Timhaka 12:7 - BIBELE Mahungu Lamanene

⁷ Kutani, hi nomu lo, ntsumi ya Hosi yi humelela; yindlu yi tala ku vonakala; ntsumi yi hlakahla Petro etsheveni, yi n'wi pfuxa, yi ku: “Hatlisa, u pfuka.” Kutani tinketani ti wa emavokweni ya yena.

Testamente Leyimpsha Xichangana

⁷ Kutani, hi nomo-lo, ntsumi ya Hosi yihumelela; yindlo yitala hi kuvonakala; ntsumi yihlakahla Petrosi rheveni, yimupfuxa, yiku: “Hantlisa, upfuka.” Kutani machini mawa mavokweni ya yena.

Xitsonga (Bibele)

⁷ Kambe vonani, ntsumi ya Hosi yi humelela, ku vonakala ku vangama endlwini; kutani yi hlakahla Petro etsheveni, yi n'wi pfuxa, yi ku: “Hatlisa u pfuka.” Kutani timpecana ti wa emavokweni ya yena.

Timhaka 12:7 Referans Kwoze

Timhaka 5:19

Kambe ntsumi ya Hosi yi pfula tinyangwa ta khotso nivusiku, yi va humesela ehandle, yi ku:

Timhaka 16:26

Kambe hi nomu lo, ku tsekatseka lokukulu ka misava ku va kona; kutani masungulo ya khotso ma tsekatsekisiwa; kan'we-kan'we tinyangwa hinkwato ti pfuleka, kutani tinketani ta vabohiwa hinkwavo ti ntshunxeka.

Pisalema 146:7

Xi yima ni lava xanisiwaka, lava sikaka xa va phamela, lava bohiweke xi va humesa ekhotsweni.

Pisalema 107:14

Xi va humesile exinyamini xo chavisa xa le khotsweni, xi tsemile ni tinketani ta vona.

Pisalema 34:7

Vanhu lava chavaka HOSI Xikwembu, va sirheleriwa hi ntsumi ya xona, kutani yi va kutsula ekhombyeni.

Timhaka 10:30

Hiloko Korneliyo a hlamula, a ku: “Sweswi ku hundzile masiku manharhu, a ndzi ri karhi ndzi khongela endlwini ya mina hi nkarhi wa 3 nindzhenga; kutani ndzi vona munhu a yimile emahlweni ka mina, a ambele leswo vangama,

Vaefesa 5:14

hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

Timhaka 2:24

Kambe Xikwembu xi n'wi pfuxile eku feni, xi n'wi ntshunxa eku vavisekeni ka rifu, hikuva a swi nga endleki leswaku a bohiwa ha rona.

Luka 24:4

Va ku va ha hlamala ha swona, vavanuna vambirhi va tshuka va humelela eka vona, va ri ni swiambalo leswi hatimaka.

Luka 2:9

Kutani ntsumi ya Hosi yi humelela eka vona, ku kwetsima ka Hosi ku va rhendzela, kutani va chava hi ku chava lokukulu.

Mikiya 7:9

Hi ta tiyisela hi byarha vukari bya HOSI Xikwembu, hikuva hi xi dyoherile; xi ta rhanga xi boxa nandzu wa hina, xi hi avanyisa, kutani xi hi humesela eku vonakaleni, leswaku hi vona matimba ya xona ya ku ponisa.

Daniele 6:22

Xikwembu xa mina xi rhumile ntsumi ya xona yi ta siva milomo ya tinghala, kutani a ti ndzi endlanga nchumu, hikuva xi ndzi kumile ndzi nga ri na xisandzu emahlweni ka xona; hambi ku ri emahlweni ka wena hosi, a ndzi endlanga nchumu xo biha.”

1 TIHOSI 19:7

Ntsumi ya HOSI Xikwembu yi engeta yi ta eka yena yi n'wi hlakahla yi ku: “Pfuka u dya, hikuva riendzo ra wena ra ha lehile ku tlula matimba ya wena.”

Timhaka 12:23

Hi nomu lo, ntsumi ya Hosi yi ba Heroda, hikuva a a nga dzunisanga Xikwembu; kutani a dyiwa hi swivungu, a fa.

Timhaka 9:3

Loko a ha ri endleleni, a ri kusuhi na Damaska, hi nomu lo ku vonakala loku humaka etilweni ku n'wi rhendzela.

Habakuku 3:4

A vangama hi ku hatima ka rihati, exandleni xa yena ku tlhava miseve ya rona, hikuva hi laha matimba ya yena ma titumbetaka kona.

