Timhaka 1:5 - BIBELE Mahungu Lamanene

⁵ hikuva Yohane ú khuvurile hi mati, kambe n'wina mi ta khuvuriwa hi Moya lowo Kwetsima, endzhaku ka masiku ma nga ri mangani.”

Testamente Leyimpsha Xichangana

⁵ hikuva Yohani aakhuvula hi mati, kambe n'wina mitakhuvuliwa hi Moya Wokwetsima, ndzhaku ka masiku mangali mangani.”

Xitsonga (Bibele)

⁵ hikuva Yohane, kunene u khuvurile hi mati kambe n'wina mi ta khuvuriwa hi Moya lowo Kwetsima, loko ku hundzile masiku ma nga ri mangani.”

Timhaka 1:5 Referans Kwoze

Matewu 3:11

Loko ndzi ri mina, ndzi mi khuvula hi mati hi ku ya hi ku hundzuka ka n'wina, kambe loyi a taka endzhaku ka mina, wa ndzi tlula hi matimba; a swi ndzi fanelanga ku n'wi hluvula tintanghu; hi yena la nga ta mi khuvula hi Moya lowo Kwetsima ni ndzilo.

Luka 3:16

Yohane a va hlamula hinkwavo, a ku: “Loko ndzi ri mina, ndzi mi khuvula hi mati, kambe wa ta un'wana loyi a ndzi tlulaka hi matimba, loyi swi nga ndzi faneriki ku ntshunxa ngoti ya tintanghu ta yena; yena ú ta mi khuvula hi Moya lowo Kwetsima ni ndzilo.

1 Vakorinto 12:13

Hinkwerhu, hambi hi ri Vayuda kumbe Vagriki, mahlonga kumbe lava tifumaka, hi hundzukile miri wun'we, hi ku khuvuriwa ka hina eMoyeni wun'we; hinkwerhu hi nyikiwile ku nwa Moya wun'we ntsena.

Tito 3:5

xi hi ponisile. A ku nga ri hi mhaka ya mintirho leyo lulama leyi hina hi hexe hi yi endleke, kambe xi hi ponisile hi tintswalo ta xona, hi ku hlantswiwa loku endlaka leswaku Moya lowo Kwetsima wu hi nyika ku tswariwa ra vumbirhi, ni vutomi lebyintshwa.

Marka 1:8

Mina ndzi mi khuvurile hi mati, kambe yena ú ta mi khuvula hi Moya lowo Kwetsima.”

Timhaka 19:4

Kutani Pawulo a ku: “Hi nkhuvulo wa yena, Yohane ú khuvurile lava a va hundzukile; a a byela vanhu ku pfumela eka loyi a a ta ta endzhaku ka yena, hileswaku yena Yesu.”

Timhaka 10:45

Kutani vapfumeri va Vayuda lava teke na Petro, va hlamala ngopfu, loko va vona leswaku nyiko ya Moya lowo Kwetsima yi averiwa na vona vamatiko.

Yohane 1:31

Mina a ndzi nga n'wi tivi, kambe ndzi tile ndzi ri la khuvulaka hi mati, leswaku a ta humeseriwa erivaleni eka Vaisraele.”

Yuwele 3:18

“Hi siku ra kona, tintshava ti ta pfempfa vhinyo yo nandziha; ntswamba wu ta khuluka eswintshabyanini, swinkobyana hinkwaswo swa tiko ra Yuda swi ta hobomulana. Endlwini ya mina HOSI, ku ta baleka nthavela, mati ma ta huma ma ya cheleta Nkova-wa-Xitimi.

Matewu 3:6

kutani a a va khuvula enambyeni wa Yordani, va ri karhi va tivula swidyoho swa vona.

Yohane 1:26

Yohane a va hlamula, a ku: “Mina ndzi khuvula hi mati; exikarhi ka n'wina, ku yimile un'wana loyi mi nga n'wi tiviki;

Yohane 1:33

Mina a ndzi nga n'wi tivi, kambe Xikwembu lexi ndzi rhumeke ku khuvula hi mati, xi ndzi byerile, xi ku: ‘Loyi u nga ta vona Moya wu xikela ka yena, wu tshama ehenhla ka yena, hi yena loyi a khuvulaka hi Moya lowo Kwetsima.’