Timhaka 13:16 - BIBELE Mahungu Lamanene

¹⁶ Kwalaho Pawulo a suka a yima; kutani loko a va kwehletile hi voko, a ku: “Vavanuna va Israele, na n'wina lava chavaka Xikwembu, yingisani:

Testamente Leyimpsha Xichangana

¹⁶ Kolaho Pawulo asuka ayima; kutani loko avakwehletile hi voko, aku: Vavanuna va Israyele, na n'wina lavachavaka Xikwembu, yingisani:

Xitsonga (Bibele)

¹⁶ Kwalaho Pawulo a yima; kuteloko a va kwehletile hi voko leswaku va miyela, a ku: “Vavanuna va Israele na n'wina lava chavaka Xikwembu, yingisani.

Timhaka 13:16 Referans Kwoze

Timhaka 12:17

Yena a va kwehleta hi voko leswaku va miyela; a va byela hilaha Hosi yi n'wi humeseke ekhotsweni hakona, kutani a ku: “Tivisani Yakobo ni vamakwerhu eHosini timhaka teto.” Kutani a huma, a famba a ya kun'wana.

Timhaka 13:26

“N'wina varikwerhu mi nga rixaka ra Abrahama, na van'wana lava chavaka Xikwembu exikarhi ka n'wina: Mahungu lawa ya ku ponisiwa ma rhumeriwile ka hina.

Timhaka 10:2

a a ri munhu wa vukhongeri, a chava Xikwembu kun'we ni va yindlu ya yena hinkwavo; a a pfuna vanhu va tiko hi swihanano swo tala, a nga rhuteli ku khongela Xikwembu.

Nhlavutelo 2:29

“ ‘Loyi a nga ni tindleve a a yingise leswi Moya wu swi byelaka tikereke.’ ”

Nhlavutelo 2:17

“ ‘Loyi a nga ni tindleve, a a yingise leswi Moya wu swi byelaka tikereke. Loyi a hlulaka, ndzi ta n'wi nusela manna leyi fihliweke; naswona ndzi ta n'wi nyika ribye lero basa, leri vito lerintshwa ri tsariweke ehenhla ka rona, vito leri ku nga riki na loyi a ri tivaka ehandle ka loyi a nyikiwaka rona.’ ”

Nhlavutelo 2:11

“ ‘Loyi a nga ni tindleve a a yingise leswi Moya wu swi byelaka tikereke. Loyi a hlulaka, a nga ka a nga vavisiwi hi rifu ra vumbirhi.’ ”

Nhlavutelo 2:7

“ ‘Loyi a nga ni tindleve a a yingise leswi Moya wu swi byelaka tikereke. Loyi a hlulaka, ndzi ta n'wi pfumelela ku dya mihandzu ya murhi wa vutomi lowu nga eParadeyisini, eku sasekeni ka Xikwembu.’ ”

Timhaka 22:22

Va n'wi yingisela ku ya fika loko a vula sweswo, kutani va tlakusa rito, va ku: “Munhu lowo tano a a susiwe emisaveni, a a dlawe! A nga faneriwanga hi ku hanya!”

Timhaka 21:40

Ndhuna yi n'wi pfumelela, kutani Pawulo a yima eswikhandziyeni, a kwehleta vanhu hi voko. Kuteloko va miyerile va ku hwììì, a vulavula na vona hi ririmi ra Xiheveru, a ku:

Timhaka 19:33

Kambe van'wana exikarhi ka ntshungu va hlamusela mhaka eka Aleksandro, munhu loyi a a susumeteriwile emahlweni hi Vayuda; kutani Aleksandro a kwehleta hi voko, a lava ku tihlamulela emahlweni ka tiko.

Timhaka 13:46

Kambe Pawulo na Barnaba va hlamula va nga chavi nchumu, va ku: “A swi fanela leswaku Rito ra Xikwembu ri byeriwa n'wina eku sunguleni; kambe leswi mi ri cukumetaka, ni leswi mi tiavanyisaka hi n'wexe, mi ku a mi faneriwi hi vutomi lebyi nga heriki, maswivo hina hi hundzukela eka vamatiko.

Timhaka 10:35

kambe, ematikweni hinkwawo, loyi a xi chavaka a vuya a endla leswi lulameke, xa n'wi tsakela.

Timhaka 3:12

Loko Petro a swi vona, a ku ka vona: “Vavanuna va Israele, hikwalaho ka yini mi hlamala mhaka leyi, mi hi tlhava hi mahlo hi mukhuva lowu xana, wonge hi loko ku ri hina hi nga endla leswaku munhu loyi a famba, hi matimba ya hina kumbe hi vukhongeri bya hina?

Timhaka 2:22

“Vavanuna va Israele, yingisani marito lawa: Yesu wa Nazareta, a a ri wanuna loyi Xikwembu xi nga mi komba yena, hi mintirho ya matimba, ni swihlamariso, ni mahlori lawa xi ma endleke ha yena exikarhi ka n'wina, hilaha mi swi tivaka hakona na n'wina;

Timhaka 2:14

Hiloko Petro a yima kun'we ni vaapostola lavan'wana va khume na un'we, a tlakusa rito a ku ka vona: “Vavanuna va Yudiya, na n'wina hinkwenu vaaki va Yerusalema, ndzi lombeni tindleve mi ta tiva leswi:

Luka 1:50

ni tintswalo ta yena i ta minkarhi ni minkarhi eka lava n'wi chavaka.

Matewu 11:15

La nga ni tindleve, a a yingise!

Pisalema 135:20

N'wina va ka Levhi, nkhensani HOSI Xikwembu, xi nkhenseni n'wina mi xi chavaka!

Pisalema 85:9

Hakunene Xikwembu xi le kusuhi ni lava va xi chavaka: Xi ta va ponisa, kutani ku dzuneka ka xona a ku nga ha suki etikweni ra hina.

Pisalema 67:7

Hakunene Xikwembu xi hi katekisile; hinkwako emisaveni, vanhu a va chave xona!

1 TIHOSI 8:40

Hi ndlela leyi, va ta ku chava, masiku hinkwawo ya ku hanya ka vona etikweni leri u ri nyikeke vatata wa hina.

Luka 23:40

Kambe lexin'wana xi n'wi tshinya, xi ku: “Xana a wu chavi Xikwembu, leswi u nga avanyisiwa ku fana na yena ke?

Luka 1:22

Loko a huma, a hluleka ku vulavula na vona, kutani va tiva leswaku ú vonile mahlori eTempeleni; na yena a kombetela ntsena hi mavoko, hikuva a a hundzukile mbheveve.