Ezekiele 43:2

Kutani ndzi vona ku vonakala ka Xikwembu xa Israele, ku ta hi le vuxeni; ku vulavula ka xona a ku fana ni mpfumawulo wa magandlati ya le lwandle, naswona ku vonakala ka xona a ku voninga misava hinkwayo.

Esaya 60:1

We Yerusalema, suka u yima u vangama, hikuva ku vonakala ka wena ku tile, ni ku dzuneka ka HOSI Xikwembu ku le henhla ka wena.

Pisalema 116:16

We HOSI, ndzi nandza wa wena, na yena mana wa mina a a ri nandza wa wena. A ndzi bohiwile, kambe sweswi ndzi ntshunxiwile.

1 TIHOSI 19:5

Kutani a etlela ehansi ka ximudyana a khomiwa hi vurhongo. Hi nomu lo, ku humelela ntsumi, yi n'wi hlakahla, yi ku ka yena: “Pfuka u dya.”

Nhlavutelo 18:1

Endzhaku ka sweswo ndzi vona ntsumi yin'wana yi xika hi le tilweni, yi ri ni matimba lamakulu, ni misava yi voningiwa hi ku vangama ka yona.

Vaheveru 1:14

Xana tintsumi hinkwato a hi mimoya leyi tirhelaka Xikwembu, leyi rhumiweke ku pfuna vanhu lava fanelaka ku kuma ku ponisiwa xana?

Timhaka 12:6

Loko Heroda a ri kusuhi ni ku n'wi humesa emahlweni ka tiko, hi vusiku bya kona, Petro a a etlele exikarhi ka masocha mambirhi; a a bohiwile hi tinketani timbirhi, naswona valanguteri va nyangwa a va rindza khotso.

Habakuku 3:11

Dyambu ni n'weti swi yima laha swi tshamaka kona; swi nyamalarisiwa hi ku hatima ka miseve ya rihati ra wena, ni ku vangama ka matlhari ya wena lama phatimaka.

Esaya 37:30

“Leswi swi nga ta ku komba ku tiya ka marito lawa wena Hezekiya, hi leswi: Nan'waka, ku ta dyiwa leswi timilelaka hi swoxe; haxawu ku ta dyiwa leswi hlukaka kunene; kambe loko lembe ra vunharhu ri ta va ri fikile, haxani mbewu, mi tshovela; byalani masimu ya vhinya, mi dya mihandzu ya kona!

2 SAMIELE 22:29

Hakunene, u rivoni ra mina, we HOSI! HOSI Xikwembu xa mina, wa ndzi voningela exinyamini.

Pisalema 68:6

Vanhu lava nga ni xivundza, Xikwembu xi va nyika vutshamo, xi ntshunxa lava bohiweke, kambe lava tiarisaka va ta tshama emakwandzasini.

Yeremiya 40:1

HOSI Xikwembu xi vulavurile na Yeremiya enkarhini lowu Nebuzaradani, ndhuna ya vasirheleri, a n'wi ntshunxeke eRhama. Nebuzaradani ú kumile Yeremiya a bohiwile hi tinketani, a ri ni hinkwavo va le Yerusalema ni va ka Yuda lava a va yisiwa evukhumbini le Babilona.

Daniele 3:28

Nebukadnetsara a ku: “Xikwembu xa Xadraka, na Mexaka, na Abedi-Nego, a xi dzunisiwe, hikuva xi rhumerile ntsumi ya xona ku ta ponisa malandza ya xona lawa ya xi tshembeke. Malandza lawa a ma yingisanga xileriso xa mina hosi; ma hlawurile ku nyiketa miri wa wona leswaku wu xanisiwa, ku ri na ku khongela swikwembu swin'wana, ma fularhela Xikwembu xa wona.

Matewu 2:13

Kuteloko va tlhelele karikwavo, ntsumi ya Hosi yi humelela eka Yosefa enorhweni, yi ku: “Pfuka, u teka xihlangi ni mana wa xona, u baleka u ya Egipta, u ya tshama kona ndzi ko ndzi ku byela; hikuva Heroda ú ta lava xihlangi leswaku a xi dlaya.”

Timhaka 12:8

Ntsumi yi ku ka yena: “Tikhame, u ambala ni tintanghu ta wena.” A endlisa sweswo. Ntsumi yi tlhela yi ku ka yena: “Ambala ni baji ra wena, u ndzi landza.”