Timhaka 12:11 - BIBELE Mahungu Lamanene

¹¹ Loko Petro a xalamuka, a ku: “Sweswi ndza swi tiva swinene leswaku Hosi yi rhumile ntsumi ya yona, kutani yi ndzi ponisile emavokweni ya Heroda, ni ka hinkwaswo leswi tiko ra Vayuda a ri tiyimisele ku ndzi endla swona.”

Testamente Leyimpsha Xichangana

¹¹ Loko Petrosi axalamuka, aku: “Svosvi nasvitiva hakunene lesvaku Hosi yirhumile ntsumi ya yona, kutani yiniponisile mavokweni ya Heroda, ni ka hinkwasvu lesvi tiko ra Vayuda aritiyimisele kuniyendla svona.”

Xitsonga (Bibele)

¹¹ Petro, loko a xalamuka, a ku: “Sweswi ndza swi tiva swinene leswaku Hosi yi rhumile ntsumi ya yona, kutani yi ndzi ponisile emavokweni ya Heroda, ni le ku languteleni ka tiko hinkwaro ra Vayuda.”

Timhaka 12:11 Referans Kwoze

Daniele 6:22

Xikwembu xa mina xi rhumile ntsumi ya xona yi ta siva milomo ya tinghala, kutani a ti ndzi endlanga nchumu, hikuva xi ndzi kumile ndzi nga ri na xisandzu emahlweni ka xona; hambi ku ri emahlweni ka wena hosi, a ndzi endlanga nchumu xo biha.”

Daniele 3:28

Nebukadnetsara a ku: “Xikwembu xa Xadraka, na Mexaka, na Abedi-Nego, a xi dzunisiwe, hikuva xi rhumerile ntsumi ya xona ku ta ponisa malandza ya xona lawa ya xi tshembeke. Malandza lawa a ma yingisanga xileriso xa mina hosi; ma hlawurile ku nyiketa miri wa wona leswaku wu xanisiwa, ku ri na ku khongela swikwembu swin'wana, ma fularhela Xikwembu xa wona.

2 Petro 2:9

Leswi swi vula leswaku Hosi ya swi tiva ku ponisa vanhu va vukhongeri eku karhatekeni ka vona, ni ku tshika vanhu lavo homboloka va ri eku biweni ku fikela siku ra ku avanyisa,

Pisalema 34:7

Vanhu lava chavaka HOSI Xikwembu, va sirheleriwa hi ntsumi ya xona, kutani yi va kutsula ekhombyeni.

Timhaka 5:19

Kambe ntsumi ya Hosi yi pfula tinyangwa ta khotso nivusiku, yi va humesela ehandle, yi ku:

Luka 15:17

“Hiloko a tiehleketa, a ku: ‘Malandza layo tala ngopfu ma kona eka tatana, lama dyaka ma xurha; kasi mina haleno ndza fa hi ndlala.

Pisalema 33:18

Vonani, HOSI Xikwembu xi hlayisa hinkwavo lava va xi chavaka, lava tshembaka rirhandzu ra xona;

Timhaka 12:7

Kutani, hi nomu lo, ntsumi ya Hosi yi humelela; yindlu yi tala ku vonakala; ntsumi yi hlakahla Petro etsheveni, yi n'wi pfuxa, yi ku: “Hatlisa, u pfuka.” Kutani tinketani ti wa emavokweni ya yena.

Daniele 3:25

Nebukadnetsara a ku: “Kambe sweswi, ndzi vona vavanuna va mune, naswona a va bohiwanga, va tifamba-fambela exikarhi ka ndzilo, kambe a va tshwi; wanuna lowa vumune, ú fana na xin'wana xa swikwembu.”

Pisalema 109:31

hikuva yi yima ni mupfumari ehubyeni, yi n'wi lwela eka lava va n'wi avanyisaka.

Pisalema 97:10

N'wina mi rhandzaka HOSI Xikwembu, vengani leswo homboloka! HOSI Xikwembu xi sirhelela vutomi bya malandza ya xona, xi ma kutsula emavokweni ya lavo biha.

2 SAMIELE 22:1

Siku Davhida a ponisiweke hi HOSI Xikwembu eka valala va yena hinkwavo ni le mavokweni ya Sawulo, ú xi dzunisile hi risimu leri nge:

Pisalema 41:2

xi n'wi hlayisa ni ku n'wi nyika vutomi, xi n'wi katekisa emisaveni, a xi n'wi tshiki a wela emavokweni ya valala va yena.

Pisalema 34:22

HOSI Xikwembu xi ponisa malandza ya xona; eka lava va tumbelaka eka xona, ku hava ni un'we la nga ta biwa.

Ntirho 31:31

Malandza ya mina a ma si tshama ma etlela ma nga dyanga nchumu.

2 TIKRONIKA 16:9

HOSI Xikwembu a xi tshiki ku hoxa tihlo hala ni ala emisaveni, xi hatla xi ya tiyisa vanhu lava va xi tshembaka. Kambe leswi wena u swi endleke, i vuphukuphuku ntsena! Hikokwalaho, ku sukela sweswi, u ta tshamela ku hlaselana ni vaakelani va wena.”

Vaheveru 1:14

Xana tintsumi hinkwato a hi mimoya leyi tirhelaka Xikwembu, leyi rhumiweke ku pfuna vanhu lava fanelaka ku kuma ku ponisiwa xana?

Timhaka 24:27

Kambe loko ku hundzile malembe mambirhi, Porkiyo Festo a vekiwa hosi ematshan'wini ya Felikisi; kasi Felikisi a a siyile Pawulo ekhotsweni, hikuva a a navela ku nkhensiwa hi Vayuda.

Ntirho 5:19

Hambiloko u nga wela hi makhombo layo tala ku tlula mpimo, xi ta ku ponisa eka wona, leswo biha a swi nga ku tshineleli.

Genesa 26:9

Kutani Abimeleke a vitana Isaka a ku: “Loyi wo va nsati wa wena, kutani hikokwalaho ka yini u vule leswaku i makwenu xana?” Isaka a n'wi hlamula a ku: “A ndzi ehleketa leswaku va nga ndzi dlaya hikokwalaho ka yena.”

Genesa 18:13

HOSI Xikwembu xi ku ka Abrahama: “Xana Sara ú hleka yini, a vula leswaku ú hundzeriwile hi nkarhi wa ku kuma n'wana xana?

Genesa 15:13

kutani HOSI Xikwembu xi ku ka yena: “U fanele ku tshama u ri karhi u tiva mhaka leyi: Vatukulu va wena va ta va valuveri etikweni ra van'wana va hundzuka mahlonga kona, va xaniseka malembe yo ringana 400.

Timhaka 25:9

Kambe Festo a a navela ku tsakisa Vayuda; hikokwalaho a hlamula Pawulo, a ku: “Xana u lava ku tlhandlukela eYerusalema, u ya avanyisiwa kona emahlweni ka mina ehenhla ka timhaka teto ke?”

Pisalema 33:19

hi xona xi va ntshunxaka ematimbeni ya rifu, xi va sirhelela ni le nkarhini wa ndlala.