Timhaka 11:18 - BIBELE Mahungu Lamanene

¹⁸ Loko va twa timhaka teto, va miyela va nga ha vileli; kutani va dzunisa Xikwembu, va ku: “Loko swi ri tano, na vona vamatiko Xikwembu xi va nyikile ku hundzuka loku yisaka evutomini.”

Testamente Leyimpsha Xichangana

¹⁸ Loko vatwa timhaka teto, vamiyela vangahavileli; kutani vadzunisa Xikwembu, vaku: “Loko svilitano, na vona vamatiko Xikwembu xivanyikile kuhundzuka loku kuyisaka vuton'wini.”

Xitsonga (Bibele)

¹⁸ Kuteloko va twile timhaka teto, va miyela; kutani va dzunisa Xikwembu, va ku: “Kunene, Xikwembu xi nyikile ni vamatiko ku hundzuka leswaku va vona vutomi!”

Timhaka 11:18 Referans Kwoze

2 Vakorinto 7:10

Loko ku vaviseka ku rhwariwa hi mukhuva lowu tsakeriwaka hi Xikwembu, ku tisa ku hundzuka, kutani ku hundzuka loku ku yisa eku ponisiweni, a ku khomisi tingana; kasi ku vaviseka hi mhaka ya swa misava, ku vanga rifu.

Timhaka 20:21

Ndzi tsundzuxile swinene Vayuda ni Vagriki ku hundzukela eka Xikwembu ni ku pfumela eka Hosi ya hina Yesu.

Ezekiele 36:26

Ndzi ta mi nyika timbilu letintshwa, ndzi mi avela ni moya lowuntshwa; ndzi ta susa timbilu ta n'wina to nonon'hwa kukota maribye, ndzi mi nyika timbilu leto olova leti yingisaka.

Timhaka 5:31

Hi yena loyi Xikwembu xi nga n'wi tlakusa, a tshama evokweni ra xona ra xinene ku va Murhangeri ni Muponisi, leswaku a ta nyika Vaisraele eku hundzuka ni ku rivaleriwa ka swidyoho.

2 Vakorinto 3:18

Hina hinkwerhu lava kombaka ku vangama ka Hosi ku fana ni xivoni, hi mimombo leyi fununguriweke, hi hundzukile lava fanaka na yena, hi ku vangama loku ngangamukaka ku ya emahlweni. Hosi yi endlile sweswo, yona yi nga Moya.

Timhaka 21:20

Loko va twa timhaka teto, va dzunisa Xikwembu; kutani va ku ka Pawulo: “Wa swi vona, makwerhu, leswaku ku ni madzana-dzana ya vanhu lava pfumeleke exikarhi ka Vayuda; hinkwavo i vanhu lava hisekelaka Nawu;

Timhaka 3:26

Loko Xikwembu xi rhumerile nandza wa xona, xi n'wi humesile hi le ka n'wina eku sunguleni leswaku a mi katekisa hi ku hundzuluxa un'wana ni un'wana wa n'wina emikhuveni ya yena leyo biha.”

Esaya 61:3

Xi ndzi rhumile ku ya miyeta lava rilaka eSiyoni, ndzi va nyika harhi ya swiluva ematshan'wini ya nkuma, ni mafurha ya ntsako leswaku va nga ha rili, ndzi va ambexa ku dzuneka ematshan'wini ya moya lowu tsaneke. Kutani va ta vuriwa “Minkuhlu-ya-ku-lulama”, leyi byariweke hi HOSI Xikwembu leswaku xi ta dzunisiwa.

Vagalatiya 1:24

Kutani a ti dzunisa Xikwembu hikwalaho ka mina.

Varhoma 9:30

Kutani sweswi hi ta ku yini ke? Hi ta ku: Vamatiko lava a va nga lavi ku va lavo lulama eka Xikwembu, va kumile ku lulama koloko, hi mhaka ya ku pfumela.

Timhaka 15:3

Kereke yi va longela yi ku: “Tindlela a ti base!” Kutani va tsemakanya matiko ya Fenikiya ni ya Samariya, va ri karhi va hlamusela hilaha vamatiko va hundzukeke hakona; kutani vamakwavo eHosini hinkwavo va tsakisiwa ngopfu hi mhaka leyi.

Timhaka 14:27

Eku fikeni ka vona, va hlengeleta kereke, va va rungulela hinkwaswo leswi Xikwembu xi swi endleke ha vona, ni hilaha xi nga pfulela vamatiko enyangwa yo nghena eku pfumeleni.

Timhaka 11:1

Kambe vaapostola ni vamakwavo eHosini lava akeke eYudiya va twa leswaku vamatiko na vona va amukele Rito ra Xikwembu.

Timhaka 3:19

“Loko swi ri tano, hundzukani, mi tlhelela eka Xikwembu, leswaku swidyoho swa n'wina swi rivaleriwa,

Esaya 60:21

Vanhu va wena va ta va lava lulameke hinkwavo, tiko ri ta va ra vona hilaha ku nga heriki. Va ta va hluke ra ximilana xa mina, wu nga ntirho wa mavoko ya mina lowu ndzi nga ta dzunisiwa ha wona.

Yoxuwa 22:30

Marito lawa ma vuleke hi va ka Rhuveni ni va ka Gadi ni hafu ya nyimba ya va ka Manase ma tsakisile muprista Finiyasi ni varhangeri va ntshungu ni tinhloko ta mindyangu ya Vaisraele, loko va ma twa.

Zakariya 12:10

Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.

Esaya 11:10

Eminkarhini yoleyo, loyi a humaka erimitswini ra Yese, ú ta fana ni mujeko lowu dzimeriweke matiko hinkwawo; vanhu hinkwavo va ta ya vutisa timhaka eka yena; hinkwako laha a nga ta va a tshama kona, ku ta va ku sasekile.

Ezekiele 47:22

Mi ta avelana miganga ya rona hi vuhlolotwana, mi nga rivali ni valuveri lava ku nga khale va akile exikarhi ka n'wina ni ku kuma vana va ri laha ka n'wina; mi ta amukela vanhu lava va ri vaakatiko ku fana na n'wina, va phakeriwa masimu ku fana ni Vaisraele va xiviri, etinyimbeni ta vona.

Matewu 9:8

Loko mintshungu yi vona sweswo, yi khomiwa hi ku chava, kutani yi dzunisa Xikwembu lexi nga nyika matimba layo tano eka vanhu.