Timhaka 10:47 - BIBELE Mahungu Lamanene

⁴⁷ “I mani la nga alaka sweswi leswaku vanhu lava va khuvuriwa hi mati, leswi va amukeleke Moya lowo Kwetsima kukotisa hina ke?”

Testamente Leyimpsha Xichangana

⁴⁷ “I mani lweyi angayalaka svosvi lesvaku vanhu lava vakhuvuliwa hi mati, lesvi vayamukeleke Moya Wokwetsima kufana na hina ke?”

Xitsonga (Bibele)

⁴⁷ Kutani Petro a hlamula, a ku: “Xana sweswi, i mani la nga alaka ni mati, leswaku va nga khuvuriwi, kasi va amukele Moya lowo Kwetsima kukotisa hina?”

Timhaka 10:47 Referans Kwoze

Timhaka 8:36

Va ku va ha famba endleleni, va fika laha a ku ri ni mati, kutani ndhuna yi ku: “Vona, mati hi lawa; ku nga sivela yini leswaku ndzi khuvuriwa xana?” [

Varhoma 10:12

A ku na ku hambana exikarhi ka Vayuda ni vamatiko, hikuva hinkwavo va na Hosi yin'we, leyi minkateko ya yona yi talelaka hinkwavo lava khongelaka yona.

Timhaka 8:12

Kambe loko va pfumerile marito ya Filipi lawa a nga ma vula ehenhla ka Evhangeli ya Mfumo wa Xikwembu, ni ka vito ra Yesu Kriste, va khuvuriwa, vavanuna ni vavasati.

Timhaka 2:4

Hinkwavo va tala hi Moya lowo Kwetsima, kutani va sungula ku vulavula hi tindzimi tin'wana, hilaha Moya wu nga va nyika ku vulavula hakona.

Varhoma 4:11

A a nga si yimba, ú yimbisiwile ndzhaku. Kutani ú nyikiwile ku yimba wu ri mfungho wo tiyisa ku lulama loku a ku kumeke hi ku pfumela, loko a nga si yimba. A swi ri leswaku Abrahama a ta va tatana emoyeni eka hinkwavo lava pfumelaka, kutani va hlayiwa lava lulameke hambiloko va nga yimbanga.

Timhaka 10:44

Loko Petro a ha vulavula hi timhaka teto, Moya lowo Kwetsima wu xikela ehenhla ka hinkwavo lava yingisaka Rito.