Timhaka 13:13 - BIBELE Mahungu Lamanene

¹³ Pawulo ni lava a va ri na yena, va suka ePafo hi ngalava, va pelela le Perge, muti wa Pamfiliya. Kambe Yohane a hambana na vona, a tlhelela eYerusalema.

Testamente Leyimpsha Xichangana

¹³ Pawulo ni lava avali na yena, vasuka Pafo hi ngalawa, vapelela le Perxje, doropa ra Pamfiliya. Kambe Yohani ahambana na vona, atlhelela Yerusalema.

Xitsonga (Bibele)

¹³ Pawulo ni lava ingi va ri na yena, kuteloko va sukile ePafo, va kongoma ePerge, muti wa Pamfiliya.

Timhaka 13:13 Referans Kwoze

Timhaka 15:38

Kambe Pawulo a vona leswaku swi ta va swi hoxekile loko va famba na munhu loyi, hikuva a a hambene na vona ePamfiliya, a nga yanga na vona entirhweni.

Timhaka 27:5

Kuteloko hi perile lwandle ra Kilikiya ni ra Pamfiliya, hi fika eMira, etikweni ra Likiya.

Timhaka 12:12

Loko Petro a vonile leswaku timhaka ti yimile hi ndlela leyi, a ya endlwini ya Mariya, mana wa Yohane loyi a va ku i Marka, laha vapfumeri lavo tala a va hlengeletene kona, va ri karhi va khongela.

Timhaka 2:10

le Frigiya ni le Pamfiliya, le Egipta ni le matlhelweni ya Libiya lama nge kusuhi na Kirena; ku ni vaendzi lava humaka eRhoma:

2 Timotiya 4:11

I Luka ntsena la saleke na mina. Tana na Marka haleno, hikuva ú swi kota ngopfu ku ndzi tirhela.

Vakolosa 4:10

Aristarko, la nge khotsweni swin'we na mina, wa mi rungula; swi tano na Marka makwa Barnaba, loyi ndzi mi leriseke leswaku mi n'wi amukela, loko a ta kwaleyo.

Timhaka 27:13

Kuteloko mheho ya le dzongeni yi sungurile ku hunga khwatsi, va anakanya leswaku makungu ya vona ma ta endlakala, kutani va suka, va lulama ni ribuwu ra Kreta.

Timhaka 15:36

Loko ku hundzile masiku ma nga ri mangani, Pawulo a ku ka Barnaba: “A hi tlhele hi ya endzela vamakwerhu emitini hinkwayo leyi hi nga twarisa rito ra Hosi eka yona, hi vona hilaha va hanyaka hakona.”