Timhaka 1:7 - BIBELE Mahungu Lamanene

⁷ Yesu a ku ka vona: “A swi mi fanelanga ku tiva tinguva, hambi yi ri minkarhi leyi Tatana a nga tihlawulela yona hi vukulukumba bya yena;

Testamente Leyimpsha Xichangana

⁷ Yesu aku ka vona: “Asvimifanelanga kutiva tinguva, hambi yili minkama leyi Tatana angatihlawulela yona hi vukulukumba bza yena;

Xitsonga (Bibele)

⁷ A ku eka vona: “A swi mi fanelangi ku tiva tinguva, hambi yi ri mikarhi leyi Tatana a tihlawuleleke yona hi vukulukumba bya yena ntsena;

Timhaka 1:7 Referans Kwoze

Matewu 24:36

“Loko ri ri siku ra kona ni nkarhi wa kona, a ku na loyi a swi tivaka, hambi ti ri tintsumi ta le matilweni, hambi a ri N'wana; swi tiviwa hi Tatana ntsena.

Marka 13:32

“Loko ri ri siku ra kona ni nkarhi wa kona, a ku na loyi a swi tivaka, hambi ti ri tintsumi ta le tilweni, hambi a ri N'wana; swi tiviwa hi Tatana ntsena.

Marka 10:40

kambe loko ku ri ku tshama evokweni ra mina ra xinene, hambi ka lera ximatsi, a hi mina ndzi nga mi nyikaka swona, kambe swi ta va swa lava swi lunghiseriweke vona.”

Duteronoma 29:29

“Ku ni swilo leswi swi ngo va xihundla xa HOSI Xikwembu ntsena; kambe hinkwaswo leswi tsariweke ebukwini leyi ya Nawu, Xikwembu xi hi hlamuserile swona, leswaku hi ta swi hlayisa, hina ni vatukulu va hina.

Daniele 2:21

Hi xona xi hundzuluxaka minkarhi ni tinguva, xi susa ni ku veka tihosi eswitulwini swa tona; hi xona xi nyikaka vutlhari ni vutivi eka tintlhari ni ka lava twisisaka;

Vaefesa 1:10

loku a xi lava ku ku yisa emahlweni, minkarhi ya kona yi kondza yi hetiseka. Ku rhandza ka xona i ku hlanganisa swivumbiwa hinkwaswo, swa le matilweni ni swa la misaveni, nhloko ya swona a va Kriste.

Luka 21:24

Va ta dlawa hi fumu, va ta yisiwa va ri mahlonga ematikweni hinkwawo; kutani muti wa Yerusalema wu ta kandziyeriwa hi vamatiko ku kondza loko minkarhi ya vona yi ta va yi herile.

2 Timotiya 3:1

Tiva leswaku emasikwini ya makumu, ku ta fika minkarhi yo nonon'hwa.

1 Timotiya 6:15

Ku humelela loku ku ta kombisiwa erivaleni hi nkarhi wa kona, hi Loyi a katekeke, Loyi a nga ni matimba a ri swakwe, Hosi ya tihosi ni Mufumi wa vafumi.

Timhaka 17:26

Hi munhu un'we xi endlile vanhu van'wana hinkwavo leswaku va eneta misava hinkwayo; xi va vekele tinguva leti xi ti hlawuleke khale, xi veka ni mindzilekana ya lomu va fanelaka ku tshama kona.

Matewu 20:23

A ku ka vona: “Kunene mi ta nwela exinwelweni xa mina, kambe loko ku ri ku tshama evokweni ra mina ra xinene hambi ka lera ximatsi, a hi mina ndzi nga mi nyikaka swona, kambe swi ta va swa lava swi nga lunghiseriwa vona hi Tata wa mina.”

Ntirho 24:1

“Hikwalaho ka yini Xikwembu-xa-matimba-hinkwawo xi nga tivekeli minkarhi yo ba vadyohi, ni lava va xi tivaka va siveriwa ha yini ku vona minkarhi ya kona xana?