahungu Lamanene

² Loko va ri karhi va titsona swakudya va gandzela Hosi, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Testamente Leyimpsha Xichangana

² Loko vali karhi na vatitsona svakuja vagandzela Hosi, Moya Wokwetsima wuku: “Nihlawuleleni Barnaba na Sawulo, vaya ntirhweni lowu ni vavitaneleke wona.”

Xitsonga (Bibele)

² Kakuloko va ri karhi va tirha ntirho wa Hosi, va titsona swakudya, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Timhaka 13:2 Referans Kwoze

Vagalatiya 1:15

Kambe Xikwembu lexi xi ndzi hlawuleke ndzi nga si velekiwa, xi ndzi vitanile hi tintswalo ta xona;

Timhaka 9:15

Hosi yi ku ka yena: “Yana, hikuva munhu loyi i xitirho lexi ndzi nga tihlawulela xona ku ya twarisa vito ra mina eka vamatiko, ni ka tihosi, ni ka Vaisraele;

2 Timotiya 1:11

Mina ndzi vekiwile ku va mutwarisi wa Rito ni muapostola ni mudyondzisi hikwalaho ka Evhangeli leyi.

1 Vakorinto 12:11

Kambe hinkwaswo leswi i ntirho wa Moya wolowo wun'we, lowu avelaka tinyiko to hambana eka munhu un'wana ni un'wana hilaha wu rhandzaka hakona.

Varhoma 1:1

Ku tsala mina Pawulo, nandza wa Kriste Yesu, muapostola loyi a nga hlawuriwa ni ku vitaniwa leswaku a ta twarisa Evhangeli ya Xikwembu.

1 Timotiya 2:7

Kutani, hi swona leswi nga endla leswaku ndzi vekiwa ku va mutwarisi wa Rito ni muapostola (ndzi vula leswi tiyeke, a ndzi hembi), ndzi dyondzisa vamatiko ta ku pfumela ni ta ntiyiso.

Timhaka 22:21

Kavaloko Hosi yi ku ka mina: ‘Famba, hikuva ndzi ta ku rhuma kule, eka vamatiko.’ ”

Timhaka 14:26

Va suka kona, va tlhelela eAntiyoka hi ngalava, ku nga kona laha vakriste a va va kombelerile minkateko ya Xikwembu, leswaku va ya tirha ntirho wa xona. Kutani va vuya va hetile ntirho wa kona.

Daniele 9:3

“Kutani ndzi hundzuluka ndzi languta eka Xikwembu N'wini wanga, ndzi huwelela eka xona ndzi rila ndzi ri karhi ndzi titsona swakudya, ndzi ambele leswo khwaxa, ndzi tichele ni nkuma enhlokweni.

Vakolosa 4:17

Naswona byelani Arkipo, mi ku: “Vona leswaku tifanelo leti u nyikiweke tona entirhweni wa Hosi u ti hetisisa swinene.”

Luka 2:37

kutani a feriwa hi nuna. A a ri ni malembe ya 84, a nga suki eTempeleni, kambe a tirhela Hosi hi ku titsona swakudya ni ku khongela vusiku ni nhlekanhi.

1 SAMIELE 2:11

Kutani Elkana a tlhelela ekaya emutini wa Rhama. Kambe mufana Samiele a sala a tirhela HOSI Xikwembu, emahlweni ka muprista Heli.

2 Timotiya 2:2

Kutani leswi u swi tweke eka mina emahlweni ka timbhoni leto tala, swi hundzisele eka vanhu lavo tshembeka, lava na vona va nga ta kota ku dyondzisa van'wana.

Vaefesa 3:7

Ndzi nyikiwile ku va nandza wa Evhangeli leyi hi tintswalo ta Xikwembu, leti ndzi ti kumeke hi matimba ya xona lama tirheke eka mina.

Timhaka 13:3

Kutani loko va titsonile swakudya ni loko va khongerile, va va tlhandleka mavoko, kutani va va pfulela tindlela.

Timhaka 10:30

Hiloko Korneliyo a hlamula, a ku: “Sweswi ku hundzile masiku manharhu, a ndzi ri karhi ndzi khongela endlwini ya mina hi nkarhi wa 3 nindzhenga; kutani ndzi vona munhu a yimile emahlweni ka mina, a ambele leswo vangama,

Timhaka 10:19

Loko Petro a ha anakanya xivono lexi, Moya wu ku ka yena: “Vona, ku ni vavanuna vambirhi, lava va ku lavaka.

