Timhaka 1:26 - BIBELE Mahungu Lamanene

²⁶ Hiloko va hlawula musivi hi ku hoxa vuhlolotwana, kutani byi komba Matiyasi; kavaloko a hlayiwa swin'we ni vaapostola lava khume na un'we.

Testamente Leyimpsha Xichangana

²⁶ Kutani vanghenisa mavito lawa mambirhi vahlahluva tinhlolo kukuma musivi, kutani kuhumelela vito ra Matiyasi; kutani ahlayiwa svin'we ni vapostola lava va khume ni mun'we.

Xitsonga (Bibele)

²⁶ Kutani va hlahluva hi nhlolo, kutani nhlolo yi humesa Matiyasi; kutani a hlayiwa exikarhi ka vaapostola lava khume na un'we.

Timhaka 1:26 Referans Kwoze

Levhitika 16:8

Kutani Aroni ú ta hlawula xin'we xa swiphongho hi ku hoxa vuhlolotwana, leswaku xi humeseriwa mina HOSI, lexin'wana xi hlawuleriwa Azazele hi byona vuhlolotwana.

Yoxuwa 18:10

Yoxuwa a va vutisela timhaka eka HOSI Xikwembu hi ku tirhisa vuhlolotwana eXilo; kutani a avela Vaisraele tiko, nyimba yin'wana ni yin'wana yi kuma xiphemu xa yona.

Yonasi 1:7

Hiloko vatluti va byelana va ku: “Tanani, a hi hoxeni vuhlolotwana, hi ta tiva leswaku muvangi wa khombo leri i mani.” Va hoxa, kutani vuhlolotwana byi komba Yonasi.

1 TIKRONIKA 24:5

Mintlawa leyi yi hlawuriwile hi ku hoxa vuhlolotwana, leswaku exikarhi ka va ka Eliyazara ni le xikarhi ka va ka Itamara ku va ni varhangeri va mintirho ya le Tempeleni, yi nga mintirho ya Xikwembu.

Timhaka 2:14

Hiloko Petro a yima kun'we ni vaapostola lavan'wana va khume na un'we, a tlakusa rito a ku ka vona: “Vavanuna va Yudiya, na n'wina hinkwenu vaaki va Yerusalema, ndzi lombeni tindleve mi ta tiva leswi:

Swivuriso 16:22

Loyi a nga ni vutlhari, ú ni xihlovo xa vutomi, kambe swiphukuphuku swi biwa hikwalaho ka vuphukuphuku bya swona.

Timhaka 13:19

Kuteloko xi herisile va miganga ya 7 etikweni ra Kanana, xi avela vatatana tiko ra kona, ri va ndzhaka ya vona.

Yoxuwa 14:2

Ndzhaka ya vona va va averile hi ku tirhisa vuhlolotwana, hilaha HOSI Xikwembu xi leriseke Muxe hakona leswaku a avela tinyimba ta Israele ta 9 ni hafu.

Nehemiya 10:34

Hi tlhelo ro yisa tihunyi enkarhini wa minkhuvo leyi vekiweke, leti nga ta hisa magandzelo ehenhla ka alitari ya Xikwembu xa hina hilaha swi tsariweke ha kona enawini, hina ni vaprista ni Valevhi hi ta hamba hi hlawulana hi ku hoxa vuhlolotwana lembe rin'wana na rin'wana; byona byi ta komba ndyangu lowu faneleke ku yisa tihunyi endlwini ya Xikwembu lembe rolero.

Nehemiya 11:1

Emutini wa Yerusalema a ku tshama varhangeri; kutani ntshungu wu hoxa vuhlolotwana leswaku exikarhi ka mindyangu yin'wana na yin'wana ya khume, ku hlawuriwa ndyangu wun'we wu ya tshama emutini lowo hlawuleka wa Yerusalema, kasi mindyangu leyi salaka ya 9 yona yi tshama emitini yin'wana.

Swivuriso 16:33

Vanhu va nga vutisa timhaka hi ku hoxa vuhlolotwana, kambe nhlamulo, yi tiva hi HOSI Xikwembu ntsena.

Marka 6:30

Vaapostola va ya hlangana na Yesu, va n'wi rungulela hinkwaswo leswi va swi endleke, ni leswi va swi dyondziseke.

Timhaka 1:23

Hiloko va humesa vambirhi: Yosefa loyi a va ku i Barsaba (rin'wana a va ku i Yusto), na Matiyasi.

Nhlavutelo 21:14

Kutani rirhangu ra muti a ri ri ni maribye ya masungulo ya 12, eka wona ku ri ni mavito ya 12 ya vaapostola lava khume na vambirhi va Xinyimpfana.