Timhaka 10:45 - BIBELE Mahungu Lamanene

⁴⁵ Kutani vapfumeri va Vayuda lava teke na Petro, va hlamala ngopfu, loko va vona leswaku nyiko ya Moya lowo Kwetsima yi averiwa na vona vamatiko.

Testamente Leyimpsha Xichangana

⁴⁵ Kutani vapfumeli va Vayuda lavateke na Petrosi, vahlamala ngopfu, loko vavona lesvaku nyiko ya Moya Wokwetsima yiyaveliwa na vona vamatiko.

Xitsonga (Bibele)

⁴⁵ Kutani vapfumeri hinkwavo lava ngi va ri va ku yimba, lava teke na Petro, va hlamala loko va vona leswaku nyiko ya Moya lowo Kwetsima yi cheleriwa ni ka vamatiko,

Timhaka 10:45 Referans Kwoze

Timhaka 10:23

Hiloko Petro a va amukela, a va rhurhela ndlwini. Loko ri xa, Petro a suka a famba na vona; van'wana va vamakwavo eHosini va le Yopa va famba na yena.

Timhaka 2:38

Petro a ku ka vona: “Hundzukani, kutani un'wana ni un'wana wa n'wina a khuvuriwa hi vito ra Yesu Kriste, leswaku mi rivaleriwa swidyoho swa n'wina; kutani mi ta amukela nyiko, wu nga Moya lowo Kwetsima,

Vaefesa 2:11

N'wina vamatiko, lava khale hi ku velekiwa a mi vuriwa “lavo ka va nga yimbanga”, hi Vayuda lava tivulaka “lavo yimba”, hikwalaho ka ngoma leyi endliwaka hi mavoko ya vanhu emirini wa vona, tsundzukani leswi a mi ri swona.

Vagalatiya 2:15

Hina hi Vayuda hi ku velekiwa, a hi vamatiko va nga “vadyohi”.

Timhaka 2:33

Sweswi ke ú tlakuriwile a ya evokweni ra xinene ra Xikwembu; ú amukele Moya lowo Kwetsima lowu tshembisiweke, wu nga lowu humaka ka Tatana, kutani ú cherile ehenhla ka hina leswi mi swi vonaka ni leswi mi swi twaka.

Timhaka 11:3

va ku: “Wena, u nghene eka vavanuna lava nga yimbangiki, u dya na vona.”

Timhaka 11:2

Kuteloko Petro a tlhandlukele eYerusalema, lava a va tsakela swa ku yimba va tengisana na yena,

Varhoma 5:5

kutani ku langutela a ku hi khomisi tingana, hikuva Xikwembu xi cherile rirhandzu ra xona etimbilwini ta hina hi Moya lowo Kwetsima lowu hi nyikiweke wona.