Timhaka 8:29

Moya wu ku ka Filipi: “Famba, u tshinelela golonyi liyaa.”

Matewu 9:38

Hikokwalaho, khongelani N'wini wa ntshovelo, leswaku a rhuma vatirhi eku tshoveleni ka yena.”

Matewu 6:16

“Loko mi titsona swakudya, mi nga khanyanisi mimombo ku fana ni vakanganyisi lava tionhaka tinghohe, va ku va ta voniwa hi vanhu leswaku va le ku titsoneni ka swakudya. Ndzi tiyisile ndzi ri ka n'wina: Hakelo ya vona va yi kumile.

Duteronoma 10:8

Enkarhini wolowo, HOSI Xikwembu xi hlawurile Valevhi leswaku va va vona va rhwalaka Areka ya Ntwanano wa xona, va xi tirhela ni ku katekisa vanhu hi vito ra xona; swa ha ri tano ni namuntlha.

Vaheveru 5:4

Naswona, munhu a nga tihlawuleli ntirho lowu wo dzuneka, kambe ú vitaniwa hi Xikwembu, kukota leswi swi nga endliwa eka Aroni.

2 Timotiya 4:11

I Luka ntsena la saleke na mina. Tana na Marka haleno, hikuva ú swi kota ngopfu ku ndzi tirhela.

2 Timotiya 4:5

Kambe loko a ri wena, tiya minkarhi hinkwayo, byarha maxangu, tirha ntirho wa muvuri wa Rito, hetisa tifanelo ta ntirho wa wena.

2 Vakorinto 11:27

ndzi tikarhatile ni ku tivavisa hi mintirho; hakanyingi ndzi pfumale vurhongo, ndzi twe ndlala ni torha, hakanyingi ndzi pfumarile swakudya, ndzi khomiwa hi xirhami, ndzi pfumala ni swiambalo.

2 Vakorinto 6:5

eku biweni, ni le makhotsweni, ni le madzolongeni; emintirhweni leyo tika, ni le ku pfumaleni ka vurhongo, ni le ku titsoneni ka swakudya.

1 Vakorinto 7:5

Mi nga tshuki mi alelana, ehandle ka loko kumbexana mi nga alelana nkarhinyana, ku ri hi ku twanana, loko mi lava ku tinyiketa eku khongeleni kutani endzhaku mi tlhela mi vuyelelana. Sathana a nga tshuki a mi ringa hikwalaho ka ku tsandzeka ka n'wina ku tikhoma.

Varhoma 15:16

ku va nandza wa Kriste Yesu exikarhi ka vamatiko. Mina, kukota muprista, ndzi vula Mahungu Lamanene ya Xikwembu leswaku vamatiko va va mhamba leyi amukelekaka eka xona, leyi hlawulekisiweke hi Moya lowo Kwetsima.

Varhoma 10:15

Kutani vanhu va ta dyondzisisa ku yini, loko va nga rhumiwanga ke? Hilaha ku tsariweke hakona va ku: “A hi ku tsakisa ku vona lava taka, va tisa Mahungu Lamanene!”

Timhaka 20:28

Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Timhaka 6:4

Loko hi ri hina, hi ta ya emahlweni ni swikhongelo, hi vula ni Rito.”

1 TIKRONIKA 16:4

Kutani Davhida a hlawula van'wana exikarhi ka Valevhi leswaku va tirhela HOSI Xikwembu xa Israele, hi ku xi khongela ni ku xi tlangela ni ku xi twarisa, va ri emahlweni ka Areka ya xona.

Luka 10:1

Endzhaku ka sweswo Hosi yi veka van'wana va 72 yi va rhuma ha vambirhi-mbirhi, leswaku va yi rhangela emahlweni, emitini hinkwayo ni hinkwako lomu yi anakanyaka ku hundza hi kona.

Timhaka 4:36

Hi mukhuva lowu Yosefa, Mulevhi la tswariweke eKipra, loyi vaapostola a va ku i Barnaba (hileswaku “La tiyisaka van'wana”),

Timhaka 13:4

Vona ke, hi ku rhumiwa hi Moya lowo Kwetsima, va ngirimela eSelukiya, va nghena engalaveni va pelela eKipra.

Matewu 17:21

Demona ra rixaka leri a ri humi loko ku nga ri hi ku khongela ni ku titsona swakudya.]”