Timhaka 13:1 - BIBELE Mahungu Lamanene

¹ Ekerekeni ya le Antiyoka, a ku ri ni vaprofeta ni vadyondzisi van'wana, va nga Barnaba, na Simiyoni loyi a va ku i Nigere, na Lukiyo wa Kirena, na Manaheme loyi a nga kula swin'we na hosi Heroda, na Sawulo.

Testamente Leyimpsha Xichangana

¹ Akerekeni ya le Antiyoka, akuli ni vaprofeta ni vajondzisi van'wana, vanga Barnaba, na Simiyoni lweyi avaku i Nigere na Lukiyo wa Kirena, na Manaheme lweyi angakula svin'we na hosi Heroda, na Sawulo.

Xitsonga (Bibele)

¹ Vaprofeta ni vafundhisi van'wana a va ri ekerekeni leyi nga eAntiyoka; a a ri Barnaba, na Simoni la thyiweke Nigere, na Lukiyo wa Kirene na Manaheme la nga kurisiwa swin'we ni tetrarka Heroda, na Sawulo.

Timhaka 13:1 Referans Kwoze

Timhaka 4:36

Hi mukhuva lowu Yosefa, Mulevhi la tswariweke eKipra, loyi vaapostola a va ku i Barnaba (hileswaku “La tiyisaka van'wana”),

Timhaka 15:35

Pawulo na Barnaba, vona, va xwa eAntiyoka nkarhinyana, va ri karhi va dyondzisa, va twarisa mahungu lamanene ya rito ra Hosi, va ri ni van'wana lavo tala.

Vagalatiya 2:9

Hikokwalaho, Yakobo, na Petro, na Yohane, lava langutiwaka va ri vona vafambisi va kereke, va wu vonile nkateko lowu Xikwembu xi ndzi nyikeke wona, kutani va hi khome hi xandla, mina na Barnaba, ku fungha ku tirhisana ka vona na hina: Hina hi ta ya eka vamatiko, vona va ya eka lava yimbeke.

Timhaka 13:9

Kambe Sawulo, a nga yena Pawulo, a tala Moya lowo Kwetsima, kutani a honokela mungoma loyi, a ku:

Vaefesa 4:11

Naswona, hi yena “loyi a nyikeke vanhu tinyiko”, van'wana ku va vaapostola, van'wana vaprofeta, van'wana ku va vavuri va Evhangeli, van'wana ku va vafundhisi ni vadyondzisi.

Timhaka 15:32

Leswi Yuda na Silasi a va ri vaprofeta, va khongoterile vamakwavo hi marito layo tala, va va tiyisa.

Luka 3:1

Hi lembe ra khume na ntlhanu ra ku fuma ka Tiberiyo Khezari, Pontiyo Pilato a a fuma Yudiya; Heroda yena a a ri hosi ya Galeliya; Filipi makwavo a a ri hosi ya Ituriya ni ya tiko ra Trakonita; Lisaniya a a ri hosi ya Abilene;

Vafilipiya 4:22

Vahlawuriwa hinkwavo va mi rungula, ngopfu va muti wa Khezari.

Vagalatiya 2:13

Vayuda van'wana lava a va ri kona, na vona va tluleriwile hi vukanganyisi bya Petro, Barnaba a kondza a kokiwa na yena hi ku kanganyisa koloku.

1 Vakorinto 9:6

Xana hi hina ntsena, mina na Barnabasi, lava hi nga hava fanelo yo tshama hi nga tirheli vuswa bya hina ke?

Varhoma 16:21

Mutirhi-kulorhi Timotiya, wa mi rungula; na vona Vayuda va ka hina va Lukiyo na Yasoni na Sosipatro, va mi rungula.

Timhaka 21:9

A a ri ni vana va vanhwanyana va mune lava a va vula Rito.

Timhaka 19:6

Pawulo a va tlhandleka mavoko, kutani Moya lowo Kwetsima wu ta ehenhla ka vona; va vulavula hi tindzimi tin'wana, va ri karhi va twarisa Rito.

Timhaka 11:30

Kunene va endlisa sweswo, kutani va rhumela tinyiko ta kona eka vakulukumba, ti famba na Barnaba na Sawulo.

1 Vatesalonika 5:20

Mi nga sandzi nyiko yo vula Rito,

Timhaka 12:25

Kutani loko Barnaba na Sawulo va hetile ntirho wa vona, va suka eYerusalema, va vuya va ri na Yohane, loyi a va ku i Marka.

Timhaka 9:1

Leswi Sawulo a a hisekela ku chavisa ni ku dlaya vadyondzisiwa va Hosi, a ya eka Muprista lonkulu,

Matewu 27:32

Loko va ri karhi va huma, va hlangana ni wanuna un'wana wa Kirene, loyi a va ku i Simoni, va n'wi sindzisa ku rhwala xihambano xa Yesu.

1 Vakorinto 11:4

Wanuna un'wana ni un'wana la khongelaka, kumbe la vulaka Rito a tifunengetile nhloko, ú sorisa Kriste loyi a nga nhloko ya yena.

1 Vakorinto 13:2

Ni loko kumbe ndzi ri ni matimba yo vula Rito, ndzi ri ni ku twisisa swihundla hinkwaswo ni vutivi hinkwabyo, ni loko ndzi ri ni ku pfumela hinkwako, ndzi ko ndzi susa tintshava, kambe ndzi nga ri na rirhandzu, a ndzi nchumu.

1 Vakorinto 13:8

Rirhandzu a ri heli, ni siku ni rin'we. Loko ma ri matimba ya hina yo vula Rito, ma ta hundza; na tona tindzimi ti ta nyamalala; hambi byi ri byona vutivi byi ta hundza.

1 Vakorinto 14:29

Loko va ri vadyondzisi va Rito a ku vulavule vambirhi kumbe vanharhu, kutani van'wana a va kambisise marito ya vadyondzisi lava.

1 Vakorinto 14:32

Vadyondzisi va Rito va swi kota ku tikhoma va miyela, hambiloko va kombisiwile swin'wana emoyeni.